كل كلمات الحب هيي عبارة عن تفاصيل ثانوية، ديكورات وزينة، بتضيف جمالية للعلاقة لا أكتر ولا أقل ! كل الغزل والهدايا والشكاوي ولحظات الفقد والإشتياق والهجر والتواريخ والإحتفالات هي عبارة عن إضافة لطيفة لأي علاقة
بس الحقيقة الوحيدة إنك بتحتاج لشخص يحمل الحياة معك !
نحن منلجىء للحب لسبب واحد بس
في أيام بتمر عليك تقيلة كتير وبدك شخص يحمل معك !
بتحب لإنك بحاجة تشبع شعور الوحدة وتلغيه وتعيش تجربة حقيقة بتجسد مشهد "شخص وقع جوا حفرة عميقة وشخص واحد بس أقنعو إنو بيقدر يطلع بكل سهولة ويسر .. وطلع "
منحب لإنو نحن بحاجة لشعور الإنتشال .. شخص ينتشلك ويسحبك ع منطقة الأمان باللحظة الي بكون بداخلك صراع عاجز حتى أنت عن فهمو،
منحب لإنو بدنا شخص واحد عندو القدرة ع قراءة ملامحنا وترجمتها
هاد الشعور يلي بلا سبب واضح و منطقي ، بيحتاج معه احترام و تفاهم و احتواء ..
شخص واحد يآمن فينا ?
