گوزلریمدن یاش سوزولدی ای گوزل
قلبیمه غملر دوزولدی ای گوزل
سنده یوخ عشقیمه باوربیلمیشم
اللریم الدن اوزولدی ای گوزل
نه خیال لار ایله میشدیم ای گولوم
هاموسی بیخدن پوزولدی ای گوزل
ایسته دیم او مه جمالوندان اوپم
گور دوداقلاروم بوزولدی ای گوزل
وئر منه بیر بوسه وبش دانه آل
قوی دئسینلرکی نوزولدی ای گوزل
باخما مردم آردوموزدا یانشیری
بونلارین چوخی فوزولدی ای گوزل
گل بو الیاسی گوتور گئت اورتادان
گوزلریندن یاش سوزولدی ای گوزل
