چوخ حمد و ثنا قادر اولان خالقه اولسون
تقدیر و سپاس ختم نبی صادقه اولسون
ثابت قدم عشقین ده اولان عاشقه اولسون
عاشقدی علی آللها محبوب خدا دی
الله ولی دینه اولان بیرجه ندا دی
ایل لر دولانوب گردش ادیب چرخ مدور
حج الوداع ایلین ده اولوب نهضت اکبر
عالمده اولا گوزلریز ای شیعه منور
تبریک دیرم من سیزه هم شیر خدا یه
منکر لری اولسون هدف تیر خدا یه
اون سگیز ذیحجه ده حجاج او دوران
صحرای غدیر خمدا گلوب تابدولار اسکان
امر ایلدی پیغمبره چون خالق سبحان
اعلان ایله سن امته فرمان خدانی
اجرا ایله بو یرده اولان حکم قرآنی
امر ایلدی حجّاجه او دم نبی خاتم
مسکن اده لر او چولده حجاج مکرم
تا مژده وره اهل دینه رسول اکرم
برگشت اده لر تا او چوله قاباق گدنلر
تا اینکه گله چاتا اورا تاخیر ادن لر
دستور وروب حجّاجا چون ختم پیمبر
ایجاد اده لر اوردا اوگون بیر اوجا منبر
فرمایش ادیب امر ایلیوب خالق داور
تکمیل اولا تا حکم رسالت ادم اعلام
آینده ده تا راحت اولا امت اسلام
تشکیل تاپوب بیر اوجا منبر اوگون اوردا
مردم جمع اولوب موجه گلوب بیر یکه دریا
مبهوت قالبولار گورسن واردی نه غوغا
مردم هله بولمور گورسن واردی نه مطلب
ای کاش اولا بیر خوش خبری بیز لره یا رب
تا اینکه گلوب ختم رسول منبر چخدی
چون شیرخدا نون الینی قوزادی سیخدی
او قوم منافق ایوینی یکسره یخدی
اوّلده دیوب آللها چو حمد و ثنانی
اونان سورا فاش ایلدی اسرار نهانی
ایلوبدی سؤال رهبریدیم من نجه امت
چوخ ایلموشم سیزلر اوچون گونده محبت
گر سوزلریمده واردی یالان سیز دیون ملت
سویلوبله جواب یوخدی یالان رهبر صادق
بیر رهبردین بیزلر اوچون امین و لایق
فرمایش ادیب آگاه اولون خلق مسلمان
نایبدی منه شیرخدا علی عمران
رحمت یتشوب شاداب اولوب صحن گلستان
گل وردی عدالت گلی گلشن صفا تاپدی
عالم ده مسلمانلار عجب پیشوا تاپدی
لطف ادی خدا ولایتی شیرخدایه
تائید ایلیوب نائب اولا او مصطفایه
عالملره مولادی علی ارض و سمایه
پیغمبره نائبدی علی امتّه رهبر
جنت ده اولان شیعه لر ساقی کوثر
فرمایش ادیب بیر نچه گون من قوناق اولام
بو حج مبارک ده سیزه هم ایاق اولام
آز وقت گدوب دار فنا دن اوزاق اولام
من هر کسه مولایم علی مولا اونادی
غیر از علی یه بیعت ادن دینی فنادی
چون بو خبری وردی اوگون احمد مختار
چوخ شاد اولوب اهل یقین مردم دیندار
کینه چوخالوب دلگیر اولوب دشمن غدار
تبریک ییرینه کینه لری شعله ور اولدی
بغضیله عداوت اورگ دشمنه دولدی
او دم که پیمبر ایلدی دنیا دا رحلت
دعوت اولونوب شیرخدانی اده بیعت
او سروره دشمن ایلیوب چوخلی اذیت
غصب ایلدیلر حقینی چون اولدی او مظلوم
دشمنلر عداوتله ادیب علمینی مکتوم
شورا قورولوب ظلم اده لر قوم منافق
غصب اولماق اوچون حق علی اولدی توافق
تا اینکه اولوب خانه نشین قرآن ناطق
اوت وردی منافق در و دردانه سی یاندی
گلشن ده گل و بلیل و پروانه سی یاندی
چوخ گدی فشار بیعت اده دشمن خون ریز
هیهات علی بیعت اده دشمنه هرگز
اسلامه گوره صبری اونون اولمادی لب ریز
چون صبر ایلیوب ظلمه دوزوب اولدی او پیروز
دنیاده تاپولماز بله بیر رهبر دلسوز
لطف ایله گلن بیزلره سن خالق یکتا
دوز شیعه اولوب حق علینی اداق ایفا
تا بیزلرینن حق علینی بوله دنیا
دوز پیرو اولوب خط علی ده گداق هرگاه
اسلامی قبول دنیا ادر اعلمی آنگاه
