نه گوزل دی نصف شعبان منجی جهان گلوبدی
روشن ایلسون جهانی مه عاشقان گلوبدی
عطری ایلموش معطر عالمی چو مشک عنبر
گلشنی مزیّن ادسون گل گلستان گلوبدی
شادمان سن اول جهاندا ای محب آل طاها
شیعه گوزلرین منور شه شیعیان گلوبدی
ظلمت ستم ادنده عالمی تمام سیه پوش
نوری چولقاسون جهانی هور آسمان گلوبدی
قلب عالمین سایالار چون وجود هر امامی
زنده ساخلاسون جهانی صاحب الزمان گلوبدی
عدلی دولدورار جهانی ظلم لن دولاندا دنیا
گردن ستمگرانی عدلینن وران گلوبدی
ظالم قوم اشقیا دن گوزلری همیشه گریان
جدی حضرت حسینون قانینی آلان گلوبدی
شیعه عشق ایله جهاندا سربلند و سرفراز سان
ظلم لن دولاندا دنیا عدلی دولدوران گلوبدی
مظلوما اولاندی یاور قاتل ستمگران دی
اللها مطيع مطلق مجری قرآن گلوبدی
ایلیوب خدا اراده دینینی جهانگیر ادسون
اجرا ادماقا بو امری مصلح جهان گلوبدی
ای خدا بیزه نظر قیل ور اجازه مهدی گلسون
منکران دین گورسون غیب ده قالان گلوبدی
گلشن جهان شیعه سولماسون جهاندا هرگز
زنده تا قالا او گلشن روحیله روان گلوبدی
لطف ادر خدا همیشه شیعیان اهل بیته
مژده اولسون ای شیعه لر لطف بی کران گوبدی
شیعه دائماً سیزیلدار تا گوره شنن جمالون
لطف اله آقا شیعه لر گوزلری گریان گلوبدی
بعضی بی ادب مسلمان نام شیعه دی خلاف کار
خلاف ایشلری گورنده باغری قان اولان گلوبدی
دشمنان دین و قرآن چاتماسون الی او شاهه
ایستيوب خدا که فعلاً غیب ده قالان گلوبدی
ایتمیوب ظهور او سرور، ایستیوب سالا تفرقه
دشمن شیعه دیوبدی بیر بیوک یالان، گلوبدی
واردی مدرک و دلایل گلمیوب هله او موعود
سویله سن یالانچی دشمن ده گوروم هاچان گلوبدی
ایلیر ظهور او سرور مکّه دن بروز جمعه
تکبیری جهانه لرزه کعبه دن سالان گلوبدی
نقدر مجلل ادسه کاخلارون جهاندا ظالم
ظلم کاخونی جهاندا عدلینن یخان گلوبدی
صبر ایله دایان عزیزیم اولما چوخ ملول جهاندا
دد لرین دواسی گلدی غصه نی پوزان گلوبدی
دشمنان شیعه هر قدر بد نام ایله سه شیعه نی
حلق دشمنان دینی حقیلن سیخان گلوبدی
رحمت جهان شیعه دشمنان حیدریله
ظلم ادن لری جهاندا وحشته سالان گلوبدی
گر وره اجازه معبود گله جک یقین او سرور
حاصله چاتار او مقصود دل مؤمنان گلوبدی
منتظر سن اول جهاندا شعیان آل یاسین
دردیوه دوا تاپولدی یار مهربان گلویدی
ظلم کاسه سی دولاندا عالمی فساد توتاندا
قلب شیعه قان اولاندا دردلره درمان گلوبدی
شیعه افتخار سن ایله وار سنون بله امامون
عالم اولکی قیامون رهبر دوران گلوبدی
وار امید جهاندا بیرگون ایلسون قیام او موعود
عالم اهلی اوندا بولسون عالمه سلطان گلوبدی
بو پیامی شیعه هر آن سویلوبدی هر زماندا
بو حقیقت منکرانون مغزینه گران گلوبدی
دشمنان شیعه ایستر ضعف شیعه نی جهاندا
او شهین عنایتیلن شیعه توان گلوبدی
شیعه عالی دور مرامون عالمه یتیر پیامون
صادر ایله سن قیامون قدرت نهان گلوبدی
وارث رسول اکرم رهبر تمام عالم
الده پرچم هدایت حجت یزدان گلوبدی
آگاه اولون اهل دنیا نائب علیّ مولا
الده ذوالفقار حیدر قاتل عدوان گلوبدی
یاتما شیعه بیدار اول سن مکر خصمه هوشیار اول سن
شیعه جهاندا دشمن بیر بیوک شیطان گلوبدی
عمرلر يتر تمامه غرّه لمه پول مقامه
اوز چوور ره امامه وقت امتحان گلوبدی
گر ظهور اده او رهبر اولاجاق دی وضع دیگر
دیه جکدی مردم اوندا تازه دین الان گلوبدی
قرآنی اجرا ادر او حق و باطلی سچر او
شیعه شادمان اولار چوخ دشمنه فغان گلوبدی
اعلمی دییر بو عیدی سیزلره مبارک اولسون
يتشبدی نصف شعبان گُله باغبان گلوبدی
