۱ - زمانناسه:
زانین و سه‌رده‌ستیا وی یا تام ل سه‌ر زمانێ ژێده‌رک (ژێوه‌رگه‌راندی) و زمانێ ئارمانج (لێوه‌رگه‌راندی) هه‌یه و ل جهێ گونجان وان ب کار تینه.
۲ - ڕێزێ ل چاندێن جوور ب جوور دگره:
هایا وی ژ نه‌ریت و نێرینێن کو نیشانا جیاوازیا چاندێن جوور ب جووره، هه‌یه و ب باندۆرا ڤان هۆکاران ل سه‌ر ده‌مێ ئاگاهه.
۳ - برۆژە:
زانستا خوه د وارێ گوهه‌رین و وه‌رارا زمێن، په‌یڤێن ڤه‌گوهه‌ری و ئورف و ئاده‌تێن ئاخافتنا ئاخێڤه‌رێن وی زمانی هه‌رتم برۆژ و نوو دکه.
٤ - پرۆفه‌سیۆنال و پسپۆره:
ب ئاوایه‌کی پرۆفه‌سیۆنال د واره‌ک ئان ژی چه‌ند واران دا کارێ وه‌رگه‌رێ دکه و ته‌نێ خوه د وارێ گه‌له‌مپه‌ری دا سینۆردار ناکه.
٥ - هووربین و کوورنێره:
کت ب کت په‌یڤ، هه‌ڤۆک و ئاوایێ ڕاده‌ربڕین و بلێڤکرنا وان دنرخینه؛ ژ به‌ر کو وه‌رگه‌را په‌یڤه‌کێ یا ب شاشی دکاره زرارێ بگهینه وه‌رگه‌را ته‌ڤاهیا نڤیسێ.
٦ - ڕه‌خنه‌په‌ژره:
وه‌رگێره‌کی باش ڕه‌خنه‌یان دپه‌ژرینه؛ ژ به‌ر کو ئه‌و دزانه کو ڕه‌خنه‌گرتنا ل وی ژ بۆ پێشکه‌تنا وی یا کاری ئالیکاره.
۷ - پسپۆرتیا وی یا ڕێڤه‌به‌ریا ده‌مێ هه‌یه:
ده‌ما خوه ب ڕێ ڤا دبه دا کو بکاره د ده‌ما گونجان دا پرۆژه‌یان ڕاده‌ست بکه و ده‌مه‌کێ ژ بۆ بێهنڤه‌دان و مژارێن ده‌رڤه‌یی کاری ژ خوه ڕا ته‌رخان بکه.
۸ - تێگهیشتنا وی یا ته‌کنیکی و هه‌ستباری باشه:
هه‌ستێن نهێنی یێن د نڤیسێ دا ب باشی تێ دگهێژه؛ لۆما وه‌رگه‌را وی ڕه‌نگ و بێهنا وه‌رگه‌را ماشینی ناده.
۹ - نڤیسکاره‌کی باشه:
پره‌نسیبێن نڤیساندنا زمێن ب باشی ناس دکه و هه‌ول دده کو نڤیسه‌که هه‌رکبار و فه‌همبار ڕابه‌ری خوینه‌ر بکه.
تێبینی: ئه‌ڤ نڤیس ژ زمانێ فارسی بۆ کورمانجیێ هاتیه وه‌رگه‌راندن
به‌رات قه‌وی‌ئه‌ندام
