حج الوداع ايلين ده بیر عید اکبر اولدی
وصی ختم مرسل جهانه رهبر اولدی
غدیر خم چولونده اون سگیز ذیحجه
اسرار غیب الله او چولده اظهر اولدی
فرمان گلوب خدا دن پیغمبر عظیمه
سابق سنه وحی اولوب وحیم مکرر اولدی
باک ایلمه دشمنن اظهار ایله مطلبی
الله سنه بو امره یاور بهتر اولدی
ابلاغ ایله بو حکمی کل جهان بولسون
علیّ شیر یزدان ولیّ داور اولدی
امره اطاعت ایلوب ختم رسول اکرم
اجرا ادن بو امری خود پیمبر اولدی
دستور وروب محمد حجّاج بیت یزدان
جمع اولسونلار او چولده ابلاغ سراسر اولدی
قورولسون تا او یرده بیر منبر بلندی
تشکیل تابان او منبر جهاز اشتر اولدی
دست علینی توتدی پیغمبر معظم
قصد ایلیوب منبری بالای منبر اولدی
حمد و ثنا سویلوب خالق ادی بیان
حکم خدا عالمه بیله مقرر اولدی
دست علینی قوزیوب فرمایش ادی خلقه
جانم علی حق جو عالمه سرور اولدی
من هر کسه مولایم علی اونا مولا دی
نائب منه علی دور مولای قنبر اولدی
منن سورا جهانه ولیّ حق یزدان
عالملره سراسر مولا و رهبر اولادی
حجاج گلوب دیبودی مبارک اولسون علی
بو ترتیب له ولایت ثابت مقدر اولدی
شادی عید غدیر عروج ادیب گویلر
تبریک دین حیدره گویده ملک لر اولدی
نور خدا علی دن ادی تجلی گویه
ولایتون نورنان گویلرده انور اولدی
تکمیل اولوب رسالت به امر حکم یزدان
دین خدا درخشان عالم منور اولدی
نام علی گدیب دی عرش خدایه چاتدی
عرشه منقش اولموش عرش ده زیور اولدی
ولایت گلشنن ده کل جهان گل آشدی
ولایتون گلونن عالم معطر اولدی
حافظ دین خدا مجری حکم قران
ولایتون گویون ده ایشیقی اختر اولدی
ولی الله علی قسیم نار و جنت
دقت ایله مقام شفیع محشر اولدی
دین خدایه علی شمس هدایت اولموش
به دین ختم نبی خورشید خاور اولدی
امیر مؤمنان دی دین خدایه جان دی
کشتی جان دینه بهترین لنگر اولدی
خوشا شیعه حالیوه گدسن اگر بهشته
علی سنه بهشته ساقی کوثر اولدی
فیض خدا علی دن جاری اولوب گلشنه
گلشن دین فیض آلوب گل لری خوشتر اولدی
فیض آلان گلستان گل لری خوشبو اولوب
او گلشنون گل لری سلمان ابوذر اولدی
افسوس اهل کوفه یالقوز قویوب علینی
یاور اولان کوفه ده رهبر کمتر اولدی
امت اولا بی وفا رهبر مشکل اولی
وفالی یار رهبره عمار یاسر اولدی
علمدار جانثار سپاه دینه اولان
میدان هر جنگیده مالک اشتر اولدی
ابوبکرین صلبونن باشه گلوب محمد
اما امام علی یه فرزند دیگر اولدی
ابوبکری مذمت ادیب اوغلی محمد
دفاع ادی علی دن پدر مکدر اولدی
عشق باغ علی ده بیر مرغ عاشق اولدی
پرواز ادیب او باغدا زرین بال و پر اولدی
باد ستم اسیبدی گلشن دین سولوبدی
گلشن آل علی گل لری پر پر اولدی
منافقون بولوبدی ولایت علینی
عداوتلرگون به گون دل لرد اکثر اولدی
مخالفت باشلانوب وصی پیغمبره
رحلت ادیب پیمبر کینه لر بدتر اولدی
منافقین وروبدی ضربه کاری دینه
منافقین بو دینه زهرلی خنجر اولدی
خانه نشین ایلیوب منافقین علینی
مظلوم ترین عالم فاتح خیبر اولدی
منافقین اوت وروب در علی یانوبدی
صدمه گوروبدی زهرا مونس بستر اولدی
فاطمیه جسارت پیش علی اولوبدی
بو ظلم دن علی ده خجیل همسر اولدی
منافقین ظلم ادیب رهبر دینه او وقت
ظلم لره صبر ادن شیر غضنفر اولدی
مقابل دشمن ده على تنها قالوبدی
یالقوز قویان علی نی ایکی اوزلی لشکر اولدی
پاره پاره ادیب دی پیکر دینی دشمن
صاحب زمان گلینجه یارالی پیکر اولدی
حق لری ناحق ادن خلافتی غصب ادن
باعث بو جنایت آنّاماز ایل لر اولدی
عبادت محرابون دا ضربت لنیبدی مولا
فیض بزرگه چاتدی فیض ده برتر اولدی
ملجمون اوغلی ووردی زهرلی شمشیر باشا
قانه بویاندی مولا لاله احمر اولدی
حبّ علی هر دلده اولسا اگر، علی ده
اول گجه قبرده او قلبه یاور اولدی
نام علی دیلین ده اعلمی ازبریندی
عاشق حیدر اولموش قنبره نوکر اولدی
