قدرت زبان تورکی در از محمد قربانی را در این شعر ببینید :?
ایزین وئر اۆزومو اۆزوندن اۆزوم۱
اوتانیرام کؤز تک قیزاریب اۆزوم۲
خیالدا جورأتیم چوخ اولور آنجاق
قارشیندا هئچ نه‌یه اولماییر اۆزوم۳
شراب بایداغی‌سان نه‌سن بیلمیرم
گؤزلرین باده‌دیر دوداغین اۆزوم۴
بلکه‌ده گؤزلرین بیر گؤی دنیزدیر
ایسته‌سن غرق اولوم ایسته‌سن اۆزوم۵
سنسیز بوغولارام غم دنیزینده
ایسته‌مه الیمی الیندن اۆزوم۶
باغچادا گوللره باخدیم قاییتدیم
هر گۆلدن گؤزله نئجه گۆل اوزوم؟۷
اغیارا اۆز وئریب باغریمی اۆزمه
منله اول اغیارین باغرینی اۆزوم۸
قدرتین گؤرورسوز آنا دیلیمین؟
اؤز آنا دیلیمه حئیرانام اؤزوم۹
