ای حجت یزدان اولان ای شیر مردان یا علی
عاشق سبحان اولان محبوب جانان یا علی
گلدی بایرام غدیر عالملری روشن ادیب
حق نورون ایلوب جهانی نور باران یا علی
امر ادیب پیغمبره بس که بوگون رب جلیل
اجرا حقّین ده اولا آیات قرآن یا علی
امر ادیب ختم نبی حجاج اوگون تا جمع اولا
مطلبی حجاجه ادسون تا که اعلان یاعلی
امر ادیب تشکیل تاپا بیر منبر بالا بلند
منبری ایجاد اولوب چون طبق فرمان یا علی
توتدی دستینین علی تا منبره ادی صعود
حمد سويلوب خالقه ختم رسولان یا على
گوزیوب دستین سنین تا گورسنوب زیر بغل
سن منه اولدون وصی ای مرد میدان یا علی
هر کسه مولا منم مولا علی اولدی اونا
حکم یزدان عالمه اولدی نمایان یا علی
عالمه روشن اولوب بس که ولایت رتبه سی
عالمی روشن ادیب چون مهر درخشان یا علی
فرقتیم دَه صاحب اول دین خدایه سن علی
سن ولی اولدون خدایه شیر مردان یا علی
بو ولایت دن اولوب تکمیل رسالت، مرتضی
شیعه لر اولدی اوگون شاد و خرامان یا علی
بو ولایت دن علی دشمن لرین دلگیر اولوب
حقّی وی پامال ادیب دنیا ده عدوان یا علی
ظالمان چوخ ظلم ادیب حق علی ده ای خدا
لیک حقّون گون کیمین خورشید تابان یا علی
علموی کتمان ادیب دشمنلرین بغض اوسته چون
قورخودان گزیلدیلر علمون محبان یا علی
ای امامت گلشنین ده بیر گل زیبا اولان
اوت وروب دشمن یانوب صحن گلستان یا علی
چکدیلر دشمن لرین مسجده تا بیعت آلا
امر ادیب لر بیعت ایله صاحب ایمان یا علی
حقوی الدن آلب ایلدیلر خانه نشین
اوز اوین اولدی سنه دنیا ده زندان یا علی
دشمنان دینه بیعت ایلمز هرگز علی
قویموسان عالملری ایماندا حیران یا علی
فاطمه گلدی او دم مسجد ده نفرین ایلسون
تا اولا مسجد ده نابود قوم شیطان یا علی
ال آتوبدی معجره، دیوار مسجد قوزآنوب
او قدر گدی گویه گورسندی هر یان یا علی
امر ادیب سلمان قویما فاطمه نفرین اده
مانع اولدی نفرینه او وقت سلمان یاعلی
اهل مسجد گوردولر بو صحنه نی با چشم باز
اعجازی درک ادمیوب او قوم نادان یا علی
اولدی آزاد شیر مردان دشمنی خوار ایلدی
لیک اسلامه اولوب مشکل او دوران یا علی
اسلامی اجرا ادن عالمده سن سن یا علی
آخر اولدون اسلاما مسجد ده قربان یا علی
ای سخاوت معدنی ای سرپرست بی کسان
سرپرست سیز قالدیلار مثل یتیمان یا علی
ای اولان روز جزا ده قاسم نار و جنان
حشر ده سن سن اولان اعماله میزان یا علی
ای اولان حلال مشکل شیعنین وار مشکلی
وار تقاضا مشکلاته ایله درمان یا علی
چنگ ورام دامن پر فیضوه مولای من
اعلمی ایستر شفاعت، ایله احسان یا علی
