گلدی دنیایه علی نوری درخشاندی بوگون
نورحق ظاهر اولوب حق نوری تاباندی بوگون
زایمان احساس ادیب وقتی علینون آناسی
التماس حقه ادیب سالم اولا تا بالاسی
نور باران ایلدی الله اوین دُرداناسی
بیت یزدان دا آنا هم بالا مهماندی بوگون
جهانا گویدی قدم بس که بوگون شیر خدا
دنیانی ادی ایشیق بس که بوگون شمس هدا
گلشن دینده آچوب نوگل ایثار و وفا
دنیا عطرآگین اولوب دنیا گلستاندی برگون
دیده دنیایه آچوب کعبه حقده چو علی
دنیانی روشن ادیب نور خدا لم یزلی
دنیانی خیره ادیب کعبه ده کی نور جلی
بو نورون مظهرینه هامیلار حیراندی بوگون
عاشق رب جلیل عالمه رهبردی علی
حامی دین خدا یار پیمبردی علی
عالم هستی اوچون ماه منور دی علی
بو گلن عالم اوچون اسوه ایماندی بوگون
مولودی دنیالاری مبهوت و حیران ایلدی
بو جهان ایچره علی حقی فروزان ایلدی
دین یزدانی بوگون دنیادا رخشان ایلدی
گلشن عدله اولان دنیادا باغبان دی بوگون
عاشق دین خدا تابع قرآن دی علی
صاحب جود و سخا منبع احسان دی علی
جاده حقده اولان شمع فروزان دی علی
بحر ایمانه اولان درّ له مرجان دی بوگون
مظلوما یاور اولان ظالم دشمن دی علی
قامت دینه اولان جنگ ده جوشندی علی
عالم علمه اولان دهر ده گلشن دی علی
رزم میدان دا اولان ضیغم میدان دی بوگون
فضلینی یازسان اگر فضلی تمام اولمویاجاق
دنیادا مکتبی تک بیرجه مرام اولمویاجاق
حشر ده رتبه سی تک بیرچه مقام اولمویاجاق
جز نبی ختم رسول حشر ده میزان دی بوگون
ای على هانکی عجائب ایشیوی طرح ایلیم
هانسی علمون قاپوسون سنده کینی فتح ایلیم
هانی عدل و کرم و صبریوی من شرح ایلیم
هانسی اوصافون علی خلقه نمایان دی لوگون
سن غلام علی اول پیرو حق اول علی یه
امرینه ایله عمل شیعه صدق اول علی یه
افترا سؤیلدیلر دنیادا منطق علی یه
نایب ختم رسول صاحب برهان دی بوگون
سن علی عدلینی یاز دنیا بوله عدلینی تا
علی یه منکر اولان درک ایلیه فضلینی تا
نور حق روشن اده بلکه اونون قلبنی تا
فضل و عدل و کرمی عالمه اعلان دی بوگون
افتخار من ادیرم رهبریم حیدر دی منیم
تابع حکم خدا دینیمه محور دی منیم
قاسم نار و جنان ساقی کوثر دی منیم
عاشق و شیعه سینه ضامن رضوان دی برگون
گلدی دینایه علی کعبه حقّ ده بو آیی
نوری شرمنده ادیب خورشید لن هم ده آیی
گلمیوب گلمیه جاق دنیا لارا مثل و تایی
نائب ختم رسول محبوب جانان دی بوگون
دریالار اولسا مرکب میشه لر چوب و قلم
فضلینی یازسا اگر جن و بشر کل امم
فضلنون آخری یوخ ورماگلان اوردا قدم
نور و فضل علوی گون کیمی افشان دی بوگون
اعلمی یازگلاسن وصف علی دیوان چوخ
منکرون گوزلرینه تا که اولا زهریلی اوخ
قلب ناپاکنه تا شعریله سن خنجری سوخ
نام زیبای علی زینت دیوان دی بوگون
