باشوم توکون اوزاتموشام
آی بالا شاعر اولموشام
دئمه نیه بو گون ده یم
عشقه دوشوب قجالموشام
باشوم توکی قارادیر
اوره گیم چوخ یارادیر
بو توکلریم دییل لر
هر کیمسه چوخ عمر الر
اونون دردی چوخ اولور
دالوندا سوز دییل لر
باشوم توکی قارادیر
اوره گیم چوخ یارادیر
یتیشدیم اوتوز یاشا
آما هرکیم بیر باخا
دییر بونون یوز یاشی
نمه دییم آی بابا
باشوم توکی قارادیر
اوره گیم چوخ یارادیر
عاشیق کیمین قوریلدیم
بو دنیادا ووریلدیم
چوخلار منی اویناتدی
اوینادیم تا یاریلدیم
باشوم توکی قارادیر
اوره گیم چوخ یارادیر
من اوخشادوم اوزومه
تا یتیشدیم اوزومه
شراب اولدوم اللرده
مست اولدی سوز سوزومه
باشوم توکی قارادیر
اوره گیم چوخ یارادیر
یاغوش کیمین یاغمیشام
چیچکلری آچموشام
آچیلماز بو اوره کلر
داشی داشا چاتمو شام
باشوم توکی قارادیر
اوره گیم چوخ یارادیر
گئجه لر آییغم من
غملره داییغم من
غملر گئلر صف چکر
اولاری ساییغم من
باشوم توکی قارادیر
اوره گیم چوخ یارادیر
عشقه دوشن اوغلانام
غمه دوزن اوغلانام
تاری دئییب واصبرو
صبر ائلیین اوغلانام
باشوم توکی قارادیر
اوره گیم چوخ یارادیر
سید لرین آقاسی
علی مرتضاسی
نجف شیر خداسی
منم سنین قاداسی
باشوم توکی آقاردی
کونول یانار یاناردی
من سنه نوکر اولدوم
آما یولدا یورولدوم
بیلمه دیم آنلانمادوم
گناهه ماییل اولدوم
باشوم توکی آقاردی
کونول یانار یاناردی
هی سنی من چاقیردیم
حسین دئییب باقیردیم
گتدیم مشهد یولینی
رضا دئییب قاچیر دیم
باشوم توکی آقاردی
کونول یانار یاناردی
گلمدی سیزدن هرای
ائیله مه دوز ره نمای
چاتدی باشا سوزوموز
قیرمیز گولوم آه و وای
باشوم توکی آقاردی
کونول یاناریاناردی
