له‌ێ چراخه‌یله‌ کامێان تنی!؟ / جه‌لیل ئاهه‌نگه‌رنژاد

شەو تیەریکانە و ده‌مم به‌سانه‌

هه‌وا تووز و ته‌م زڵمانزاکانه‌

ئەمان ئەمانە لەێ کرماشانە

سه‌د تیر دژمن ها له‌ ئێ شانه‌

مه‌ڵهه‌م بان زامێان تنی

لەێ چراخەیلە کامێان تنی؟

له‌ێ‌ بان کۊیه‌ێ سیه‌ێ په‌ژاره‌

له‌ێ ئاگرباره!‌ له‌ێ ده‌یشته‌ێ تاره‌ !

وه‌ چه‌و سه‌رشێته‌یل، نووڕم وه‌ێ شاره‌

ئێره‌ باخ سێف، یا گه‌ر ئناره‌؟

ئه‌ناره‌ یا سێف، تامێان تنی

له‌ێ چراخه‌یله‌ کامێان تنی

چه‌ن ساڵه‌ تا سوو ڕه‌و ها خه‌وم ڕه‌و

کڵاش له‌ گیرفان، چه‌وه‌یل له‌ وه‌رقه‌و

جاده‌یل جه‌هان گه‌ردیمه‌ هه‌ر شه‌و

تا که‌ێ په‌شێوی ئاسمان که‌و؟!

چه‌وه‌یلم ڕه‌م که‌ن ڕامێان تنی

لەێ چراخەیلە کامێان تنی

لەشکەرێ جەسەم! خوه‌د گیانێانی

خوه‌د وه‌ کوردییه‌و نیشانێانی

له‌ێ وشکه‌ساڵه،‌ وارانێانی

باوانه‌گه‌م خوه‌د باوانێانی

شه‌راو چه‌ن ساڵه‌ێ جامێان تنی

لەێ چراخەیلە کامێان تنی