گلدی ماه شهدا ماه محرم یتیشوب
قورولوب بزم عزا موسم ماتم یتیشوب
ادیلر جور و جفا قوم ستم پیشه بو آی
توکدولر آل علی قانینی چوخ فرشه بو آی
چکدیلر عالم بالا ده قرا عرشه بو آی
غم فزا اولدی جهان شیعه لرغم یتیشوب
اصغرون قانی گدیب عرش معلایه بو آی
نور مصباح خدا گلدی تجلایه بو آی
او نجاتون گمیسین سالدیلار دریایه بو آی
کربلانون چولونه منجی عالم یتیشوب
وردولار تیر جفا اصغر شیرخوار بو آی
اکبرین پیکرینی ادیلر صد پاره بو آی
وردولار شیعه لرین قبلینه چوخ یاره بو آی
شیعه نین اشکی آخوب زخمینه مرهم یتیشوب
شهدا وردی جانون زنده قالا دین خدا
قان ایچوب سو یرینه گلشن دین تابدی صفا
گل لری آچدی انون عشقله ایثار و وفا
چون اونون ریشه سینه چشمه زمزم یتیشوب
ظلم لن اولدی خزان سولدی بو آی گلشن دین
اولدی رسوای جهان دنیا دا چوخ دشمن دین
توکولن قانلار اولوب شمس هدا روشن دین
شهدا دن بیز اوچون دین مسلم یتیشوب
کربلا ده قان آخوب دین خدا زنده اولوب
شهدا آخرت و دنیا دا ارزنده اولوب
شهدا قانه باتوب پیکری زیبنده اولوب
پیکر دینه بو آی روح معظم یتیشوب
شهدا سروردی قولسوز علمدار حسین
حامی دین خدا یار وفادار حسین
چاغورار داده اونی جمله عزادار حسین
شیعه نون دادنه هر یرده او ضیغم یتیشوب
وردی قرآنه فدا جانینی چون شاه حجار
تا که پاینده قالا دنیا دا دینله نماز
دینه پا بند اولوب ایلمساق فکر بیر آز
اوندا گوروخ که بیزه اوتلی جهنم یتیشوب
ربنن مظلوم حسین بیر یکه سودایه گلوب
عاشق دین خدا قانلی مصلایه گلوب
اجرا پیمانون اده قانیله امضای گلوب
وعده گاهه بو آیی با دل محکم یتیشوب
وردی امت دن اتور جانیله انصارین حسین
خالقه وردی فدا اکبر دلدارین حسین
یولادی شامه اسیر زینب غم خوارین حسین
دفنن حاضر اولوب مرسل خاتم یتیشوب
بو حسین کیم دی خدا عالمی حیران ایلیوب
رستگار امت اولا اصغری قربان ایلیوب
هر زادون بهر قرآن تقدیم جانان ایلیوب
مقصوده چاتماق اوچون شاه مصمم یتیشوب
ادیلر قتلگهین قانیله دریا شهیده
يتیشوب قتلگه آغلادی زهرا شهیده
انبیالر هاموسی اولدی معزا شهیده
یاس توتا او شهید نوحیله آدم یتتشوب
عزم ادیب سو گتیره اصغر نوزداه علی
دورسین دشمن آلوب گلدی او دم داده علی
چاغروب شیر خدا اوغلونی امداده علی
گلدی امداده او شیر صاحب پرچم یتیشوب
شیر کیمن حمله ادیب لشکری مرعوب ایلدی
اکبره وردی نجات دشمنی سرکوب ایلدی
قلب دشمن ده گدیب پرچمی منصوب ایلدی
اکبره وردی نجات فاتح القم یتیشوب
دنیادا جنگ و جدال دائماً هر دوران اولوب
چوخلی انسانلار اولوب چوخلی شهر ویران اولوب
گوئیا جنگ حسینیله یزید الان اولوب
یزیدی رسوا ادن ماه مکرم یتیشوب
عصر عاشورا ده عدو ظلملرین ایتدی مزید
اوت وروب یاندی خیام لشکر بی عار و پلید
سالدیلار آت دوشونه اطفالی او قوم یزید
ظلم اوخی آل على قلبینه هر دم یتیشوب
وردی بیر جان حسین جانلاری آزاد ایلدی
ظلم اوین یخدی حسین عدل اوین آباد ایلدی
نصف بیر گون ده یزید کاخینی برباد ایلدی
مکتبی نظم سالان مرد منظم یتیشوب
گوردی چون شاه شهید حق نوری خاموش اولاجاق
قرآنون آیه لری جمله فراموش اولاجاق
نام اسلام گدیری کفره او سرپوش اولاجاق
زنده اسلامی ادن نهضت اعظم یتیشوب
ادیلر آل علی عترتینه ظلم کثیر
بولمرم قالدی نه حاله او زمان طفل صغیر
الدی گوشواره سینی زوریله او مرد شریر
باخدی زینب بالویا قامتینه خم یتیشوب
کربلا عاشقیم ایله نظر سرور دین
قلبیده مسکن ادیب عشقین ایا شاه مبین
ایسته زوارون اولاق قبریوه با قلب یقین
اعلمی آل براتون ماه محرم یتیشوب
حیله ایلوبدی عدو شیر غضبناکه بو آی
سالدیلار قولارونی روی زمین خاکه بو آی
آه و افغان حرم چوخ یتوب افلاکه بو آی
قمرون نورنا مانع اولا چوخ چم یتیشوب
قرآنی تشریح ادیب ;کرب و بلاده چو شهید
تا که پاینده قالا دنیادا قرآن مجید
تا که پیرولاری عقباده اولا بس که سعید
شیعه نین اشکی آخوب چشمینه چوخ نم یتیشوب
