بسم الله الرحمن الرحیم بویوک تانری آدی ائله
هاوا بوردا نه سووخدور قاراقان
قیش گلیب دامدا دوروبدور قاراقان
بوز اسر ، ال تیتیرر،گوز سو توکر
تازه لیقدا کیم اولوبدور قاراقان
هایی قیز تندیره اوت سالدیریری
ننم آیا گئنه اوت یاندیریری؟
قاچوم هاردا قیچیمی ایستی لتیم
عمی یوخدور دایی یوخدور بو منی آغلاتیری
داهی بیر کیمسه کی قالی توخوماز
توخویوب قیچی ووروب ییر اوخوماز
عوضینده چوخ اولوب اهل نیاز
دئمه شاعیر : ایه سین ایت تانوماز
رازقان سن منی عاشیق ائله دین
هی قاووب هی گئتیریب شاعر لایق ائله دین
تورپاقون من چکه رم گوزلریمه
چله ، چاهبارییه شایق ائله دین
قیسمت اولسا سنی آباد ائله ریک
باشویا گول ووراروک شاد ائله ریک
هاموموز عهدیمیز ایمضا ائله ریک
رازقان بیز سنی آباد ائله ریک
قاراقان کندلری ایچینده ، رازقان موقعیتّی هئچ کند ده یوخدور .هایی کندین ایکی طرفیندن ایکی چای آخار ؟ هایی کندین رازقان جک مزرعه سی و قناتی وار ؟ هایی کندین رازقان جک وسعتی وار ؟ هایی کندین کمره سی ، ازناوی وار ؟ رازقان قاراقانون مرکزی و گوزودور. بیر طرفدن غرق اباد و همدانا، بیر طرفدن ساوه و تهرانا ، بیر طرفدن بویین زهرا و قزوینه یولی وار .رازقانون گله جاقی بیر ایشیق لی و گوروش لی گله جاق اولار .
انشا ء الله
هرزاد دان قاباخ ، ایستیرم اوز دوستومدان ، جناب آقای میرزایی شهردارمحترم رازقاندان ، چوخلی تشکّور لاروم ابراز ائلیه م و اونایورولماسون دییه م .
اویاندان عزیز هم وطن لریمیزه ، کی تهراندا رازقانا گوره چالوشولّار و ایندیه کیمین یتمیش بئش جلسه قوروبلار تا بلکه شرکت تعاونی توسعه ی رازقانی تا سیس ائده لر ، رازقا تشریف گئتیر ماقلارونی خیر مقدم عرض ائلیرم . هابئله قوربان بایرامین ، بوتون حاجی لریمیزه و بویوک لریمیزه و هامی رازقانلولارا و تمام مسلمینه تبریک عرض ائلیرم .
منیم سوزلریم ، یازمالاروم ، یاریسی رازقان باره سینده دیر و اورادان کی پیامبر اکرم بویوروب حب ّالوطن من الایمان . منیم عشقیم و اومود گاهوم رازقاندور ورازقان آبادلیقی هاموموزون بویوک آرزوموز دور .
بوردا گرکدیر آقای علی اکبر غلامی دن کی اونون یورک یاندیر ماقلارون رازقان باره سینده یاخین دان گورورم تشکور ائلیه م و عرض ائلیرم کی بو جلسه ده ایشانون گوجیییدن بوردا تشکیل اولونوب و انشاء الله نتیجه سی آلّا هون رضاسینده اولسون .
آلاّ ها چوخ شوکر اولسون کی یتمیش آلتونجی جلسه بوردا و اوز شهریمیزده بو مبارک گونده و بیر بزرگمرد ختمیندن سورا برقرار اولیری کی یئری واریدی بوندان علاوه کنده توجه اولایدی و کند آدامی دا حسابه گلیدی .
رازقاندا چوخ بویوک لر زحمت چکیب و الان تورپاقا قوناقدولاّر .حاج آقا فاضل ، حاج ابراهیم امیر حسنی ، شیخ اسکندر قبادی و تمام شهدا لریمیز .
او موقع دن کی گوز آچموشوک حاج آقا گلی و اونون یولداشلاری مجلس تعزیه نی برقرار ائله ییب لر و بوندان سورا دا انشاءالله ائللر کی حتی ایندیه کیمین بیر کیمسه بولاردان تشکور خشک و خالی ده ائله مه ییب .
آقای مشهدی رضای امیرحسنی یازماقلارویونان بیزیم یولوموزدا چیراغ یاندوروبلار .
وایگیت یولداشلاروموز فرهنگی ایشلره ال قاتوبلار و بدون توقع ایشلیللر کی بویوک لرین تشویقی و تاییدی اولارا کومک اولار انشاءالله .
اما گئنه ده اوزومه چوخ سئوینیرم کی بوگون بو ایکینجی مجمع عمومی بوردا برقرار اولیری و عزیز همشهری لره نئچه سوزی عرض ائلیرم :
اوّل بودور کی ، شوکر اولسون کی رازقانلولاردا بیر نم غیرت وار و اوز آنا یوردونی آتمازلار .اما تهران داکی هموطن لر چوخ یاخچی دور کی کنده چوخ گلسین لر و اوشاقلارون دا گئتیر سین لر و بو شهرین کوچا باجاسین گور ست سین لر و اولاری آشنا ائله سین لر و اولارا گئچمیش لری دئسین لر . دئمیریک تورکی ده دانوشسونلار .
ایکینجی سوز بودور کی رازقانلولار گوز یولدا دولار کی بیر مرد آداملار قاباقا گلسین و بو مردومه بدون قصد و غرض خدمت ائله سین لر و تئزلیقه شرکت تعاونی توسعه رازقان باش توتسون و اتحاد و اتفاقونان قویمویاک رازقانون اسم و رسمی دوشسون گئت سین .
اوچونجی سوزوم بودور کی بوتون مردم رازقانی ، چه تهراندا و چه رازقاندا چاقیریرام بو شرکت تعاونی ده عضو اولسون لار و اوز رای و نظر لریینن هیا ت مدیره سین انتخاب ائله سین لر .
و سون سوزوم اولاروناندور کی انشا ءاله انتخاب اولا جک لر .آقایان اگر ایستیریک رازقان آباد اولا ، گرک بوردا بیر شرکت صنعتی وورولا تا جوانلار اوردا مشغول اولالار . حتی اولور بیر شرکت صنایع بسته بندی وورولا ، مردومدان ، آیری کند لردن نخود لوبیا مرجی سوت قاتوق قیماق و آیری محصولاتی آلا و اولاری بسته بندی ائلیه و آیری یرلرده ساتا .
بیزیم گوزوموز یولدادور ساغ اولسون رازقان ساغ اولسون رازقانلی .
