چند روز مانده به عید سعید فطر به دعوت چند تن از خیران رازقانی مجلس با شکوهی با حضور رازقانیان مقیم تهران و میهمانان رازقانی در مسجد نور تهران بر گزار شد که بنده نیز مقاله ای به زبان ترکی خودمان خواندم که در زیر می آورم : بسم ا...الرحمن الرحیم
او بویوک تانری آدی ائله
بو معنوی گونده اروجلوق آیوندا تمام بو یوک لریمیزه و بوتون رازقانلولارا کی زحمت چکیب لر و بو مجلیسه تشریف گتریب لر خیر مقدم عرض ائلیرم و دییرم : خوش گلیب سیز .اومیدیمیز وار سیزین عبادتلرییز آلله در گاهینده قبول اولسون . سیزین اجازه نیز له بو یازی نی آی منیم رازقانوم آدی ائله تقدیم ائدیرم
آی منیم رازقانوم
<<آی قاراقان سنین بختین یاتماسین ایگید لرین اوزون پولا ساتماسین
باخسون گورسون یاخچی ندی پیس ندی دمیر ندی قیزیل ندی میس ندی >>
آی منیم رازقان کوچه لرینده قاچماقوم گونلر . آی منیم رازقا ن چایلاروندا سئله باخماقوم گونلر .آی منیم داوارا گتمک کرپه یایماق اکین بیچماق درسه گتماق اللک اویناماق زورنا چکماخ اوزوم درماخ بارگاه سرماخ گونلریم .هله ده وار ایستی چورک اییی شیره قینتماق قوخسی بورنومدان گلیری . داوار لارون مله شی خرمن لرین کولشی قیشده دام توکمک لر کورسی دورینده دییب گولمک لر اروجلوق آیی مسجده گتمک لر محرم آیی دوش وورمک لر یادومدان چیخ مییب دیر . رازقاندا بویوک آداملار مومن انسان لار باعظمت کیشی لر وعارف خانملار یاشاییب لار .
رازقانون رحمتلیک آقای فاضل کیمین مجتهدی واروموش .رازقان منیم آنا یوردوم اولکه م دیر رازقان منیم وطنیم دیر .هریره گتسه م هر یرده اولسه م رازقانلیام.
چوخ برکتلی زماندا معنوی گونلرده اروجلوق آیوندا یولداشلاروموز قارداشلاروموز وبوتون قوم و قبیله میز بو مسجد ده جمع اولموشوق تا بیر بیرین گوروب و بو آیدا عبادتلری ریاضتلری بیر بیرینه قبول اولسون دیه ک ورازقانون مدنیتی چون تصمیم لر دوتاک .رازقانون آدی سانی گونی گونشی باتان گون دییل و گون به گون عزتی عظمتی چوخ لاشیر .اگر رازقانلولاراللری بیر اولا.رازقانون فرهنگی نظمی و بویوک لیقی هله ده وار دیللرده اوجورکی گچن زمان لار آیری یرلردن رازقانا گلریمیش لر تا رازقانلودان علم وادب وفرهنگ اورگشه لر . رازقانون غیرتلی جوانلاری جنگده حماسه لر یاراتدولار رازقان یاوخونه اتوز شهید انقلابه تقدیم الدی نچه نفر جانباز وآزاده سی وار .بو مین ایولی رازقانلی دان تمام بو ایللرده هله بیر نفر اعدام اولان یو خوموش بولار رازقانون فرهنگین واصالتین گورسه تیر .اما حییف اولسون کی بیز اوزوموز رازقانوموز بیراخموشوک و اتحادوموز یوخدور .هامی اوز منفعتی چون سعی ائدر ایستر اوزی بیر یره چاتسون و ائلین و شهرین فراموش ائلر . نقدر استعدادلر نابود اولور و هئچ کس هئچ یره چاتماز و اگر بیری ده بیر یره چاتوب عوض اینکه اونی حمایت ائدک اونی خوار ائله میشیک .چوخ خرسندم کی عرض ائلیه م رازقاندان تازه لیکده نچه نفر دکتر مهندس عمله گلیب اما هله چوخ دالی قالموشوک .کند ده کی جوان لاروموز بیکار وبی عار اولوب لار نه درس ده نه ورزش ده ونه بیر آیر ی هنر لرده فعالیت لری یوخدور .ایشلمه ک دن سوای هئچ زاد فیکرینده دییلیک . اما بوگون رازقان تاریخینده بیر بویوک گوندور .بوردا ییقیشیب تمام گچن لری یاددان چیخارتاک .و تاری نی شاهد دوتاک کی بیربیرینین الیننن دوتاک وایاقوندان چکمیه ک.اگر بیر جزئی اختلاف لارونان بیر بیریندن اوزاق دوشدوک ایندی وقتی دیر کی اولاری فراموش ائدک و ال اله وریب شهریمیز آباد ائلیه ک. بوردا لازم بیلیرم او آقایاندان کی زحمت چکیب وبو مراسمی برگزار ائله ییب لر تشکور ائلیه م و تمام همشهری لردن کی بو مجلیسه تشریف گتریب و رازقانون اعتبارین گورستیب لر تشکور ائلیه م. انشائ ا... بو مجالسین دوامی اولسون و بو اتفاق و بیر لشماق پوزولماسون .
