کانال رازقانی ها:
???
?
?
در سال های گذشته شعری در وصف رازقان گفته بودم که دارای اشکالاتی بود این شعر را اصلاح کردم وبار دیگر به محضر همشهریان عزیز تقدیم می کنم:
رازقان:
کندیمیزه تفرقه نی سالدولار
اوتوردولار دعواموزا باخدولار
باشیمیزی دردسره قاتدولار
خلقین جوانی گئتدی جنگده اولدی
نئچّه ایل لر جیگریمیز قان اولدی
آی رازقانین سکّی باشی بورج بیخی
ایمام کاظوم تپّه سی آقاج دیبی
کوکا ،فطیر،یئر آلما،چورک،اییی
رازقانا هرکس گلیری خوش گلیب
بالا داغی بویوک داغا باش اگیب
سیکمره هرکس گئدر خوش اولسون
یئدیگیییز قووات اولسون نوش اولسون
نیتی پیس اولان دولی جوش اولسون
پولارویوز توی لاردا شاباش اولسون
پیس سیزه باخان الاهوم داش اولسون
دولانموشام بوکندلری بیر به بیر
گورمه میشم بوکند کیمین آیری یئر
بدخواه لارا ده ائتمه یین زرّ و وئر
کمره کهریزی،غارغار قناتی
اکبر عمی مینیب قاووری آتی
داوار گئدر کالانادا یاتاقا
بویوک داغون باشوندا باخ قالاقا
اکرام دایی الان گلر قاتار بیزی قاباقا
هی نه قدر بو دام داشدا قاچموشوک
آق بایوردا،گزیب فسیل تاپموشوک
اوشا قودوک قرآن درسی اوخوردوک
هر گئجه بیرکسه مهمان اولوردوک
ننه،باجولارلا قالی توخوردوک
قیشده گئدردیک کوچادا آهیسته
مولاّ دییئردی زبر الیف اوسته
اوروجلوق آیی مسجده گئدردیک
نماز قیلیب چاییمیزی ایچردیک
هرنه اولاردی ائوده بیز دئیردیک
قدیم کی لردن داهایوخدور نیشان
دلیک لری ساتون آلوپدور سیچان
بیزیم یوخدور مزرعه میز مولکوموز
آباد اولسون باغلاروموز توزلوموز
شرفلی،شانلی دوربیزیم یوردوموز
بواولکه نین قدرینی بیز بیلمه دیک
قوجا لارون گوز یاشینی سیلمه دیک
توزلی باغی آباد اولسون ساغ اولسون
اریک لری شیرین اولسون چاق اولسون
باداملاروی ایچی دولی یاغ اولسون
چنارلاری اوجالسون الّی ارشین
اوزوملری شیرین شیرین قند کیمین
من یاد وئرن قجالار اولدی گئتدی
اوستا حسین خال اوغلی اوچدی گئتدی
هرکیم گلیب خاطیره قویدی گئتدی
نظم و نظام بیر بیرینه دگیبدیر
بویوک کیچک بیر بیره قاتیلیبدیر
قالوب نئچه یاقچی موسلمان کیشی
دادام کیمین جان کیشی جانان کیشی
سوزآنلویان،هرزادی قانان کیشی
آلله عمرون چوخ ائله یوزدن آرتوق
قوربان اولوم آلاّ ها مین دن آرتوق
منیم آدوم چاقوردولار دیوانا
آلله سالدی هربیرینی بیریانا
بیرکیم یوخدور اوره گی بیزه یانا
خداوندا هئچ کس فقیر اولماسون
قوم وعشیره ده حقیر اولماسون
هئچ داها یوخ کندیمیزین سیقیری
تراکتورلار خرمن لری دوگیری
اسد عمی گئنه کیمی سوگیری
بیزیم ده بیرگون عمروموز ضای اولار
سووخ گئچرباهار گئدر یای اولار
روشن اولوب ستاره لرآی ایشیق
گئجه گئچیب هامی یاتیب من آییق
قاپ باجادا قالوب دوباره آچیق
آی بئنوا عاشیق لرین گئجه سی
آغلاماسی فیکره گیریب چیخمه سی
موختار عمیم قدیم دشتبانوموش
هیبتیندن اوغرولار قورخاروموش
ال اوزونی چولده قاوالاروموش
اما حییف قوجالدی الی تیترر
جوان داغی داغلاری دا اریتر
رازقانلولار نامرده باج وورمه یین
امان امان کندی قویوب گئتمه یین
غریبییه سرّیمیز اورگئت مه یین
من اگر اولسم هئچ کیم آغلاماسون
ننه م باجوم هئچ قرا باغلاماسون
عباس عمی دایره چالسون اوخوسون
تویوم توتون اوگون ها می شاد اولسون
بیزی گوره بیلمی ین لرقورتولسون
هرکسه من دوست اولدوم دوشمان اولدی
عاشیقلرین دردی بی درمان اولدی
خیره شره داها گئده بیلمیرم
ختمه طویا مسجده ده گئتمیرم
غریب دوشوب اولکه میزی گورمیرم
گورمم داها دایی مشهد رضانی
ائشیدمنم قشنگ سسی صدانی
کندین بویوگی اولماسا کند اولماز
حاج ایبراهیم کیمین کیشی تاپولماز
خائن اگر اولماسا کند چاپولماز
بوییل چلسبان مودیری اولموشام
بیر قوش اولوب گلیب بوردا قونمو شام
آلله ظلمین چینه سینی ییخ گینن
نامرد لرین بوغازینی سیخ گینن
ظالیم لرین قاباقوندان چیخ گینن
من اولارا باشیمی اگمم عمی
اولسم اگر یولداشی ساتمام عمی
گئچیب داها محبتین زمانی
قارداشا وار قارداشون بد گمانی
چوخداندوکی سئل آپاروب سارانی
دادام دییئر نمازدا بودعانی
آلله نجات وئر جمیع جوانی
دونن گئجه ترک ائله دیم سیگاری
بیلماق اولماز گردش روزگاری
به کارلوقدان یاقچی اولار بیگاری
من گئدرم سوزوم قالور کتابدا
رفیق لریم اوخور نه آب وتابدا
خوش اوگونه بهشت اولا یئریمیز
باغوشلویا گناهیمیز عیبیمیز
جواب دییه سوالاّرا دیلیمیز
سحرگئدک کمریه ازناوا
معلوم دییل داها گلک گزماقا
?
?
?? : @razqan1397
??????
