چاوانیا بالداریا مه نیشانده‌را چاوانیا ژیانا مه یه. تشتێ ئه‌م دبژێرم دا کو بالا خوه بکشینن سه‌ر و هه‌لبه‌ت گرنگتر ژ وێ، چاوانیا بالکشاندنا مه سه‌ر وی تشتی پێناسه‌یا مه ئاڤا دکه. ژیان تشته‌ک نینه، ژ بلی ئه‌نجام و به‌رهه‌ڤکا کێلینا کو ئه‌م بوونه سه‌رسام و ئه‌فسوونێ تشته‌کی. کێلیێن کو مرۆڤ هوور و کوور بالا خوه دده سه‌ر تشته‌کی، ئه‌م دکه‌ڤن حاله‌کی - وه‌که هه‌ستا هه‌بوونێ - کو سیمۆن ژێ ڕا دبێژه «بالا کوور» و میهای چێک‌سێنتێ ده‌روونناس ژی وی حالی وه‌ک «نقۆمبوون» ب ناڤ دکه.
ده‌ما مرۆڤ دکه‌ڤه حالێ نۆقبوونێ، ژ هه‌ر ئاوایه‌کی هایژخوه‌بوونێ دوور دبه؛ تێگها ده‌مێ بۆ وی ڤه‌دگوهه‌ره ڕه‌نگه‌کی دن و ڕاستی زندیتر و خویاتر تێ به‌ر چاڤێ مرۆڤ. هه‌ر تشت ڕاسته‌قینتر و ڕه‌سه‌نتر ژ هه‌ر ده‌مه‌که دن.
ئێریک واینێر | سۆقرات ئێکسپرێس
