مکالمه شبیه خوانی مجلس یزید

من اُول شمرم اولوب گوندوز ، گوزومده قاره قرخ گوندی

جماعت ایلیور لعنت منِ بی عاره قرخ گوندی

یزیدین بیر قوری قولی منی آلّاتدی اوّلده

بئله بیر درده هئچ یئرده تاپیلمور چاره قرخ گوندی

یوخوم گلمور گئجه گوندوز یاتام بیر لحظه حدّاقل

عجب خوار ایله دی دوندوم چمنده خاره قرخ گوندی

اوتانمادیم پیمبردن حسینون باشینی کسدیم

عزالی عترتی یکسر قالوب آواره قرخ گوندی

یوزوم قاره اوزوم خوارم اسور قلبیم دیزیم تیترور

که لرزه سالموشام بو گنبد دوّاره قرخ گوندی

داخی چالما حیا ایله الون شل اولسون ای طبال

اوزومده ایلورم نفرین  سنونتک یاره قوخ گوندی

پشیمانم پشیمانلیق منه هئچ فایده ائتمز

چون عاشوردان عاق اولدوم حق داداره قرخ گوندی

نچه مأمور دوزخدن گلور قولّاریمی باغلور

منی هر گون نچه دفعه چکولّر ناره قرخ گوندی

ندن بیر عده لر عبرت آلانمور بو قضایادن

پشیمانلیق باشین خولی چالور دیواره قرخ گوندی

گلون آللّهیدن قورخون یزیده اولمیون تابع

پشیمانلیق باشین خولی چالور دیواره قرخ گوندی

خلاصه ای مسلمانلار بودور منظور عزا اولسون

ملک لرده عزا دوتموش شه اَبراره قرخ گوندی

غبار غم  بورویوب کربلانی قرخ گوندی

نی یون  نواسی دوتوب نینوانی قرخ گوندی

ولایتین چمنینده ایاقلانوب گوللر

شهید ائدوبله سوسوز باغبانی قرخ گوندی

چمندن آیری دوشوب بلبلان دل خسته

گورنمیوبله گوزل گلستانی قرخ گوندی

نه باغبانه ترحم ائدوبله نه گولونه

آتادان آیری سالوبلار بالانی قرخ گوندی

دیار کرب وبلاده بیر اتفاق دوشوب

دوشوبدی دیل لره غم داستانی قرخ گوندی

آخوبدی خون خدانین قانی یئره ناحق

قان آغلادور بو محن آسمانی قرخ گوندی

دیَینمورم دیه بیلمم نه ظلم ائدوبدی یزید

ملول ائدوب ستمی ماسوانی قرخ گوندی

اولوبدی غارت حسینون او کهنه پیرهنی

ائدوبله جامه سیه ، اِنس و جانی قرخ گوندی

ستمله قول قولا باغلاندی اهل بیت نبی

دوشوبدی چول لره غم کاروانی قرخ گوندی

آتام آنام اولا قربان او زینبه که اولوب

حسین بالالارینون پاسبانی قرخ گوندی

هر عاشق آیری دوشه یاریدن یاتا بیلمز

رباب یاتمادی گویا بیر آنی قرخ گوندی

ایچوبدی سو ، صودولن دوشلری دولوبدو ولی

گزور تاپانموری دلسیز بالانی قرخ گوندی

شمر

ای اهل شام شمر جفا کار دون منم

دنیایه ظلم اساسینی یکسان داغیتمشام

بر باد ائدوب شریعت غرّا بناسینی

ختم رُسل بساطینی ویران داغیتمشام

سنان

من سنان ابن انس بیداد و هم  طغیان ائدوب

کربلاده بیر شهِ  عالیمقام ئولدور میشم

قطب عالم لنگرِ افلاک و عرشین زیوری

فخرِ آدم سیّدِ ذوالاحتشام ئولدور میشم

زجر

من او زجرم کربلا دشتینده بیداد ائتمیشم

خانه دینی یخوب ظلمیله بر باد ائتمشم

قان توکوب باشلار کسوب یتمیش ایکی جان آلمشام

جرم سیز قان توکمگی دنیاده ایجاد ائتمیشم

شمر

یخدیم ائوین جفا ایله اولاد حیدرین

زهرا عیالینی چوله نالان داغیتمشام

شمرین گلون رشادتینه مرحبا دیون

تا ظهر اولونجا یتمیش ایکی جان داغیتمیشام

سنان

مصطفی نسلین قیروب عالمده بیر جان آلمیشام

ایلیوب خورد و کُبارین قتل ِ عام ئولدورمیشم

آلِ سفیان عشقینه آلِ عبانی خوار ائدوب

آلمیشام بدرو حُنینه انتقام ئولدورمیشم

زجر

من حسینه باغلادوم او چولده سو یولاّرینی

سو کنارینده یخوب کرب وبلا سردارینی

سالدیم عبّاسین بدندن من اوزون قولّا رینی

پیکرین صد پاره شمشیر فولاد ائتمیشم

شمر

عبّاسی ئولدورنده گلوب جوشه غیرتیم

یوز نامداره تاج زرافشان داغیتمشام

اکبر غمینده تشنه حسینون بئلین بوکوب

اهل حرم جگرلرینه قان داغیتمشام

سنان

آدیمی امت قویوب ، عاقّ اولموشام پیغمبره

قانینی توکدوم عبث ناحق امام ئولدور میشم

فکر ائدر سوز بیر امام ئولدورمیشم ؟ والله یوخ

جمله ی بو ما سِوانی بالتّمام ئولدورمیشم

زجر

من او چولده ائتمدیم آل پیمبردن حیا

ظلم و جوریمدن منیم قان آغلادی آل عبا

عادایله فرعونده اولماز بئله جور و جفا

هاردا بو ظلمی دیوب نمرود شدّ اد ائتمیشم

شمر

قاسم طویون جفائیله من یاسه دوندروب

طوی حجله سینی ظلمیله تالان داغیتمشام

تیر ستمله صود امر اصغر بوغازینی

قیلدوم نشان ناوک و پیکان داغیتمشام

سنان

جدّی دور احمد آتاسی مرتضی شیرِ خدا

وارِث خَتمِ  رُسُل خیرالانام ئولدورمیشم

آدینی ذِکر ائتمرم تا شیعه لر باش آچماسا

قورخورام آدین دئسم ائتمز دوام ئولدورمیشم

زجر

دوغرادیم میدان ایچینده پاره پاره اکبری

اوخلادیم تیر جفادن تشنه حلق اصغری

قویمادیم یتسون مراده قاسم گل پیکری

یاندوروب طوی حجله سین ظلمیله بر باد ائتمیشم

شمر

دورت مین یارلی سینه سینه چکمه لی چیخوب

صندوق   علم   ناطق   قرآن   داغیتمشام

خنجر قویاندا تشنه پیمبر اوپن یره

بیر وقت گوردوم عالمه طوفان داغیتمشام

سنان

آدیدور سلطان عاشورا ، حسین کربلا

گور بو شاهی من نجه ای اهلِ شام ئولدورمیشم

ائتمدیم حُرمت حَریم بزم قرب حرمته

من قساوتله اونی بی احترام ئولدورمیشم

زجر

تشنه لب من کسمیشم دالدان  حسینون باشینی

قانه غلطان ائتمیشم یدّی جوان قارداشینی

دوندروب قانه علی اولادینون گوز یاشینی

زینب و کلثوم ایشین تا حشر فریاد ائتمیشم

شمر

سالمشام دلدن کلام الله ناطق اوغلونی

مُصحَفِ  ناطق بالاسین لا کلام ئولدورمیشم

بیر باخون نیزه باشیندا بو بدنسیز باشه سوز

طَلعتِ شمس الضّحی بدر  ظلام ئولدورمیشم

سنان

ایستدی سو وئرمدیم سو باشینی کسدیم سوسوز

سووئروب خنجر دمیندن تشنه کام ئولدورمیشم

کیم مسلمانی سوسوز بیر نامسلمان ئولدوروب

بو شهی عطشان منِ بی ننگ و نام ئولدورمیشم

زجر

کوفه دن شامه کیمی آل  رسولی داغدار

بعضی سین آتلار دوشینده بعضی سین ناقه سوار

قمچی لر آلتیندا من بی رحم و شوم و نابکار

ایشلرین شام و سحر فریادایله داد ائتمیشم

شمر

داغلادیم هجران شرارینده او آل یاسینی

اوج افلاکه یتوردوم آه و  واویلاسینی

قویمادیم اهل حرم دوتسون ئولنلر یاسینی

روح سفیانی بئله ظلمیله من شاد ائتمیشم

سنان

یاندروب هجران شعاعیله سوسوز بو سروری

باشینی دالدان کسوب من تیره فام ئولدورمیشم

سکینه

ای اهل بیتون        غمخواری قارداش

ای  کربلا نون          بیماری  قارداش

امام سجاد

ای جان باجی جان         ماه حجیزی

فـرمایشون دی              اکبر عزیزی

سکینه

هیچ  گورمدوک  بیز         دنیاده    بهره

ایندی گئدوروک         بیز هانسی شهره

امام سجاد

اوتلی سوزندن             دوندوم  کبابه

باجی  گئدوروک              شامِ خرابه

سکینه

کربُ و بلاده            عمّم   سویولدی

هر رهگذرده    چوخ چوخ دوگولدی

امام سجاد

یاندیرما قلبیم              باجی  یانار چوخ

بوشامِ شومدا             هیچ بیرزادیم یوخ

سکینه

یول گلمیشم من          از   بس   پیاده

هانسی جفادور            بوندان زیاده

امام سجاد

واروندی آرتیخ          خوف و هراسون

گل تا گوره سن           شامین جفاسون

سکینه

من گوره بیلمم      شامون صفاسین

من چَکه بیلمَم       جور و  جفاسین

امام سجاد

قوتما  او  گوندن     ای  تلخ  کامه

دوشسه   گذارون       بازارِ    شامه

سکینه

آمان او شَهریندن الله جفاسی آرتوخدور

بیزِ اسیره  مگر   بیرجه   دادرَس   یوخدور

نِجه او شامه گِئدوم غصه جانیمی بورویوب

آیاقلاریم یَریمور دیزلریمده قان قورویوب

نه چاره    ایلیوم      الله    یتشموشم   جانه

آیاق یالین،باش آچوق من نِجه گئدیم شامه

زجر

زبس آغلیوب  تنگه   گئتدون  منی

سن  ای   فاطمه   باغینون   سوسنی

که دوش  ناقه دن  یرده ایله  مکان

گئده  بلکه  راحت  بو  دم کاروان

رقیه س

کوچوبدی   قافله میز   ناله   عالمه    سالاّم

که هیچ کیمون خبری یوخ بو چولده من قالاّم

اگر چه زجرون الیندن خلاص اولوب جانیم

ولیک  قورخی   اوجالدور  سمایه    افغانیم

ای  اهل   بیتی   ویلان  بابا جان

هاردا قالوبسان اولدوم هراسان

بیر  چاره   ایله   بو   دل    کبابه

رحم ایله دوشدوم من اضطرابه

خوار و  ذلیلم   بابا   حسین جان

سنه   دخیلم    بابا    حسین جان

شمر

نه سرّ   واردی    خدایا     بحال   زار   تباه

تعجبم        بو       ایشه         لا  اله  الاّ  الله

یقین بوحادثه ئوز ویردی واردی بیر علت

جدا باشیندا حسین  باشی ایلمور حرکت

یتیش حضوریمه ای زجر ایله  شیون و شین

دوروبدی  نیزه ده  گئتمور   سر امام  حسین

زجر

عبث تلاش  ائلمه  ای   امیر   خوش   بنیاد

یقین بو حکمتی  الان  بیلوبدی زین العِباد

گِئدوب حضوره سن اول پادشاه دینی گَتور

آتاسینون     یانینا    زین    العابدیني   گَتور

حسین دایانماقینی اوندان آل سن ایندی خبر

دیسون   نیه   دایانوب   اول   امام  جنّ و بشر

شمر

اماما  بو   دمده   بیزه  یار اول

قضیه  وئروب یوز خبردار اول

سالوب لنگرین اول امام مبین

دوروب  گئتموری  نیزه اوسته حسین

بیان ایله  گئتمز گور آیا  نه وار

بو سرّی  بویور تا اولا آشکار

امام سجاد

در جلوی سر امام

السّلام علیک یا ابا عبدالله

السّلام علیک یا ذبیحاً مِن القَفا

سلام اولا سنه ای اومتّين پناهی بابا

سلام اولا سنه ای دوغرانان سپاهی بابا

فدا اولوم   باشوا   قانیلن   اولوب  رنگین

سبب ندور اولوب عرش  خدا کیمین  سنگین

بلافاصله

اونون اوگوزیاشی عمّه قراریمی  آلدی

یواش یواش دیوری گئتمرم بالام قالدی

که سای اسیرلری عمّه ی کشیده  فراق

گور ایندی کیمدی قالیب عمه جان  بابامدان ايراق

زینب س

نه کول توکه باشینا قامتی کمان زینب

حسینه یاخشی یِتیم ساخلادون آمان زینب

که قارداش اوغلو آماندور مهِ مدینه قالوب

رقیّه نی چوله بیلدیم بو قوم کینه سالوب

بالام   رقیه   اگر گلمسه   یوزوم    گولمَز

یارالی باش بالامی گورمسه دورار گئتمز

امام سجاد

که ای خراب ایِلیَن مصطفی عمارتینی

بابام حسیندن آلان مرتضی عداوتینی

ندندی گئتمز آتام عالمی نوایه سالوب

بیلون غریب آتامین بیر بالاسی چولده قالوب

باجیم رقیه قالوبدی بوچولده ای لشگر

که اوندان اوتری سالوب شاه کربلا لنگر

آماندی شِمر بابامون عزیزینی گتورون

او اوچ یاشیندا  قیزی  بو  یارالیا یتورون

اوشاغدی گویلی سینیخدی اونون  اوحالینه  یان

که خوش دیلیله دانيش  بی مروّت اولماگلان

زجر

عجب خطایه بوگون شُمرِلن دچار اوُلدوخ

علی یانیندا یقین خوار و شرمسار اوُلدوخ

نه ایلمیشدی بیزه بیلمورَم امام حسین

اوزی شهید، عیالی اسیر و خوار اوُلدی

طعام و سو گتوروم  ،  یانموشام بو احواله

که آختاروم بو چولی کفروم آشکار اُولدی

رقیه س

الله بو چولده                  آواره قالدوم

چارَه م  اوزولدی          بی چاره قالدوم

حالیم بابا جان                 سنه عیاندور

گئتمه آماندور                بیرجه دایاندور

گر  یوخدو عباس           ای شاه محشر

باری  دی گلسون           قارداشیم اکبر

رقیه و زجر هوه به هوه

ای رقیه بیرجه اِئتمه ناله سن(1)

وای دُچار اُلدوم گنه بو زجره من(1)

قوتما   قوتما  مهربانم  من  سنه(2)

مهربانسان بس بابامی وئر منه(2)

دور گئدک آتون سنه تسلیم ائدیم(3)

بیر نشان وئر اکبریمی قوی  گوروم(3)

دورگونان یولّوب منی زین العِباد(4)

چوخ عجبدور من یتیمی قیلدی یاد(4)

آل سنون چون گوندروب آبُ و طعام(5)

زهریم اوُلسون من غذا  سندن  آلام(5)

گل سوار اول چوخ  اوزاخدی کاروان(6)

ال منه  ویرما  سن  ای کافر امان(6)

گل سوار اول  من اذیّت ائتمرم (7)

چوخ منی اینجیتمه سنلن  گئتمرم(7)

بس سوار اولما قاباقه دوش گئدک(8)

یول اوزاق – قبار ایاق الله نِدَک(8)

دوش قباقه گئتدی ایندی کاروان(9)

من قباقدا گئتمرم ای وای اَمان(9)

بَس ننوعی سن گلرسن دِی   بیلوم(10)

سن قباقه دوش دالونجا من گَلوم(10)

هیچ اوشاق الله بو حاله دوشمه سین(11)

هیچ  قیزی الله یتیمه ائتمه سین(11)

زجر

رقیه قورخما سنه اِیلرم محبَّت لر

یتنده  قافلیه   باشوه   سالوّم    معجر

الیم شل اولسون اگر ایلسم  سنه آزار

دالیمجا گل اورگیم یاندی چون بحال فکار

رقیه س

الیم     ایاغیم        یاره لنوبدی

یاره لریمون  قانی   آخوبدی

پاره   ائدوم  من   بو  پیرهندن

باغلوم یاراسین ای حی ذوالمن

رقیه و زجر هوه به هوه

ای رقیه دی ندن قان آغلوسان(1)

زجر ایاقیم یاره لنمش باغلورام(1)

دی نچون نازک ایاقدان قان آخار(2)

باخ  ایاقیمه  وروبدور گور قابار(2)

دور  معطّل  ایلمه  زجری عبث(3)

قوی ایاقیمون کسیلسون قانی بس(3)

دورگیلان لشگر هامی یول گوزلوری(4)

زجر   واللهی   ایاقیم     سیزلوری(4)

دور  گئدک  ای  بلبل  باغ  جنان (5)

بیر دقیقه صبر ائله  ای زجر امان (5)

گون غروب ائتدی بو امره  چاره ایت (6)

گل ثواب ایله منی قوی بوردا گئت (6)

قمچی وورّام باشوه ناز ائتمه سن(7)

وورما یاندیم قمچینین آلتندا من(7)

گون غروب ایتدی رقیه بس ندک(8)

قمچی ووردون گوزلریم گورمور گئدک(8)

وورّام ایندی من باشوندان بیر لگد(9)

عمه جان امداده گل ایله مدد(9)

زینب س

یوخومدی چاره بو درده مروت یوخدی لشگرده

رقیّم قالدی چوللرده رقیّم هارداسان هاردا

اگر چه زجر رحم ائتمز ولی مقصودینه یتمز

بابون باشی دورب گئتمز رقیّم هارداسان هاردا

زجر

جزاده روسیه اولدوم  ایشیم   نزار اولدی

حسین رقیه سی آخر الیمده خوار اولدی

بو حالی عمه سی بیلسه تاپانمارام  چاره

بونی  گرک آپارام  من  او زینب زاره

زینب س

نه یرده قالموسان ای ناتوان رقیّه بالا

بی بون ئوله بالاجان هارداسان رقیّه بالا

کباب ایتمه منی ای غریب آواره

ندوم نچاره قیلوم یوخدی دردیمه چاره

رقیه س وزینب س هوه به هوه

سس گلور عمم سسی دور بیلمرم  (1)

من سنی  چوخدان  رقیّه سسلرم   (1)

بو گئجه وقتینده کیمسن قیل بیان    (2)

گل قوجاقیمه گئدک ای باغریقان   (2)

قورخورام کیمسن  یولومی باغلاما   (3)

زینبم    من   ای    رقیه      آغلاما    (3)

بیله ساخلالار یتیمی عمه جان    (4)

نیلیوم چاره یوخوم  ای   باغریقان   (4)

بس سنه تاپشورمادی بابام منی    (5)

حقدی تاپشوردی منه بابون سنی  (5)

خوار قیلدی من یتیمی  بو  فلک    (6)

کاروان گئتدی الون وئر دور گئدک   (6)

بلافاصله زینب س

آغلاما بو قدری          گوزلورون فداسی

آز  منی  اوتاندیر       قارداشیم بالاسی

بو لبولوم دوشوبسَن آیری اوز گولوندن

اوت دوتوب وجودیم  اوتلی نسگلوندن

شمر

ای اسیران حجاز ای اهل بیت خوش نهاد

حکم صادر ایلیوبدور تازه دَن  ابن زیاد

بو گئجه   صحراده   سیز   منزل   ائدون

صبح   اولاندا   شمرلن    شامه    گیدون

یزید

مُدت اولدی گلمدی هر كشورُ هر شهریدن

لشگریمدن بیرخبر یوخ یاندی جانیم قهریدن

بیلمدیم نولدی حسینون ماجراسی ای خدا

نه   گلوبدور  بیرجه  نامه  نه  خبر  نه  ماجرا

من یازوم سعد اوغلونا موقوف ائده دعواسینی

چون منی  رسوا ائدر ئولدورمگ آل یاسینی

بلافاصله

کوفدن مدتدور احوالات لشگر گلمدی

ابن سعدو خولی و شمر ستمگرگلمدی

گلمدی بیر قاصدِ فرخنده دلشاد ایلسون

نه قوشون گلدی نه منصور و نه عسگر گلمدی

اطلاعِ کربلادن اولمادی بیرجه خبر

نوفل ابن ارزق ملعون و ابتر گلمدی

بیلمورم فتح ایتدیلر یا که قوشون تاپدی شکست

اول عبیدالله سردار بد اختر گلمدی

ساقیا بیر باده وئر قلبیمی خوشحال ائتگيلن

تا گورک نیلر قضا شمرِ ستمگر گلمدی

شمر

السّلام   ای  مفخر   اولادِ     سفیان   السّلام

ای یزید ای حاکم و ای میر و سلطان السّلام

حکم ائله  تزئین ائده بو شهر شامی اهل شام

چون حسین ابن علیدَن آلموشام  من انتقام

یزید

اسّلام ای سرور و سر حلقه ی مردان شام

مرحبا صد بارک الله ای یل خوش احتشام

آفرین صد بار ک الله جرئتی کی سنده وار

آنچه منظورِ نظردی سندن اولدی آشکار

شادکام اولدوم بو اخباروندن ای نیکو خصال

خوار و زارایتدون  علی اولادینی گل خلعت آل

شمر

مژده ویئر ای خسروِ والای عالم مژده ویئر

بیدق حکمون آچوب پرچم دمادم مژده ویئر

فتح   نصرت   ایلیوب   شمر   دلاور    کوفده

تحت حکمونده اولوب شاهان اکرم مژده ویئر

قطع نسل ایتدوم علی اولادینی من تیغلن

گیدی قاره حضرت حوّا و آدم مژده ویئر

کربلایه ویرمیشام بیر اود کی تا محشر یانا

یوخدی خاموش اولماقی آدم  زِ خاتم مژده ویئر

یزید

حسینون ماجراسیندن منه اِیله بیان ای شمر

پیمبر گلشنی اولدی نئجه آخر خزان ای شمر

منه کربُ و  بلا  کیفیتین  بیربیر   عیان   ایله

تمام  حادثاتین  مو به مو   الان   بیان   ایله

شمر

حسینون ماجراسیندن زمانه تنگ و تار اولدی

دوتولدی چشمۀ خورشید عالم بی قرار اولدی

یولین کسدوق فراتون عترت و اولاد حیدردن

یانوب سوز عطشدن دللّری چوخ داغدار اولدی

جهانی بیز  او شاهه بیله تنگ ایتدوق او صحراده

دیردون بس قیامت کربلاده آشکار اولدی

حسینون واریدی یتمیش ایکی انصار باشینده

امیرا لشگرون یوزمین او صحراده شمار اولدی

غرض تا   ظهر  عاشورا حسینون  یاور  و  یاری

رکابینده او شاهون شوق اوزیله جانثار اولدی

اولاندا هر مبارز یوز قویاندا سمتِ میدانه

دیردون رعد و برق اولدم دچار کوهسار اولدی

علیّ اکبر و عبّاس و قاسمدن بیزیم لشکر

هراسان اولدولار بیرباش تماماً تارو مار اولدی

غرض تا نوبت میدان یتیشدی شاه مظلومه

بیر اودلو جسمیله آخر شهید کار زار اولدی

یزید و شمر هوه به هوه

گتور ای شمر  تقریره حسینون ماجراسیندن 1

امیرا دوتدی عالم اود حسینون کربلاسیندن 1

دی اوّل کیم حسینون لشگریندن گلدی میدانه؟2

ازل   سردفتری  حرّ  دلاور  مرد  مردانه2

داخی حرّون دالیجا کیم هلاک کارزار اولدی؟3

او حرّون قارداشی اوغلی غلامی جانثار اولدی3

داخی فیض شهادتدن اوزین کیم کامیاب ایتدی؟4

حبیب و مسلم ابن عوسجه قاندان خضاب ائتدی4

او شاهین لشگری گلدی دی سن اوردا نه تعداده؟ 5

اوزیلن یاوری یتمیش ایکی آد قویدی دنیاده 5

نجه یوزمین قوشونلان گلدی اول یتمیش ایکی جنگه؟6

علی اکبر گتوردی لشگری یالقوز اوگون تنگه6

عجیبدور بیر نفریوزمین نفرلن هم نبرد اولسون7

گمان ایتمه کی بیر عباس تک دنیاده فرد اولسون7

او دشته پهلوانلار یولاّدیم هیچ اولمادی آدی؟ 8

قیروب توکدی سپاهی تک حسینون تازه دامادي8

کیمین قتلینده چوخ گوردون حسینون سینه سی یاندی 9

ئولنده قارداشی عبّاس سسلندی بئلیم سیندی 9

او شاهی کیم سوار ایتدی آتا گوندردی میدانه 10

او شاهی بیر بولوک عورت سوار ایتدی غریبانه  10

نجه گیچدی حسین اهل و عیال و خانمانیندن؟11

رکابین دوتدی زینب باجیسی کلثوم عنانیندن11

علمداری کیم اولدی بس داخی کیم اولدی غمخواری12

اولوب کلثوم علی اکبر کیمی زینب علمداری12

نجه گوردون حسینی شرح ائله سن درد و داغیندن؟13

بوکولموشدی قد سروی علی اکبر فراقیندن13

او حالیله نجه جنگ ایتدی سویله کار زاریندن14

او دشته ولوله   سالدی  شرار    ذولفقاریندن14

داخی وصف ایتگیلن ظالم حسینون ضرب دستیندن15

یئر و گوی آفرین ائتدی او شاهین ضرب شصتیندن15

قلج قویدی غلافه یاکی اولدی شیرِ نخجیری؟16

چکوب اَل جنگیدن ناگه غلافه قویدی شمشیری16

دی زینب هاردا قالموشدی باخوردی یا  او احواله17

ایدردی خیمه لر ایچره آنالیق بی کس اطفاله17

نه سمته چوخ باخاردی اول حسین آخر  نگاهینده؟18

گوزی قالموشدی تا جانی چیخینجاق خیمه گاهینده 18

یزید

گتور حضوریمه ای شمر آل حیدری سن

خفیف و خوار ائلیوم عترت پیمبری من

ستمله   قولقولا   باغلا    تمام    دلخسته

گتور حضوریمه ساخلاگیلان ایاق اوسته

دیون هامی چالالار طبل شادیانه لری

که شامه داخل ائدون اهلبیت خونجگری

نقاره و دَف و نی سویلیون که چالسونلار

یزید   عشقینه   طبل   ترانه   وور سونلار

شمر

فدای    منظر    چشم    امیر   دورانم

غلام حلقه    به  گوشم  مطیع   فرمانم

ای اسیران حجاز و اهل بیت مصطفی

مجلسه ایستور یزید ایستور ائده ظلم و جفا

سنان

سال ایندی عالمه تازه شراره ای زینب

لباس صبریوی قیل پاره پاره ای زینب

گچوبدی خوش گونون اولدی مذلّت ایامی

گرکدی سیر ائده سن سوق و کوچه ی شامی

گلوبدی مرد و زن شام بیل بو غوغایه

چخوبدی  باملره  جمله سی  تماشایه

زینب

یاندرمیون منی قویون ئوز دردیمی چکوم

بیر کسله یوخ بو شهریده دعواسی زینبون

انصاف ائدون علی قیزیام باخمیون منه

قالمش  قرا  گونه  نه   تماشاسی  زینبون

بیز یاسلیوخ ستم زده یوک گولمیون بیزه

خانه به دوش اولوب ئولوب عباسی زینبون

شمر

ای اهل شام عالمی ویران ائدن منم

کرب و بلاده ظلمیله طغیان ائدن منم

اول شمر که ائشیتمسوز عالمده قان توکن

کرب و بلاده یتمیش ایکی قان توکن منم

آل عبانی بیکس و نالان گتور موشم

پای پیاده چاک گریبان گتورموشم

قرخ منزلی پیاده سالوب آت قباقینه

اوچ یاشدا بو رقیّه نی گریان گتوموشم

زینب س

چکدی شوقون زینبی بازار شامه یا حسین

قیل نظاره چنگ و نای اِزدحامه یا حسین

سکینه س

شمر دون قولّاریمی زنجیر ظلمه باغلیوب

دوشموشم سندن کناره قیل نظاره یا علی

زینب س

بیزلره ائتموب حیا سویلوله قوم خارجی

ایلیوب زینت  چیخوبدور  جمله  بامه یا حسین

سکینه س

گور تماشایه چیخوبلاراَهل شامون قیزلاری

یوخ باشیمدا معجریم گَل اِیله چاره یا علی

زینب س

قیزلارون ایلر بهانه مندن ایستولّر سنی

نیلورم بو عمری من یتمز تمامه یا حسین

سکینه س

بسکه یول گلدیم گئجه گوندوز  اوزاق  منزللری

هاردا اولسون منزل بو بخت قاره   یاعلی

زینب س

بیر بلوک قاره لچک خردا اوشاقلار باش آچوق

زینب بخت قرا گور یتدی کامه یا حسین

سکینه س

باخ او شهلا گوزلریله گور بو بی کس باجیوی

ظلمیله  دشمن  گتورموش  بو دیاره یا علی

زینب س

گور بیزی بیلمز مسلمان اهل شام بی حیا

نه دیوم بو فرقه ی بی ننگ ونامه یا حسین

سکینه س

تا نه وقتیجک گزک ظلمیله شامون کوچه سین

رحم قیلمازلار دمی بو دلفکاره یا علی

زینب س

گور دوزولموش عترتون جمله طنابه ظلمیدن

لولوء مرجان کیمی بیربیر نظامه یا حسین

سکینه س

نیزه اوسته گل دوداقون قانیله اولموش خضاب

گلشن عمرون دونوبدور یوخسا خاره یا علی

شمر

السلام      ای         امیر        حکمروان

حاضر   اولدی    اسیرلر     بو    زمان

گتورموشم او حسین عترتینی دلخسته

برابرونده  امیرا  دوروب ایاق اوسته

یزید

بو باش کیمون باشیدور گون کیمی منوردور

عجب وجاهتی واردور مگر پیمبردور

شمر

بو باش او باشدی که چون آفتاب انوردور

اگر که قانه  باتوب   لیک   پاک  منظردور

بو نین آناسیدی لیلا  که  قویمشام گریان

مدینه نون   گوزلی    نوجوان   اکبردور

یزید

بو باش کیمون باشیدور صولت و صلابتی وار

بو نین آدین   منه   ای  شمر  ائتگیلن اظهار

شمر

بو باش او باشدی که احوالینه یانوب داغ داش

یخاندا آتدان اونی یرده چوخ سوروندی بو باش

یزید

بو باش کیمون باشیدور که اولوبدی گلناری

اسیرلر  باخور   ایلّوله   گوز یاشین   جاری

شمر

بو باش او باشدی پیمبر باساردی  سینه سینه

که نوک  نیزه ده   حسرت  باخار  رقیّه سینه

عزیز    فاطمه دور    شاه     عالمین دور    بو

تعجب    ائتمه    امیرا    سر    حسین دور  بو

یزید

بو جوان کیمدی که تکیه ائلیوب دیواره

وورولوب بوینونا زنجیر ائلیوبدور یاره

ایاقی یاره لیدور یاره سینون قانی آخور

گورورم  حسرتیلن یاره لی باشلاره باخور

شمر

بو حسین اوغلی علیدور گونی اولموش قاره

وورمشام   بوینونا    زنجیر    ائدوبدور  یاره

یزید

کیمدی زینب ایلییون ایندی منیلن روبرو

تا ائدوم بو مجلس ایچره من اونیلان گفتگو

ایستورم گورسون نجه پیروز ائدوبدی حقی حق

تخت زر چاتدی منه قارداشینه قانلی طبق

زجر

قدّ رعناسین   غم و غصّه  اگن  زینب  بو دور

شیر بازو  بسته و دشمن شکن  زینب  بو دور

قامتین غملر بوکوبدی  اگلشوب  آشفته مو

آچسا دیل گفتاره درک ایلرسن اوندا کیمدی بو

غیرتاً    شیر   خدادی     عصمتاً     زهرادی    بو

باش وئروب باش اگمین قارداشینه  همتادی بو

باخما خاموش اگلشوب قلبی  سراسر شوریدور

واردی نامحرم  ئوزین  گیزلتمگه مجبوریدور

یزید

یادیمه دوشدی ناگهان بدرو حنین و نهروان

داده چاتار فقط بو دم الده کی چوب خیزران

فاطمه بسلین گولون گر دوداقتدان  آخسا قان

زینبینی   ملر   قویار   گوز یاشین   ایلیر  روان

بلافاصله یزید

گتور حسین باشینی شمر قوی قباقیمه

او باشی اَی آشاقا داخل ائت اطاقیمه

شمر

گتورموشم  سنه  تحفه  بو  سن  بو   یاره لی  باش

بو باشه نوک جدا اوسته چوخ  ووروبدولا  داش

یزید

ای حسین ابن علی گوردون نجه تقدیری سن

قویمادون تحصیل وصلت  ایلیم  عشقیمله  من

ایلدیم  امّا  سنی  عالمده  محروم  هر  نه دن

اوغلوی قارداشووی بیر بیر الوندن آلموشام

گزدیروب  اطفالووی  چوللرده  جاندان  سالمشام

سکینه با یزید هوه به هوه

بابامی  وورما  منیم  ای  یزید  بی پرده (1)

قباقه  گلمه  چکیل  دورما  سن برابرده (1)

یانوبدی قلبی علی اکبرون فراقینده(2)

چکیل کناره گوروم دورما سن قباقیمده(2)

بابامی ویرماگیلان عمه مون قباقینده(3)

بو خیزران سالا ردّین گرک دوداقینده (3)

نقدری ایستیوسن وورمنی اونین یرینه (4)

بونین گرکدی  قارشیسون  بو قانی بیر بیرینه(4)

قوناقه حرمت ائدلّر بابام قوناقدی سنه(5)

کناره دور  بو  قدر  ائتمه  التماس منه(5)

سکینه

غریب بابامی وورولار ندور علاج عمّه

یارالوری دوداقین ضربت آغاج عمّه

زینب س

ای یزید   ای   اولان   عالمده  رئیس ظَلَمه

وورما    پیغمبر   اوپن   لبلری     قانه    بَلَمه

خیزرانون   نه  جسارتله   بئله  اندوروسن

ووروسان فاطمه اوغلون منی دیلّندیروسن

جدّه سی هند جگر خواره اولان شخص دنی

دین و قرآنه ائدر، سن  کیمی  توهین  علنی

قولی باغلی گوروسن اولما بو مجلسده منی

یخموسان   آل  علینی   سن   اگر   خنجریلن

تختدن   من   سنی   سالّام  بو قرا معجریلن

یزید

زینبا بو قارداشون خائن  تانیندی   دهرده

خائنی خوار ایتدی خالق بحر خشم وقهرده

سلطنت فکرین ائدوب گلدی بلا صحراسینه

حجّی ناقص قویدی گلدی دوشدی قان دریاسینه

هم اوزی عطشان یاتوب هم اصغر ششماهه سی

خنجریلن دوغرانوبدی اکبر شهزاده سی

یخدی لشگر تیغیلن هم عونی هم فضلی یره

نهر علقمده دوشوب قولسوز ابوالفضلی یره

دورت مین اوخ گودالین ایچره آشدی بیر بیر سینه سین

سینه سی اوسته قویوبدی شمر نادان چکمه سین

چون حسین دوردی عناده حقّی انکار ایلدی

جنگده الله اونی مغلوب ائدوب خوار ایلدی

قوملار اوستونده یارالی پیکری چوللرده دی

ذبح اولوبدور باشی الآن بوردا طشت زرده دی

زینب

ای لعین بن لعین فکر ایلوسن خوار اولموشوخ

ئولدی  قارداشیم  اسیر دست اشرار اولموشوخ

یوخ  بئله فکر ایلمه پیروز اولوبسان ای یزید

نهضتین   تکمیلینه  من  شامه  گلدیم   ای  پلید

شکر ایله رم که فخر شهادت بیزیمکیدور

محشر گونی بو تاج سعادت بیزیمکیدور

حمد ایلرم او حقّه که ایتدی بیزی عزیز

عالمده   افتخار   رسالت     بیزیمکیدور

صلواتیلن   سلام   اولا    جدّیم    پیمبره

شانیله   هر  مقام   و جلالت بیزیمکیدور

زهرا   ننمدی   صبرده   من  وارثم  اونا

مولا علی بابامدی امامت بیزیمکیدور

گئت مرتضی بابامی منیم کعبه دن سوروش

الله   ائوینده   فیض  ولادت بیزیمکیدور

مکه بیزیم دی سعی و صفا بیزدن اوتری دی

قبله   بیزیمدی   روح   عبادت    بیزیمکیدور

زمزم بیزیمدی باخما حسین تشنه جان وئروب

کوی ولاده  وار  نه   فضیلت     بیزیمکیدور

قرآنه   بیر  باخ  آیه ی   تطهیردن   اوتان

الله     اراده سیله      طهارت     بیزیمکدور

بو کبر و طمطراقیله سن کیمسن آی یزید

اگلشدیگون  او تخت  ریاست  بیزیمکیدور

کیمدور آتون بابابون طلقا زاده ساکت اول

احسان و عفو و     مهر شفاعت   بیزیمکیدور

قوی خیزرانوی  یره  شل  اولسون  اللرون

ورما   یارالی    لبلری   محنت بیزیمکیدور

یزید

فخر ائدردون چوخ اوزون قول با وفا قارداشوه

هاردا   عباسون  باخا   بوردا  سنون   گوز یاشوه

قوللارون   باغلی   گزنده   شمریلن  بازاری سن

یادوه سالدون فرات اوسته دوشن قوللاری سن

زینب س

اوتلادون   ظالم    شماتتله   منیم    احساسیمی

قول سوزین گتدون دیله سالدون یادا عباسیمی

قلبیمی قان ایلدون قاره یوزون هیچ گولمه سین

بیرده  تکرار  ایلمه   نازلی   رقییم     بیلمه سین

یزید

زینبا باشون ساغ اولسن باری قارداشدان ساری

وار امیدیم درد عباس عمریوی ایتسون یاری

من حسینه چوخ دئدیم دم  وورماسن احکامدن

اگلشوب دوردی دئدی چخمش یزید اسلامدن

نه سیزه رحم ائتدی نه رحم ایلدی اوز جانینه

عاقبت   غلطان   اولوبدی     پیکری   القانینه

شکر   او اللهه   بیزی  ایلیوبدی  آخر کامکار

سیزلری تا که جهان وار ایلیوب دنیاده خوار

زینب

ائوی داغلیان

عقلوی   الدن   آلوب   پنجۀ    تأثیر     شراب

ایلیورسن دی گوروم سن منی آیا نه حساب

من سپهر   شرفین    شعشعه  زا  اولدوزویام

غیرتیمدن خبرون یوخدی علینون قیزیام

نوۀ حضرت پیغمبر مختار منم

دختر عالمه ی حیدر کرّار منم

کربلا نهضتینه ایندی علمدار منم

باخماکی مصلحتاً بستۀ بندُ رَسنم

قارداشیم شیر خدا اوغلیدی من شیر زنم

قارداشیم بیعتوزون دعوتینی ردّ ایلدی

توکولن قانی اونون ظلم یولین سدّ ایلدی

کاش بیلیدوزکی حسین عرصه ده وحشت ایلَمز

فاطمه اوغلیدی هِند اوغلونا بیعت ایلمز

بو اوشاقلار کی گوروسن بیله پر بسته دیلر

زینبون هدیه سیدی یارینه  گلدسته دیلر

ایاق اوسته بولاری ساخلاما چوخ خَسته دیلر

دیمورم کی اُسرایه وَطنین یولّارین آچ

غیرتون اولسا بوآوارلرین قولاّرین آچ

ای یزید

دیورَم  گُلشن  عصمَتده   برازنده   گولَم

سیندیرا  بیلمَسم الآن سنی زینب دگولَم

یزید

گنه قالوبدی مگر جرات   آل  حیدرده

بو سوزلری  دانیشا   قورخمیا     برابرده

ذلیل سن قاباقیمدا طنابه   باغلی  اسیر

گنه دوروب دانیشورسان بو جراتیله دلیر

زینب

قورخ او گوندن بیزه جبریل اَمین یاوَر اولا

قورولا   محکمه   الله    آرادا    داور    اولا

سنیلن   حَرمله     منلنده    علی اصغر  اولا

فاطمه   مدرک  الینده   قاباقوندا   دایانا

یرین اوستن،گویون آتدان،قاچا جاقسان هایانا

بِش گونون عشقینه نیرنگ   اِئلدون  رنگ به رنگ

دوتدون آخرده بو وسعتلی جهانی بیزه تنگ

کوچه و  شهر به شهر ایلدون آواره بیزی

دم به دم حکم ایلدون  چکدیله بازاره بیزی

دیورم هامّی بیله یوخدی شرافت سنده

لعنت اولسون سَنَه بو تخت ملوکانُونده

یزید

باخوب بو باشلارا اولماز سیزه مگر عبرت

بئله  جسارتیلن سن دئدون منه  لعنت

زینب

منم زینب    ابوسفیانه    لعنت

دمادم زاده ی مرجانه لعنت

ئولونجه شمر بی ایمانه لعنت

معاویه  سگ    دورانه   لعنت

او نامی  ارذل  سفیانه  لعنت

سنه بیعت  ائدن  دونانه لعنت

شریح امضا ائدن فرمانه لعنت

حکم خولی همی مروانه لعنت

سنون تک آنّاماز حیوانه لعنت

اوزون شیطانسن شیطانه لعنت

یزید

یتورّم    ایندی   سنی   بی    کفن   ئولنلروه

گرک بوگون  اولا  عبرت  باخوب  گورنلروه

هایانداسان اله  آل  تیغووی   بو  دم   جلّاد

اونون بوغازینی کس ائت قالانلارین ارشاد

سکینه

کی کسمه کسمه سن الله بو بیزه یاوردور

بو اُولماسا هامی  ئوُلّیق  بو بیزه مادردور

جلاد

باتسون  گرکدی   قانه  بو  خنجر  کناره گئت

چوخ یالواروب سن آغلاما دختر کناره گئت

رقیه س هوه به هوه با یزید

ای یزید امر ایله سن ئولدورمه سین(1)

التماس ایتمه کنار اول ای حزین(1)

رحم ایله یورقون اسیرانه یزید(2)

چاره یوخ زینب گرک اولسون شهید(2)

سن  منی ئولدور بیبیمی ائت خلاص(3)

گئت کناره ایلمه چوخ التماس(3)

رقیه س هوه به هوه با امام سجاد

الامان فکر ایله قارداش عابدین(1)

نیلیوم چاره یوخوم ای بی معین(1)

ئولدورولّر عمّه می بیر فکر ایله(2)

باغلانوبدی قولّاریم زنجیریله(2)

چاره قیل جلاد آلوب خنجر اله(3)

سسله ای باجی علی اکبر گله(3)

هارداسان امداده گل ای اکبریم(4)

دی گله عباس عموم یوخ یاوریم(4)

کربلادن شامه گل عباس عمو(5)

ناله ائت گلسون بابام ای ماه رو(5)

زینب س به اسیران میگوید

قوخمیون هرگز ،مبادا قلبوزی وحشت سیخا

آهیمیله  اوتلارام  هرکیم  بیزه گر چپ باخا

قورخمیون آغلاشمیون افغانه احساسیم گلر

لاز م  اولسا    سسلرم   امداده  عباسیم   گلر

رو به یزید می گوید

ای   لعین    بیحیا     لعنت     سنه    آزدون     یزید

آزماسیدون گر بوقدری خود سر اولمازدون یزید

اعتنا   من    ایتمرم  تهدید وه  ،  پرخاشوه

آند اولا عباسیمه  تختون  چوئیرّم  باشوه

من حسین ابن علینون  شیر  بی پرواسیم

قاره معجرقیزلارون یعنی همان عباسیم

گلمیشم قلب دمشقه قاره  پرچم  ورماقا

گلمیشم بیرده سنون شخصیتون سیندرماقا

یزید هوه به هوه با زینب س

حق منیم دی من تمام مسلیمینه رهبرم  (1)

زینبم   منده    سفیر    لاله های     احمرم(1)

کامیابم   فرشده   فرمانروای      برترم  (2)

قهرمان زینب منم باخما کی قاره معجرم(2)

وار جلالیم صاحب گردان و هنگ و لشگرم  (3)

زینبم من،لشکریم قیزلاردی ،بنت حیدرم(3)

افتخاریمدی   ابوسفیانه     سبط    اکبرم   (4)

منده    دلبند     بتولم  ، خانه  زاد   کوثرم(4)

بیلگیلن من فاتح اولدم جنگ ده جنگاورم (5)

من   سفیر   نهضتم   بوشامی   ویران  ایلرم(5)

قتل و غارت ایلدیم من قاتل و غارتگرم  (6)

غارتین   آلّام   اساسین   زینب نام آورم(6)

یزید

یتوب مراده جهان ایچره آل  بو سفیان

یزیدی کامه یتوردی بو گردش دوران

مگر وئروب بئله مجلس بیری زمانه یاد

ملازمان و غلامان هامی اتورموش شاد

تمامی  کرس  زرّ  اوسته  با  کمال ادب

اسیرسن ایاق اوستونده سن ولی زینب

بو دمده قهوه و مشروبی ائیلیون حاضر

بو جمع میل ائلسون اولماسین غمین خاطر

ایچون  شرابی  آتون    آیه های    قرآنی

دلیل ائدون بونا  انجیلی  واردی برهانی

((وحییلن  قرآن   اوزی  کذب  موکدور  یقین

هاشم و اولاد احمد محو اولوب اوتلاندی دین

ئولدولر شمشیریمین آتدا عدالت حفظ اولوب

آجلاریندان اهلبیتین رنگ رخساری  سولوب

زینب س

ایلیوبسن   بیزه   راحتلیگی  مدتدی حرام

یا اوشاقلاریمیزه آز وئرولور آب و طعام

بیزه   رزّاق   و  نگهداریدی    خلّاق     انام

سفره ی مائده میز واردی آنام  فاطمه دن

استفاده    ائدوروک    باطنا  اول مائده دن

یزید

دیون حضوره گله شمر شوم و خوش گفتار

واریم  اونیله  نچه  گفتگو   ایدوم   اظهار

ائده    زمین     بلا      واقعاتینی    تقریر

که بلکه زینبی ایتسون او واقعه دلگیر

سکوت ائدون ائلیون مجلسین رعایتنی

خوش اولماقا ائشیدون کربلا حکایتینی

شمر

لبیک ای   امیر    ندور   حکم      تازه دن

گچمیش  بو آه و ناله  ، عراق و حِجازدن

حاضردی خدمتونده بو شمر ستم شعار

هرنه مرادون اولسا بو دم ایله آشکار

یزید هوه به هوه باشمر

ایستورم  شاهِ شهیدون حالین ای شمر شریر(1)

سویله فرمایش ندور اول شاه حالیندن امیر(1)

دی او شاهون قتلینه کیم گئتدی یا کیم گئتمدی(2)

نچّه شخص ئولدورمَگه اِقدام ایدوب قتل ایتمَدی(2)

پس او شاهین کیم بدندن کسدی باشین ویر جواب(3)

من سوسوز کَسدوم اونا سو وئرمَدیم اولدی کباب(3)

خنجر     آلتیندا     سنیله      ایلدی   نه    گفتگو(4)

سویلدی  ای شِمر  ظالم  وئر منه بیر جرعه  سو(4)

سو وئروب یا وئرمدون شمر ایله ظاهر سوزلرون(5)

وئرمدوم من سو ایچه لب تشنه کسدیم حنجرین(5)

شادکام ایتدون منی احسن سنه  صد مرحبا(6)

چکمه لی چیخدیم یارالی سینه اوسته برملا(6)

هاردا یاندی خاطرون شاهِ شهیدَه وئر خبر(7)

جان وئرَنده گوز دولاندوردی یوخیدی بیر نفر(7)

گوز دولاندیرماخدا سویله گلمدی مطلب اله(8)

سویله دی صبر ایله ظالم  قوی آنام زهرا گله(8)

اوزگه حالندن دی سن هیچ کیم اونی یاد ایتمدی(9)

یوز چویوردی هریانا هیچ کیمسه اِمداد ایتمدی(9)

نچّه ضربتلن او شاهین باشینی ایتدون جدا(10)

کسموشم باشین  اون  ایکّی  ضربتیله  از قفا(10)

اوّلیمجی  ضربتوندن   نیلدی   ایله     بیان ؟(11)

باشیمي کَسسون دِیدی تئز ظلمووی ایله عیان(11)

ایکّمنجی  ضربتوندن    نیلدی  اول   باغریقان ؟(12)

سویلدی بیر قطره سو وئر ای لعین وئر بیر امان(12)

پس اوچیمجی ضربتوندن نیلدی اول داغ کَش(13)

وئرمدوم من سوایچه یاندی عطشدن ایتدی غش(13)

دوردومنجی  ضربتوندن    نیلدی   شاهِ   شهید(14)

سویلدی شمر دغا اولسون عذابون چوخ شدید(14)

پس بشیمنجی ضربتون حالین بیان ایله جلی ؟(15)

سویلدی  یا  ساقی  کوثر  بابا  جان   يا علی(15)

آلتی منجی ضربتوندن سویله اي  شمر دَنا(16)

سویلدی   یا فاطمه    گل   کربلایه   ای  آنا(16)

یدی منجی ضربتوندن سویله اود وور جانیمه(17)

سسلدی باجی  دی سن  گلسون سکینه یانیمه(17)

سگیزمجی  ضربتوندن  نیلدی  غرق  مُحن(18)

آه چکدی سویلدی گل یانیمه قارداش حسن(18)

دوقوز مجی  ضربتوندن  نیلدی  میر هُدا ؟(19)

تئز دِیدی کس باشیمی ای تابع ظلم و جفا(19)

بس اونومجی ضربتوندن  سویله ای اهل جهیم(20)

سویلدی  قالدی  رقیّم غربت  ائللرده  یتیم(20)

اون بیرمجی ضربتوندن دی سوزون حیرانیم(21)

ایتدی فرمایش  باشیم  کس من خدا قربانیم(21)

اون ایکیمجی ضربتوندن دی منی ایتدون کباب(22)

باشیمی  تئزکس دیدی بسدور منه وئرمه عذاب(22)

سفیر

داخی    تحمل    ائدمم    بو   ظلمه بو ستمه

گرک بیلم بولاری غرق اولوب ندندی غمه

صریح   سویله   منه   ای    یزید   بو  جریانی

بو باش کیمون باشیدور وار دوداقیده قانی

یزید

بو باشیکه   گوروسن  طشتده   قرص قمری

بونی بیل راس  حسیندور دل زهرا   ثمری

او  اسیرلر که  گورورسن   گویون   اولدوزلاریدی

قول قولا باغلامشام فاطمه نون قیزلاریدی

سفیر

ای دنی فطرت بونه مجلس نه عیش و نه شراب

سالموسان   قتل     حسینیله      جهانه    انقلاب

یزید

ای  سفیر ی   که  دیورسن  سن  اورکدن   سوزوی

سفره مون رنگی غذاسی دوزی دوتسون گوزوی

من   اولان   یرده    حسین   قصد  خلافت ائلدی

حق منیمدی ولی بو عشق ریاست ائلدی

سفیر

یوزه چشم  اسرادن  توکولن  یاشه   باخون

عشق سرگشته لری بو باجی قارداشه باخون

سینی زرده اودالدان کسیلن باشه باخون

خیزران پارچالیوب لبلرینون قانی آخور

آغلیان قیزلارینا گور نه محبتله باخور

عاشق اولدوم او باشون قانه باتان لبلرینه

قلبیمه دوشدی شرر باخجاق اونون حنجرینه

شیر دل زینبونون من قولاق آسدیم سوزینه

گئتدیم ایمان بولارون هم سوزینه هم ئوزینه

داغلانان سینه لرین رحم ائلیون داغلامیون

بوندان آرتوخ ایاق اوسته بولاری ساخلامیون

یزید

ای سفیر بد سیر چوخ دوشمه سن تاب و تبه

من سنی ئولدرّم ایندی عبرت اولسون زینبه

سفیر

امان   و آه   بو ظلمه    فغان   و صد   فریاد

بو ظلمی عالم آرا  کیمسه وئرمیوبدور یاد

یزید  بو  نجه  دیندور   نجه   بو   آئین دور

بو نه  شرابیدی   نه مجلس  و  نه آذین دور

هامی زمین و زمان گور اولوب بو حاله حزین

بولار  نه  ظلم دی   صد  داد  ای  شریر لعین

زینب س

خیال ائتمه اسیرم دست استبداده کاخونده

ئولوب ئولدورمگه من اولموشام آماده کاخونده

نه تاج و تختوه نه باخمارام جلاده کاخونده

امامین باشینه نوک جداده داشی وورمازلار

قویوب طشت طلاده ذبح اولونموش باشی وورمازلار

باجی یانینده هرگز یاره لی قارداشی وورمازلار

یره قوی خیزرانی ال گوتور بو قانلی لبلردن

سنه لایق دگول اشغال ائدوبسن دوش بو منبردن

آنام زهرایه آند اولسون یزید ال چکمرم سندن

خصم ستمگران منم شیرزن زمان منم

فاطمه دن نشان منم فاتح قهرمان منم

مکتب  انقلابده   رهبر   بانوان    منم

خنجره ال آتان منم کوفه ده باش یاران منم

قولاری باغلی گلمیشم من سنی تختدن سالام

مفتضح ایلییم سنی سندن اوزوم قصاص آلام

شیر خداکیمی بو گون نطق بیانی باشلیام

عالمه بیلدیرم یانور زینب حسین فراقینه

چون وورولوردی خیزران قارداشیمون دوداقینه

یزید

شمر اسیرانی آپار مجلسده زینب قالماسون

بوندان آرتوق قلبیمه زهرا قیزی اود سالماسون

هچ اسیره اوخشامور سردار نام آور دی بو

تک باشا فکر ایلورم من بیر قوی لشگردی بو

تا خبر گلدی ابوالفضل ئولدی من ذوق ایلدیم

کاخده حس غرور و شوق ما فوق ایلدیم

بیلمیوردم من قاباقدا باشیمون غوغاسی وار

بیلمیوردم که حسینون آیری بیر عباسی وار

اول زمان که دوغرادوز عباس والا منصبی

قمچی آلتیندا گرک سیز ئولدوریدوز زینبی

قورخورام که نطقیلن بو لشگری مبهوت ائده

سلطنت تختین منه زهرا  قیزی   تابوت   ائده

بنذیور  سیل   خروشانه   قباقین   سدّ   ائدون

بو بلای خانمان سوزی باشیمدان ردّ ائدون

(((((((((((باشیمدان ردّ ائدون))))))))))

شمر

ایا گروه   اسیر   ایلیون   بو دمده  نوا

وئروب یزید سیزه بیر خرابه یئر ماوا

یزید دشمنی اولسون سزادی زار و حزین

بودور جزاسی اولا شامده خرابه نشین

رقیه س

گنه  تنگه گلوب  دیوانه   گویلوم

دونوبدی غصّه دن القانه گویلوم

ز بسکه  یاتمشام  تپراقلار  اوسته

اولوب ویرانه ده ویرانه گویلوم

زینب س

گئدن  ای خانمانی باده قارداش

گنه آغلور قیزون گل داده قارداش

سنه لای لای دیوم  سن  یات رقیه

منی  آز  آغلیوب   آغلات   رقیه

رقیه س هوه به هوه  با زینب س

من آغلارام که اولوب منزلیم خرابه منیم(1)

سن آغلیاندا دوشر قلبیم اضطرابه منیم(1)

من آغلورام یانیما گلموری علی اکبر(2)

سن   آغلیاندا   قیزیم  نالیه  گلور  گویلر(2)

من آغلورام که نصیب اولدی درد فراق(3)

سن آغلیاندا نئدیم باشیمه اولور توپراق(3)

رقیه س

باشه قرا باغلارام غمدن اورک داغلارام

نقدری واردی جانیم اکبر دیوب آغلارام

زینب س

ای قارداشیم عزیزی اولما بئله پریشان

سن آغلاما رقیه آغلار گوزووه قربان

رقیه س

عمّه ی محنت نصیب دردیمه سن سن طبیب

ای بو غربتده غریب آل قوجاقه عمّه جان

زینب س

ای وطن آواره سی دردوین یوخ چاره سی

قولّارون ایپ یاره سی گل قوجاقیمه بالا

رقیه س

فدا اولوم   سنه   ای  عمّه ی کشیده  محن

منیم بابام هارا گئتدی خرابه  دیدی  علن

گلوب   خرابیه   عمّه   بابام  منیم  بو زمان

گزوم تاپوم بابامی عمه جان به آه و فغان

یزید

کیمدور آغلور بئله موقع اورگیم اولدی کباب

تاپماقیندا  ائلیون   سعی   و  تلاشوزده  شتاب

کیمدو   آهیله  بئله   عالمی   طوفان ائلیوب

کاسه ی صبری دولوب قلبیده طغیان ائلیوب

گتورون   محضریمه    من   ائلیوم   درده دوا

لا علاج    اولسا    اگر    ایلیوم    احسان  بلا

شمر

بو  سوز  عیاندی  هوادار آل سفیانم

نه امر ایلیه سن   سن  مطیع فرمانم

شمر (خطاب به اسراء)

مگر نه واقع اولوب اهل بیت پیغمبر

بو نصف شبده بئله ناله ایلسوز یکسر

زینب س

گوروب یوخیدا باباسین رقیه ی مضطر

گوره باباسینی ظالم اودور بو قز تله سر

گوروب    رقیه    باباسین   زمان   رویاده

تاپانمور ایندی گلوبدی بو نوعی فریاده

شمر ( خطاب به یزید )

آغلیان بو گئجه اهل حرمون اولدوزودی

کربلا غمزده سی تشنه حسینون قیزیدی

باباسی یاده دوشوبدی ائدور افغان کثیر

اوچ گئجه گوندوز اولار ایندیه جک آجدی امیر

یزید

یزید

((اوشاق دوام ائده بیلمز فراقه آزدی یاشی

اگر باباسینی ایستر آپار یارالی باشی))

اورتوگیلن ائلیون بو سر مذبوحی نهان

طبقینده ائلیون بیر طبق حامل نان

آپارون سویلیون اول دختره ای مست عزا

یولیوب شاه سنه بو طبقین ایچره غذا

آچسا گر اورتوگونی ظاهر اولار نور خدا

یاتار اوندا دای اوجالماز بئله نوحیله نوا

مطمئنم که دویوردار اورگین آب و طعام

او زمان  که  دیه جک  منزلیمه  گلدی  بابام

روحی جسمندن او موقع گویه افراز ائده جک

قوش اولوب کرب و بلا سمتینه پرواز ائده جک

زینبون   قدرتی   اولماز   اوخیا    خطبه گینه

دیه    بیلمز   داخی   حقانیتین     بوردا   منه

اوزیده   بوردا    ئولر   دای   قیدنمز   وطنه

شمر

دورون ایاقه که سلطان کربلا گلدی

حرم     زیارتنه      شاه    نینوا  گلدی

دیون رقییه ائتسون اوزینی پای انداز

داخی غم ایلمسون دردینه دوا گلدی

امام سجاد

قتیل   خنجر    شمر   دغا    سلام علیک

شهید    تشنه لب      کربلا     سلام علیک

اسیر حرملروین منزلینه خوش گلدون

خرابه مسجده شاه مدینه خوش گلدون

زینب

ای جان جهان زینبوه جان گتوروبسن

بیر لخته دوداقونده منه قان گتوروبسن

نا خوش دی رقیه اونا درمان گتوربسن

ای عشق  طبیبی   بیزه  گلدون  چکه سن  باش

بو سن بو رقیه بونا درمان ائله قارداش

رقیه

خرابه منزلیمه خوش گلوبسن آی بابا جان

قیزون   رقیه    بو   قانلو     دوداقوه قربان

زینب

ای مه مدینه قیزیم ماه بی قرینه قیزیم

آغلاما گوزون قربان نازنین رقیه قیزیم

رقیه

منزلیم اوزاقلاشدی ئولمگیم یوخونلاشدی

من غریب زار ئولّم ویّرم ایندی جان عمه

امام سجّاد (ع) (خطاب به اشرار)

ئولدی رقیه دهریده هیچ گلمسون یوزون

غساله  گوندر  عمه لریم   ئولدورر ئوزین

زینب

هایانداسان علی اکبر فراق  صبریم آلوب

ئولوب رقیه باجون گل جنازه یرده قالوب

دی قاسمه   گله    ویرانه    شامیده    یاسه

گلن زماندا   خبر    وئر   عموسی   عباسه

سوله   رقیه    داخی    شکوه ایلمز سندن

خجالت اولما داخی دای سو ایستمز سندن

ویرانه ده نازلو بالام جان وئردی دینجلدی

بو دختر شیرین کلام جان وئردی دینجلدی

امام سجاد

عمّه سن کامله سن عالمه سن محرم راز

نیه اوتدوق یری بس ایلیوسن عمه نماز

زینب س

خبر  آلدون   نیه   مندن    بو   آغیر   سرّی  بالا

قویمادون  قلبیده کی   دردیمی   قلبیمده   قالا

اوچ گونون آجلیقی اوغلوم منی سالمش بو حالا

وئرورم  خورداجا  قیزلاره  غذا  حصّه می  من

یاتورام آج دئمورم بیر کسه ئوز غصّه می من

امام سجاد

بو سوزون سالدی منیم قلبیمه طوفانلی شرر

بونا      اقدام      موثر     ائدرم      عمه     سحر

سن  گرک   قارداشووین  گورملی   قبرین  گوره سن

قویمارام خوردا باجیم تک بی بی آج جان وئره سن

یزید

ای خطیب  خوش صدا دوت منبر اوستونده قرار

ایله بیر خطبه اوخی ائت غصّه می  دلدن کنار

امام سجاد

منه سن ایله دعا عمه ی فرخنده سیر

گئدورم مسجده الان گوروم الله نیلر

زینب س

بارالها کمک ائت تکدی کمکسیزدی بالام

اولما راضی بالامی ئولدوره بو قوم ظلام

بو   اسیرانه   فقط   تکجه   او دور  راهنما

اونی  پیروز  ائله  دشمنلرینه  باری  خدا

خطیب اموی

حمد و سپاس فراوان اولا الله ذولجلاله که بنی امیّه نین دشمنلرین خوار قیلوب و یزید ابن معاویه نین  مخالفلرین ذلّته سالوب ئولدوردی الله هر نه ایستسه بلی الله ایستین اولار ((تُعِزّ من تشا و تُذلّ من تشا)) شکر ایلورم پروردگار عالمه ذرّیّه ی ابوسفیانی گونی کوندن آرتیخ اوجالاندیردی و مقام و منزلت وئردی معاویّه ابن ابوسفیانه اونی اوز پیغمبرینه جانشین قرار وئروب خلافت مسندینده اگلشدیردی و اونون زحمتیله اسلامه توسعه وئروب اسلامی قدرتلندیروب پایدار ائلدی .امّا قانون خلقتدی که هامی کس ئولیمی درک ائلمه لیدی((کلِّ نفسٍ ذائقه الموت))هامی انسانلار اللهین محضرینه گئتمه لیدی ((انّالله وانّاالیه راجعون))حضرت معاویّه ده اللهین دعوتینه لبیک دئدی بیزیم گوزلریمیزی آغلار قویوب اولدی جنّت نشین و انبیالریلن همنشین اما الله متعال یرین اوزین بی حجت و مومنلری بی سرپرست قویمادی یزید ابن معاویه ابن ابی سفیانی اوز آتاسینا جانشین قرار وئروب مسند خلافتده اگلشدیردی و اونون مخالفلرین نهایت ذلتیلن ئولدیردی و آل علینی اسیر و خوار ائلدی بنی هاشم بیر زمان ایستوردی خلافتی ابوترابه یتورسینله وعلینی خلیفه ائلسونله الله اونی لایق بیلمدی و معاویه نی  اونا پیروز ایلدی ولی افسوس بنی هاشمه عبرت اولمادی دوباره دن پرچم مخالفت گوتوردیلر یزید ابن معاویه نین علیهینه خروج ائلدیلر. شکر ایلورم اللهه یزیدابن معاویه نی اولارا پیروز ائلدی اولاری خوار ائلیوب قانلارین توکدی  و علی ابن ابیطالبین و اونون اوغلی حسین ابن علینین یالانلارین مردمه آشکار ائدوب اولاری رسوا ائلدی

امام سجّاد

ای     خطیب   اموی    ساخلا    خطابه  ادبین

خلقی راضی ائلیوب خالقین آلدورن غضبین

گوروم آغزون سینا بیراهه یولا گئتمه خطیب

خلقه خاطر غضب خالقی اخذ ائتمه خطیب

یزید

شمع تک بیردن آلیشدون دی گوروم سن کیمسن

چوخ جسارتله دانشدون دی گوروم سن کیمسن

امام سجّاد

ایندی که کاموه دمسازیدی ایّام زمان

هرنه بیلسون ائله ای کافر ناپاک روان

بیزی تقدیس ائده جک صفحه ی تاریخ جهان

هر چه تیز ایتسه مخالفلریمیز  تیشه لرین

قیرا بیلمز شجر طیّبه نین ریشه لرین

ئولدوروبسن بابامی باشی گزور الده ولی

وار امامتدن اثر نائبیدی اوغلی علی

بو سفیران فرنگی نیه سن آلادوسان

من دانشدوقجا نیه سن او سفیره باخوسان

فکر ائدورسن که قوی سن سنه مایل دی فلک

بیلموسن امر ائلسم گودن انر فوج ملک

یزید

باتدی یکسر ظلم و جوریمدن منیم نور جلی

بس حسینون کربلاده ئولمه دی اوغلی علی

امام سجّاد

من علی اوسطم ای ، تازه جوان اموی

قارداشیم  اکبریدی  نور  چراغ  علوی

اکبرین باشینه شمشیری او منقذ ووردی

علی اصغر بوغازین حرمله تیری قیردی

وئرگیلن اذن چیخوم تخته نین اوسته دایانوم

دیوم حضاره کیمم که بئله جوش ایتدی قانیم

یزید

نه جسارتدی گلورسن بئله گفتاره  اسیر

نه اهانتدی ائدورسن  هامی حضّاره  اسیر

بو  سفیران    فرنگه    نیه    ایذا    ائدوسن

سن هارا منبر هارا  بوردا خطا یول گئدوسن

سنه کیم وئردی  اجازه گله سن   مسجده سن

خارجی هاردا گئدور منبره سنده گئده سن

اهل مجلس 1

وئر  اجازه   اونا     گفتاره   گله   تا    که   امیر

قوی دانشسون گورک آیا نه دیور شخص اسیر

اهل مجلس2

منبرین اوسته  اگر چیخسا  او قول باغلی جوان

گوروب  حضّاری   تاپار  لکنت  گفتار  و  زبان

اهل مجلس3

آتاسی  قارداشی  اقوامی  ئولوب  تکدی اسیر

اوزی ناخوشدی قولی باغلی خطر یوخدی امیر

اهل مجلس4

یوخ توان اوندا او بیماریدی اندامی اسور

مجلسین رعبی اونون نطقینی بیلّم که کسور

اهل مجلس5

وئر  اجازه  چیخا   اول   خارجی    منبر   باشینا

توکه  گوزیاشی  گولک بیزده اونون گوزیاشینا

یزید

آل هاشم  هاموسی  نطقده  غوغا ائلییر

بو اگر  منبره  چیخسا  منی  رسوا  ائلییر

قویمارام مطلبه بو ملّتی  آگاه  ائلسون

منی تختدن یره سالسین اوزونی شاه ائلسون

آهو تک وئرّم  اونی  تیریله  صیّاد  وورار

سسلرم بوینون  اونون ظلمیله جلّاد وورار

مشاور یزید

ای خلیفه  بو قدر  خشمه گلوب  داد  ائلمه

ایش بئله گلدی داخی صبر ائله فریاد ائلمه

بو  اسیر   علوی   خلقی    سالوب     همهمیه

قورخورام شورش اولا  گر سوزین الان  دئمیه

وئر اجازه  اونا  بو خلقه  بیر آز صحبت ائده

بیزده بیر ایش گورروک  خلق  اونا نفرت ائده

یزید

ایندی که یوخ چاره میز  بلوا  یولین سدّ  ایلیون

هر دانشدیقجا  اونون  سیز  سوزلرین ردّ  ایلیون

سنان

ای اسیر  خارجی  غوغایه   سالدون   باشووی

گئت دانش منبرده آل جلاّدیدن پاداشووی

امام سجّاد

بسم الله الرحمن الرحیم

الحمدلله رب العالمین و الصلوة و السلام علی حقیقة الوجه الاتم، العارف بما فی اللوح و القلم ،الواقف علی جمیع  سیاسات  و الحکم،العبد الموید، و الرسول المسدد، المصطفی المحمود الاحمد، حبیب اله العالمین ، ابی القاسم محمد (صلوات) و  علی آله الطیبین  الطاهرین، المعصومین المنتجبین ، سیما بقیة الله فی الارضین ؛ و اللعنةالدائمة علی اعدائهم اجمعین ، من الان الی قیام یوم الدین

ترجمه

بنام خداوند رحمن و رحیم. حمد خدای را که پروردگار عالمیان است. و سلام بر تمام ترین تحقق وجه (الهی) ، دانای به آنچه که در لوح و قلم است، آگاه به تمام سیاستها و حکمتها، آن بنده ی تایید شده، و آن فرستاده ی پایانی، آن برگزیده و ستوده شده و برترین ستوده شده، محبوب خدای عالمیان، ابوالقاسم محمد ، و بر خاندان نیکو سیرت و پاک او ، معصومان و دست چین شدگان، بویژه بازمانده خدا در زمینها؛  و لعنت پایدار خداوند بر تمامی دشمنانشان ، از هم اکنون تا برپایی قیامت

شامون اهلی تانومورسوز منی الان تانیون

مرز  ایمانه  منی   یاخشی   نگهبان  تانیون

دگلولم خارجی واللهی مسلمان  تانیون

واقف  مسئله ی   مجلس   رازم  تانیون

شهر یثرب وطنیم اهل حجازم تانیون

تانیمورسوز منی سیز بیت خدا یاخشی تانور

حجرالاسود و زمزمله صفا یاخشی تانور

جبل الرحمه و مشعرله منا یاخشی تانور

ایهاالشّام   بشیر البشرون  اوغلی  منم

صاحب معجز شقّ القمرون اوغلی منم

اَیُّها النّاس  اولون  مطلبه  آگاه   بیلون

بیزه بذل ایلیوب آلتی صفت الله بیلون

یدّی نعمتله ویروب مرتبه و جاه بیلون

ارث دور جود و فصاحتله شهادت بیزده

واردی اخلاق و عبادتله شجاعت بیزده

قلب مومن ده اولان مهر سزاوار بیزیم

انبیا  زُمره سینه  سیّد  و سالار  بیزیم

خلقتون مفخری پیغمبر مختار بیزیم

حافظ قلعه ی دین حیدر کرّار بیزیم

حضرت حمزه بیزیم جعفر طیّار بیزیم

لیل اسرا ملکوته گیده نون اوغلی منم

ساحت  اقدسه  معراج  ایده نون  اوغلی منم

قاب قوسین فتدلّا گوره نون اوغلی منم

او که  گویلرده  ایدوب  راز و  نیاز  اوغلی منم

قبله تَینَه او که ایلوبدی نماز اوغلی منم

زَمزمون اوغلی منیم مکّه مِنا اوغلی منم

مشعرون اوغلی منم مروه صفا اوغلی منم

عرفات اوغلی منم غار حرا  اوغلی منم

مسند  عدلیده  داد ایلینون اوغلی منم

ایکی نیزیله جهاد ایلینون اوغلی منم

گلشنی کرب و بلاده سولانون اوغلی منم

لخته لخته گوزونه قان دولانون اوغلی منم

قانلو باشی دالیدان ذبح اولانون اوغلی منم

سویولوب پیکری عریان قالانون اوغلی منم

پیکری خاکیله یکسان اولانون اوغلی منم

تانیون سیز منی مظلوم آتانون اوغلی منم

باش ویروب محضر حقّه چاتانون اوغلی منم

قیزلاری چولده هراسان یاتانون اوغلی منم

نیزه لر اوسته باشی داشلانانون اوغلی منم

ئولمه مش تعزیه سی باشلانانون اوغلی منم

خارجی آدیله مظلوم ئوله نون اوغلی منم

ئوزی  مهمان  سوسوز جان  ویره نون  اوغلی  منم

اوزگی بارماقی الدن گیده نون اوغلی منم

ساربان   اللرینه   ال  تاپانون    اوغلی  منم

سینه سی  اوسته   قشون آت چاپانون  اوغلی  منم

ختم پیغمبره سیز ساخلامادوز ذرّه حریم

بیر اوچوق یرده یاتور ایندی نوامیس کریم

غصّه دن زلفین آغاردوب قوجالوب عمّه لریم

طُلقا زاده  بیزی  ایسته مور آزاد  ایله سون

غیرت و دینی اولانلار بیزه امداد ایله سو ن

یزید

ای موذن وئر اذان تا خلق ائده راز و نیاز

بو اسیر هذیان دیور هذیانیلن اولماز نماز

موذن

اذان الله اکبر

اشهدان لا اله الله الله

امام سجّاد

ای موذن صبر قیل وئر مختصر فرصت منه

تا شهادت  کلمه سین  تفسیر ائدم روشن سنه

هم اَتیم هم استخوانیم هم قانیم اقرار  ائدور

تکدی الله ، کیم اونی تک بیلمسه کج یول گئدور

قل هو الله احد بیل   تکدور  الله   الصّمد

لم یلد یولد اونون شانینده دور کفواً احد

موذن

اشهدان محمدا رسول الله

امام سجّاد

بو موذن دیین آد مفخر بی حدیمدور

وار سنه نسبتی یا اینکه منیم جدیمدور

ای یزید ای اوزونی خلقه بیلن حاکم والا

بو محمد که آدی گلدی کیمین جدّیدی آیا

سن که بیگانه سن ، آلُ اللهه منسوبدی طاها

من اونون اوغلیام آخر نَدی بو فتنه و غوغا

باشیمون تاجیدی طاها منه سجاد     دیرلر

بو قَدَر  ایلمه   ایذا     منه     سجاد     دیرلر

ای یزید ای ظلم و جوریندن دوتان دنیانی قان

بو محمّد کیمدی آدیلان اولورسان شادمان ؟

بومنیم جدّیمدی سویله یاکه جدّوندور سنون ؟

گر دیسون جدّوندی کاذب سویلیوبسن هر زمان

گر منیم جدیمدی بس اوغلون ندن ئولدورموسن ؟

ایندی گلسه جدّیم احمد یوخ جوابون بی گمان

ایستسه  اوغلی   حسینی ، زینبی   ایتسه  سراغ

بو کسوک باشی وئررسن  جدینه  آیا نشان ؟

قولارین   آچ   اهل  بیتون  شرم ائله اللهیدن

بو  خیانتلر  ندور  ای  دینی   دنیایه  ساتان

یزید

وئردی الله اوزی قهریله سیزه یاخشی جواب

آرامیزدا   ائلدی   تسویه ی    حقّ   و  حساب

چوخ  سفارش  ائلدیم  رهبروزه    بیعت  ائله

اوزیوی دردسره  سالما  حسین  وحشت  ائله

ولی افسوس که  رحم  ایلمدی اوز  جانینا

دایانوب اوز سوزی اوستونده بویاندی قانینا

بیلمدی  کرسی  قدرتده  لیاقت   یوخیدی

بو  خلافتدی  اونون  حقّ  خلافت  یوخیدی

امام سجّاد

نجس آغزوندا گتوردون آتامون پاک آدینی

یابن   سفیان   مگر   سیزده   خلافت  وارید ی

بو علی حقّیدی مین حیله ائلین غصب ائلدوز

آل سفیاندا  هاچاندان  بو  لیاقت   واریدی

سنه چاتماز آتامون شان و جلالین بیله سن

نسلوین بیلموسن اصلا کیمه وصلت واریدی

زینب

قوتما  منبرده  رشادتله  سوزین  سویله  بالا

دانش عمّون اولا قربان دانشان دل دوداقا

دینمسون قارداشمون قاتلی مقصوده چاتار

جدیمه اوخشار علی اکبریمون قانی  باتار

من بو ویرانه ده  دلدن   چاغوروم   اللهی

سنده اول منبرون اوسته شهدا خونخواهی

ملّته  ظالم   و   مظلوم   گرک       بَلَّنسون

تختیدن    حاکم    جبار    گرکدور اَنسون

یکی از سفیران

سندن   بو   سوالیم   وار   ایا  حاکم  پرفن

بو     مسئلیه   ایله    منی آگه    و     روشن

احساس ائدورم ضدّ  و نقیض ایشلری سنده

پیغمبریوین    سالموسان   اولادینی     بنده؟

گاهی    دیوسن    پیرو      آئین       رسولم

گه   فخر   ائدوسن    قاتل    فرزند   بتولم

ای وای   سنه   ظلمده   اصرار   ائلیوبسن

پیغمبریوین اوز نوه سین خوار ائلیوبسن

بو   مسلکیوه    مذهب   و  آئینیوه   لعنت

ظالم کیشی  هر دینیده سن دینوه لعنت

یزید

جلاد گوتور  خنجری  تیز  صبریم  آزالدی

ئولدور بونی ناحق سوزی آرامیمی آلدی

سفیر 1

البته    ازلدن      بو     قرار      امرادی

حق  سویلینه تئز قویار اخلال گر آدی

امام سجّاد

حقدن  گله  رحمت  سنه  ای  مرد  وفادار

بو بزمیده اولدون بیزه غمخوار و هوادار

اعتراض کننده2

بو قولی با غلیلارون جرمی ندور ائتدوز اسیر

کیمیدی   یاره لی باش کیمدی او عورتلر امیر

بیزی  اغفال  ائلیوبسن  بو گون ای شوم ودنی

لعنت   اولسون    سنه  ای   حاکم  شوم اموی

یزید

گل ای  جفا  جو  جلاد جلاد

ظلمین  اساسین  تیز  ایله  بنیاد

ئولدور او فردی قلبیم آلشدی

قانه   بویاندیر  ایله  منی شاد

سنان جلّاد

لبیک   حاضرم     من   ایا     پادشاه    شام

بو تیغ تیزیلن ائده رم من او شخصی رام

سفیر روم

دولت روم    نماینده    سیم    ای  حضّار

بوردا لازمدی اوز افکاریمی ایلوم اظهار

بو   اسیرانیله   ایلوله    عجب   بد   رفتار

خواب غفلتده دی بو  رهبروز ایلوم بیدار

به یزید می گوید

آخر نه ظلم دور که گورورسن روا یزید

یوخدور مگر  عقیدوه  روز  جزا    یزید

صبریم تالاندی  تئز  دی   منه  واقعیّتی

سن روشن ائتگیلن بو  ایشی بو حکایتی

بو وا محمّدا  ندی  هی  سسلور  عترتی

وار دور  محمّدیله  او  باشون نه نسبتی

نه جشن و عیش دور ائلیوبسن بپا یزید

ایلورسن هر نظاره ده ذوق و صفا یزید

یزید

بیل سن بو  علته  قورولوب  بزم  شاد باش

ختم پیمبرون قیزینون اوغلی دور بو باش

بیر بیعت اوسته چکدی بو قدری بلا بولار

دنیاده داندی حقّیمی ایتدی خطا بولار

سفیر روم

وورسون او تاجوه سنون الله فنا داشین

سن کسموسن پیمبروین اوغلینین باشین

رومه طرف صباح دوشرم  شامیدن  یولا

روم ایچره قویمارام  سنه  بیر آبرو قالا

سنان

نیه ای مرد خطا کرده خطا  یول  گئدوسن

شام  سلطانینه  توهین  و  جسارت ائدوسن

گئت  کناره  بئله  سن  ایلمه  ایجاد   خطا

گئتمسون باشوی تندن ائدروک فوری جدا

سفیر روم

ایها الناس   سیزون    عار   اولا    ملیّتوزه

سکه ی   زر   ائلیوبدور    غلبه     غیرتوزه

کسمسوز رهبروزون باشینی ظلمیله سوسوز

سالمسوز  عترتینی  قید فشاره شب و روز

کیم طرفدار اولا تهدید  ائدیسوز  قورخودوسوز

یخمسوز  خانه ی ایمانی  یروز  نار اولسون

دیننون  غیرتینی   چکمینی  خوار اولسون

یزید

جلاد وئر بو  دمده  اوزون    تیغوه  جلا

ئولدور بونی وئرم سنه بیر کیسه ی طلا

قویماز بو تخت و تاجینی اولسون فنا یزید

قتل اوسته خوشدی پایلیا سیم وطلا یزید

سفیر روم

ایمدی تصدیق ائدورم دین رسول اللهی

نه دیدی منبرون اوسته دوزیدی واللهی

اقر بسمیله  قویوب  تاج  قبول  ایلیورم

قدسیان  لطفینه  محتاج قبول ایلیورم

ایلیوب گویلره  معراج  قبول ایلیورم

تُفلِحو کلمه سین السّاعه خیاله سالورام

ئوزونی گورمدیم عطرین نوه سیندن آلورام

قید  انجلیی آتوب   تابع  قرآن   اولورام

ذکر ائدوب کلمه ی  توحیدی   مسلمان   اولورام

اشهد ان لا اله  الا الله و اشهد ان محمدَ رسول الله

یزید

مجلسیمده  منه چون سوزله جسارت  ائلدی

هتک حرمت ائلیوب چوخلی اهانت  ائلدی

اهل  اسلام  اوتوروب  منله  نصارا  دانشور

منی خوار ایتدی تیز ئولدور اونی قلبیم آلیشور

سفیر روم

جلاد   ساخلا   ال  که  منیم   پوزما  نقشیمی

چون صون نفسلریمدی غنیمتدی بیر دمی

قوی  سینمه    آلیم    او    سرِ   سرِّ    اعظمی

گوردوم گئچن گئجه یوخودا جدّی خاتمی

سسلور حلال اولا سنه جنت سرا حسین

به به  بو  حسنِ  عاقبته   مرحبا   حسین

گوردوم یانیندا مریم و عیسادی آغلیور

نوح اوخشادیقجا آدم و حوّادی آغلیور

جدّی خلیل و هاجر و سارادی آغلیور

قاره گییوب خدیجه و زهرادی آغلیور

سویلوله جای خنجره قربان اولاق حسین

تشنه بو غازه  لبلره قربان اولاق حسین

مشاور یزید

بو قیل و قالدن  اورگیم خون اولوب یزید

شام اهلی غملنوبدی دگرگون اولوب یزید

مروانیلن  دمشقی   دولاندوخ   بو نیّته

تاثیر ائدوب نقدری گورک خطبه ملته

گوردوک جماعت عار ائلمور جرات ایلیور

دلدن  حسینی  ئولدورنه   لعنت   ایلیور

بلوا و  شورش   اولسا   مهار   ایلینمروک

حتّی   بو  قصردنده   فرار    ایلینمروک

سن ایسته سون بو ملّتی آرام ائدک یزید

آل  علینی   یثربه   اعزام   ائدک   یزید

چون   اونلارین   بیانی  قویور  ملته اثر

بو ایشده وار حکومتوه عمده بیر خطر

سجادیلن  سیاستیلن  صحبت   ائتگیلن

خوش لحنیلن محبتیلن صحبت ائتگیلن

هر سوز دئسه تحمل ائله حقّی وئر اونا

سعی ائت مدینیه اولاری فوری سال یولا

یزید

خراب   اولیدی   گوروم    خانه ی    عبید زیاد

که    دودمان     علینی    او     ایلدی       بر باد

کاش   ئوزی    قاره   اولیدی   دهریده    ابن  زیادین

یغدی  لشگر چکدی  خنجر ایلسون  مشهور  اوز  آدین

زور و  سرنیزیله  سویلوبدور  منه   بیعت   اولونسون

من  دئدیم  بیعت ، نه بیله  ظلم و ضدّیت اولونسون

من دگولدوم راضی  اولسون کربلاده  بیله  بیر جنگ

ایلدی سعد اوغلی  دنیانی   حسینه    ظلمیله    تنگ

ایندی که اولدی   اولان  ای منبع   جود و کرامت

خونبها وئرّم  آتان   قانین   حلال   ایله   بو  ساعت

امام  سجاد

بو حکومتده نه وار ایلوب سنی  بیر بیله خود سر

بیرده تکرار ایلمه  ای بی حیا  بسدور  بو سوزلر

سن حسینون قانینی معمولی  قانلاردان  سانورسان

بو قان الله قانیدور توکدورموسن حقّین دانورسان

کائناتی    خون بها     ایتسون   حسینه کمدی ظالم

تار   موی   اکبر    خونین    جبینه    کمدی    ظالم

زینب س

ای یزید  اموی   حقدن  ائله بیرجه حیا

گر یرون تپراقی داشلاری اولا جمله طلا

خیزران  قانینه سن فکر ائلمه قیمت اولا

خون بهاسین ئوزی محشرگونی الله آلاجاق

قیمتی چوخدی آخان قانلاری بالله آلاجاق

یزید

زینب  منی  باغشلا   ابن  زیاده    لعنت

قتل حسینه ایتدی هر کیم اراده لعنت

قرآنه آند ایچیم من گچ سنده بو گناهی

وجدانیم اولسا قیلّام جبران بو اشتباهی

زینب س

جبران  اشتباهه   چوخ   ایلوسن    اشاره

سن دوغرویان جوانلار گلمز بو روزگاره

ای بی حیا بیلورسن سن کیملر ئولدوروبسن

اکبر کیمی شبیه پیغمبر ئولدوروبسن

کیمدور گوره دوباره قاسم کیمی جوانی

دلبند مجتبانی ای کافر ئولدوروبسن

ام البنین دوران عباسی بیرده دوغماز

نامردیلر الیلن نام آور  ئولدوروبسن

بیر ایل حکومتونده ائو قالمیوب یخوبسان

مظلوم قانی باتماز سن اصغر ئولدوروبسن

آند اولسون عبد صالح عباس نامداره

آند اولسون آلتی آیلیق سرباز شیرخواره

اسلام واقعینی آندیرام اهل شامه

سن تختیدن دوشونجه نهضت تاپار ادامه

یا فاطمه آماندور زینب حمایت ایستور

قاتل قیزیل گوموشله قتله برائت ایستور

آلله قانین توکنلر مندن رضایت ایستور

ای هنده ی خبیثون بی آبرو بالاسی

قیتر بیزه جماعت غارت ائدن اساسی

یزید

اشتباه ایتدیم  بلی  وار  اعتذاریم   ایندی    سندن

هر نه ایستورسن سن ایسته اختیارون واردی مندن

یزیدبه امام سجاد می گوید

منی باغشلا سن ای سید دل افسرده

بویور نه حاجتوز اولسا ائدیم بر آورده

امام سجّاد

منیم یزید،  اورکده واریمدی اوچ حاجت

نه نوعی بیلمم او اوچ حاجتی ائدیم صحبت

بیری اودور بابامون باشینی منه وئره سوز

ایکیمجی غارت اساسین دوباره قیتره سوز

اوچمجسی بو دور ایتسون اگر منی مقتول

قالار بو شامیده بی سرپرست آل رسول

معیّن ایله او دم بیر جه مرد خوش افعال

عزالی عمّه لریمی مدینیه یولا سال

یزید

اولکی خواهش بی جادی توکمه گوزیاشین

محالیدور گوره سن بیرده سن حسین باشین

ایکیمجی غارت اثاثینده ایلمه صحبت

اونادا   وئرم    عوض   من مطابق قیمت

اوچومجی خواهشون اما  قبول  اجرادی

مریض سن سنی ئولدورمک  امر بیجادی

امام سجّاد

ایا یزید بو خواهش نه نوعی بیجادی

اولار که غارت اولوب یادگار زهرادی

خصوص بیرنچه جامه که ایتدیلر یغما

ئوزی اونون توخیوب رشته سین آنام زهرا

یزید

اهل یغمایه دیون غارت اثاثین گتوسین

شهدانین سویولان قانلی لباسین گتوسین

بو پیامی هامی غارتچی لره جار وئرون

عوضینده اولارا درهم و دینار وئرون

جابر

ای خدا ایله عنایت جابره

مرحمتله وئر لیاقت جابره

تا باتوم گردِ غم و آلامه من

اولین زوّار اولوم مولامه من

عطیّه

سلام اولا سنه ای جابر ابن عبدالله

بو یورگوروم نیه خاطر بئله چکور سن آه

جابر

ای عطیه   نینوایه دور   گئدک

دوت الیمدن کربلایه دور گئدک

عطیّه

الیوی وئر الیمه بو  زمان گئدک جابر

حسین قبرینه بیز باغریقان گئدک جابر

جابر

یواش یواش گلوری یار دلربا عطری

مشامیمه   یتشور   شاه  کربلا عطری

عطیّه

سپهر    غصه    و  ماتمده    ابرلر     گورونور

بو قانلی دشتیده چوخ غملی قبرلر گورونور

جابر

گل بو فراتیدن ائلیاق غسل و  دستماز

غسل  زیارت  ایلما قا   واردی  امتیاز

عطیّه

ایا  جابر    اورکدن    اوتلانورسان

حسینون قبرینی هاردان تانورسان

جابر

حسینون غملی دور قبری عطیه

منی مدهوش ائدور عطری عطیه

عطیّه

یا حسین ششکوشه قبرون هاردادی

بیز آلاخ آغوشه قبرون هاردادی

جابر

فدا اولوم سنه مولا مزاریوی تاپدیم

فدا  او  پیکروه  غم  دیاریوی  تاپدیم

او داغلی سینه ده کی صبریوه سلام اولسون

بو آلتی گوشه اولان قبریوه سلام اولسون

عطیّه

باغبانا اول گل یاسون هانی

یا حسین غیرتلی عباسون هانی

جابر

ای امام مهربان سس وئر منه

قبریده یاتما اویان سس وئر منه

رسمدور یار ایلسه یارین خطاب

بی جواب اولماز آلار فورا جواب

یا حسین و یا حسین و یا حسین

اولموشام من میهمان اربعین

ای جبینی آی ، جمالی آفتاب

سن نیه مهمانه وئرمورسن جواب

عطیّه

بی وفا  بیلمه   حسینی    بو    زمان

سس وئره بولمز بوغازی ذبح اولان

زینب س

ای  اسیران   بلا   دشت   بلا یه  آز قالور

کربلا عطری گلور کرب و بلایه آز قالور

جابر

گلور قولاقیمه بیر سس که الامان سسی دور

عطیه جان ائله بیل ، زنگ کاروان سسی دور

عطیّه

یواش یواش گلوری غملی کاروان گورورم

او کاروانیده بیر عده باغریقان گورورم

کجاوه لرده هامی زار و دل کباب گلور

امام     زین العبا    گوزلری  پر آب   گلور

امام سجّاد

السلام   ای   سرزمین     کربلا

سن کیمی یوخ بیر مکان پربلا

شاه مظلومان قانا سنده باتوب

یتمش انصاری اونون بوردا یاتوب

جابر

مندن سلام اولا سنه یا  زین العابدین

چاتدیم حضوریوه گنه یا زین العابدین

قوی بوینوی محبتیلن من قوجاقلیوم

مظلوم امامیمه سنیلن باهم آغلیوم

امام سجّاد

ای جابر  عشقون  آل  رسوله    چوخ    عالی دی

سالما    قولیوی     بوینوما   جابر     یارالی دی

زینب س

حسین جان زینبم من بو دیاره ئولمدیم گلدیم

دولاندیم کوفه و شامی دوباره ئولمدیم گلدیم

بو قرخ گونده غم و دردون آزالدی یا آزالمادی

اومرهمسیز یارالارون ساغالدی یا ساغالمادی

بو رسمدور چکه لّه  مزار  اوسته   ترمه   شال

یوخ بیر زادیم  الیمده ، واریم دیلده چوخ ملال

قوی   گوز  یاشیملا    بذر   محبت  اکیم حسین

اوز  کوینگیوی  قبریوین  اوسته چکیم حسین

امام سجّاد

ای میزبان  مزاریوه   مهمان   گتورموشم

بو قبرون اوسته بیر سوری جیران گتورموشم

یورقون    بالالارون    آتا  جان    دینجلمدی

ویرانسراده     قالدی      رقیه      گلنمدی

زینب س

قارداش سورشما هاردا قالوب نازنین بالا

باخدی خرابه یرده گوزی روزو شب یولا

شام اهلی کینه سین اونا بولدوردی شامده

دیل یاره سی  رقیّه نی  ئولدوردی شامده

نوحه روز اربعین

شامي گئديب دولانديم قولدا رسن حسين جان

گلمشم     اربعينه     دلده    محن     حسين جان

زينبي   پيشواز   ائت   قامتي خم گلوبدي

وار سنه عرضحالي دل دولي غم گلوبدي

غرق   عزا   يانيجا    اهل  حرم     گلوبدي

نصب   ائده    بو ديار ه قاره علم گلوبدي

لطف ائله بو غمينه جان حسن حسين جان

گئتديم    ائليكه   شامه   قولدا   طناب    كينه

خارجي  آد  قويولدي    عترت     شاه    دينه

ائتديله  چوخ   شمادت  غمله  قالاندي   سينه

اولمادي حامي اولسون كيمسه بو دل حزينه

دل ياراسي ووراردي يولدا گئچن حسين جان

نيزه ده سن دولاندون بيز يريدوك  پياده

چاتدي   يزيد  نادان    فكر   ائلدي مراده

مست  ائلدي  او پستي  كبر و غرور و باده

چكدي     بنات     زاري     كنگرة    فساده

كينه سيني او ظالم ائتدي علن حسين جان

رذل و دني جماعت رخت حياني سويدي

قانلي  باشي جدادن طشت طلايه قويدي

ائتدي  يزيد  اهانت  قلبيمي  غصّه اويدي

كينة  ناروادن  نه يورولوب   نه     دويدي

باخمادي قانلي باشي واردي گورن حسين جان

چوبة   خيزرانه    وئردي  تكان      اوظالم

قانلي دوداقلاروندا دوتدي نشان  اوظالم

ووردي  اوچوب  ظلمي نعره زنان اوظالم

قامتيمي   اوغمده   ايتدي   كمان   اوظالم

لعل لبون اوپردي چوب فتن حسين جان

گرچه  او  ماجراده    ضعف ائلديم  سارالديم

صحبت آچوب يزيدي گورملي  حاله سالديم

فاش ائلديم جفاسين يخديم ائوين اوجالديم

قورديم   عزا  او يرده غارت   اساسين آلديم

گَتدّيم آنام نشاني كوينگي من حسين جان

شكر   ائديرم   خدايه    ائتدي    منه   حمايت

فاتح   اولوب   قيتديم   قبرون   ائدم    زيارت

گورملي قبري گورديم قالمادي دلده حسرت

حيف   اولا كه    رقيّه   ايتدي   مني    خجالت

گلمدي قالدي شامي ايتدي وطن حسين جان

هاردا    دوشوب   بلايه  آلما  خبر  رقيون

مختصر عرض ائديم كه چكدي نلر رقيون

هر گوني گوندن اولدي دردي بتر رقيون

شمر   و سنان   اليندن تاپدي خطر رقيون

سيلي يدي هاچان كه ايتدي سخن حسين جان

خون   دلين   رقيه،   اشكِ     عذاره    قاتدي

زجرين   الينده  هر گون  ناله گويه اوجالتدي

ووردي اوني اوظالم درد و غمين چوخالتدي

قمچي  يوروب  اوطفلي  عالمي گوزدن آتدي

اولمادي غسله ممكن نيلي بدن حسين جان

ئولدي  رقيه قيزلار محشري  ائتدي برپا

غش  ائليوب  او غمده  تاپديلا  حال اغما

بعضي لري سووردي تپراقي  باشه اوردا

اولمادي  كيمسه  ائتسون قبر و كفن محيّا

اللريم اوسته قالدي الده ئولن حسين جان

هاردا   مگر  جنازه    الده    قالا  روادي

هانسي باشي  بلالي من  كيمي  مبتلادي

هانسي  قيزين مزارين عمّه  قازا سزادي

قازديم اوزيم مزارين غصّه لي ماجرادي

قويديم اوني او قبره قاره كفن حسين جان

نوبه  يتوب توكولسون   خاك عزا   مزاره

كيم  اله توپراق آلدي توكدي يره دوباره

آتدي  اوزين اوقبره   باشلادي آه و زاره

حشردن  آرتيق  اولدي صحنه بو دلفكاره

اولمادي كربلادن داده گلن حسين جان

اهل   حرم    اوقبره    گوز   ياشيني   اللردي

سينة    آسماني     ناله    و       غم      دللردي

سس   اوجالاندا   هر  دم  يولدا گچن گلردي

بعضي ائدوب شمادت بعضي باخوب گولردي

هيچ يوخيدي او غمده غصّه چكن حسين جان

بو غمه   تا   قيامت   عوديله    مجمر  آغلار

قاسم   و عون و فضل و جعفر   و اكبر آغلار

قولسوز   امير   لشگر    هم علي اصغر  آغلار

نوحه سيني يازاندا نوكري ((زعفر)) آغلار

قلبي اولار اوطفله بيت الحزن حسين جان

التماس دعا طاها امانی‌

هرگونه فروش این اشعار هد شرعا حرام میباشد

التماس دعا