نصف شعبان جهانا بیر گوزل مولود گله جاق
مژده ای اهل جهان مهدی موعود گله جاق
شبه پیغمبر اولان حجت معبود گله جاق
نور سیماسی اونون عالمی روشن اده جک
گل نرگس گل آچوب دنیانی گلشن اده جک
ظلمتی روشن ادن خورشید تابان گله جک
جهل دنیا سنا بیر ماه درخشان گله چک
دینی زنده ایلین مجری قرآن گله جک
نور باران اده جک دنیانی چون نور خدا
نور حقی له اوگون روشن اولار ارض و سما
ظالمان جهانی سرکوب و نابود اده جک
دنیانی با صفا چوخ بس که بو مولود اده جک
ظلمی زائل ایلیوب عدلی او موجود اده جک
دولاجاق عدل خدائی له اوگون روی زمین
شاد و خرم اولاجاق دنیادا چوخ اهل یقین
چوخ مبارک اولاجاق عالم اوچون خوش قدمی
اهتزازه گله جک دین خدانون علمی
فیضه چوخ چاتدراجاق فیض و سخا و کرمی
عالمی نظمه سالان صاحب دوران گله جک
رشده چاتورماق اوچون صاحب امکان گله جک
عالم هستی اوچون بیر گل زیبا گله جک
مفتخر دنیا اولوب یوسف زهرا گله جک
عزت شیعه اوچون حضرت مولا گله جک
او گلنده جهانا شیعه لری شاد اولاجاق
ظلم و بی داد کاخی دنیادا برباد اولاجاق
ای خدا ور سن اجازه گله مولا جهانا
باغلیوب چشم امید دنیا امام زمانا
دنیانون وار نیازی حکم دینه هم قرآنا
دین و قرآنه عمل دنیا اده زیبا اولا
ظلم ظالمنن اوگون بلکه رها دنیا اولا
گر ظهور ادسه امام دنیا گلستان اولاجاق
مظلومون حقینی ظالمنن اوگون تز الاجاق
دنیادا فسق و فجور زایل اولوبدی گده جاق
دنیا عدلی له دولوب صلح و صفانی گتورر
بهر آسایش اوگون دین خدانی گتورر
دنیادا ظلم و ستم کاروانون لنگ اده جک
روش دینی اوگون و مردمه فرهنگ اده جک
رشوه و پارتی و تبعیض جهانی ترک اده جک
اودی کی دردلر اوچون بیر یکه درمان گله جک
دینی اجراء ایلین حجت یزدان گله جک
يار و انصار امام، مردم آگاه اولاجاق
حکم قرآن خدا مردمه همراه اولاجاق
دینی پیروز ایلین حجت الله اولاجاق
اجرا دنیا ده اولا مکتب چون ختم رسول
عالمه ایله جک لطف خدا بس که نزول
او زمان سطح جهان گلشن و گلزار اولاجاق
اهل عالم او گونی مومن دیندار اولاجاق
دینی دنیایه ساتان دنیادا چوخ خوار اولاجاق
مردم روی زمین بیدار و هوشیار دی اوگون
صاحب دین خدا دینینه غم خوار دی اوگون
دولت مهدینی او دنیادا ایجاد اده جک
دنیانی ظلم و ستم جوردن آزاد اده جک
غم و غصه گده جک دنیانی دلشاد اده جک
چشم و هم چشمی گدیب بخل و حسده داغلار
آهولار اوندا گلوب کوچه بازار دا ساغلار
قورتارار جنگ و جدال دنیا اولار امن و امان
یوخدی شیطان بزرگ عالمه تا جنگ سالان
آل قزیل باشوا تا دنیانی سن تنها دولان
بیر نفر یوخدی دسین سن داها هاردان گلیسن
سن اوچون یوخدی هراس تنها بو یولدان گلیسن
پرچم دین خدا دنیادا هر یرده اسر
ریشه مکر و یالان، سرقتی دنیا ده کسر
غیبت و قتل و جنایتدن اوگون یوخدی خبر
حب یزدان اولاجاق گل آچاجاق دین خدا
دائماً کف چکه جک دنیاد شاهیله گدا
ای بشر فکر ایلمه دنیا بو نوعی قالاجاق
ظالمان جهانی دنیادا تخت دن سالاجاق
قاتلان شهدا دن او زمان قان آلاجاق
آل طاها اورگین شاد یله خرم اده جک
شیطانون قامتنی مثل کمان خم اده جک
بحر ایماندا اوگون ظلم و ستم غرق اولاجاق
دین تکمیل خدا دنیا اوچون خلق اولاجاق
جانشین زور ییرینه دنیا دا منطق اولاجاق
زورگویان جهان دنیادا پامالدی ارگون
شیعیان اماما ایده و آمالدی اوگون
آرزو من ادیرم تا گله دنیایه امام
یتشم خدمتینه عرض ایلیم منده سلام
فیض عظمادن اوگون بیر بالاجا فیض آلام
آرزون گلسه اله اعلمی دنیاده اگر
شوق دیدار اوگون گوزلرینن اشک توکر
