ای گون گئجه نی تئز ائله گوندوز
قوی گوز لریمیز
داغلارا، بو باغلارا باخسون
قوی گوزلریمیز
کهریزی، چایلاردا آخان سولاری گورسون
ای گون گئجه نی تئز ائله گوندوز
قوی گوزلریمیز
او قارا ساچلارا ساتاشسون
قوی گوزلریمیز
قیرمیزی گول سبز آقاچلارا آچولسون
ای گون گئجه نی تئز ائله گوندوز
قوی من گئدیم او خاطره لر ایچره دولانوم
اوردا دولانان قومرو لارا یولاّسلاموم
ای گون
گئجه لرده کی داها صلح و صفا یوخ
بیر کیمسه داها الّلرینه آلموری فانوس
قوش لار لال اولوب بوردا آلوشماز داها ققنوس
نه وار اوتورماق ونه دورماق
نه وار کورک نه قار و قالی
ای گون گئجه نی تئز ائله گوندوز
قوی گوزلریمیز
قارداش، باجی نی، دایینی گورسون
قوی گوزلریمیز
قونشولاری، طوی لاری، خوشلوق لاری گورسون
اولدوک اوقدر آغلادوک ای گون
گولّوک پس هاچان گویده قاچان ای ساری زر جام
گئچدی عموروم بیرجه سوگود تک
هم چیرپی لریم قوریدی هم یاندی آقاجوم
ای گون گئجه نی تئز ائله گوندوز
قوی گوزلریمیز
سیکمری ازناوی گورسون
قوی هامی اوزی گول کیمی گولسون
ای گون گئجه نی تئز ائله گوندوز
گون: می تواند اشاره به وجود مقدس امام زمان علیه السلام باشد.
