یاشاسون چوخ یاشاسون ملت ایران یاشاسون
یاشاسون روح خدا رهبر دوران یاشاسون
وقتی که ملت ایران هاموسی ائدی قیام
گلدی قویدی قدمین کشور ایرانه امام
اولدی مستضعفه رهبر او فقیه عالی مقام
یاشاسون رهبریلن عاشق سبحان یاشاسون
یخدلار قامت ظلمی یئره چون اهل خدا
بوغدولار حضرت موسی کیمی فرعونی سودا
عرشه قوزاندی زمینن گویه هر آن بو صدا
یاشاسون دین خدا ، مرد مسلمان یاشاسون
محو و نابود اولوب ظالم و طاغوت زمان
قاچدلار خارجیه قلدر و روبه صفتان
سئچدی خائین لری، مؤمن لری تاریخ زمان
محو بی دین اولاجاق صاحب ایمان یاشاسون
سوئلیری حضرت سلمان اؤزی بو دوز خبری
حافظ دین اولاجاق امت اثنی عشری
چکجک راه سعادت یولونا بو بشری
پیرو خط علی ملت سلمان یاشاسون
توطئه چیده ائدیر او یکه شیطان جهان
مردمی اغفال ائده گونده دئیر چوخلی یالان
بلکه سرکوب اولا عالمده بوگون اهل قرآن
کشته شیطان اولاجاق قاتل شیطان یاشاسون
گه طبس ده گتیری نیرو پیاده ائلیری
گه برای کودتا اللرین آماده ائلیری
گه نفوذ دولته گه رکن و نهاده ائلیری
لیک خنثی ائده جک ملت قرآن یاشاسون
گه هوادار منافق اولوری داخله ده
گه کمک ائیلیری اؤز اللرینه خاریجه ده
حبس اولا نور خدا منطقیده زاویه ده
یاشاشون نور خدا منطق و برهان یاشاسون
صداما وعده قدرت وئریری هر شب و روز
حمله ائد، ائله گلن خاک خوزستانه نفوذ
گول شیطانی یئیب حمله ادیب مثل دؤوز
مدفن اولدی اولارا خاک خوزستان یاشاسون
فکر ائدیب دشت خوزستان تئز و راحت آلونار
آیرلار خاک وطنن ، عراقا تئز قاتلار
بولمویوب بیشه ایراندا دلیران تاپیلار
یاشاسون خاک وطن، عاشق جانان یاشاسون
دول مرتجع ائیلیر کمک دائم اونا
اسلحه ورماقیلان تانک لا توپ، موشک اونا
صدامی حمله رزمنده لریم گدی جانا
جبهه ده پیر و جوان لشکر یزدان یاشاسون
لیک ایرانه کمک خالق سبحان ائلیری
لشکر دینه کمک مردم ایران ائلیری
فتح بستاندا کمک بادیله باران ائلیری
بیر بیوک فتح اولوب جبهه بستان یاشاسون
حمله ائدیب گتدی پاسدار و سرباز یولونی
انتخاب ائدیلر دین عاشق و جانباز یولونی
دشمنی سندیروب آزاد ائدیب اهواز یولونی
سندی حصر آبادان تیپ خراسان یاشاسون
دشمنی تعقیب ائدیب کارونی تسخیر ائلدی
مین نفردن یوخاری دشمنی دستگیر ائلدی
اولدروب چوخلی عدو صدامی دلگیر ائلدی
یاشاسون خردا بیوک دسته چمران یاشاسون
حزب بعثه نقدر اسلحه کفار وئره
نقدر لشکر و پول صداما اشرار وئره
نقدر خاریله خاشاک گله آزار وئره
گل شکوفا اولاجاق ، صحن گلستان یاشاسون
ایسیری اهل شقاوت کسه قرآن آغاجین
ایستری خشک ائلیه دینن ایمان آغاجین
یاندرا باغدا بوگون عهدیله پیمان آغاجین
لیک حافظدی خدا باغیله باغبان یاشاسون
هرقدر تخریب ائده اهل دینین خانه سینی
ائده نابود مریضی همده مریض خانه سینی
قویا آغلار آناسن اولدره دردانه سینی
آه سرد آنالار، پیروز اولان قان یاشاسون
هرقدر جبهه ده بی تقصیر اسیر اولدوره بو
نقدر آرواد اوشاق عابد پیر اولدوره بو
نقدر مدرسه ده طفل صغیر اولدوره بو
سرنگون ائیلیه جک طفل دبستان یاشاسون
گله جکده اونا نفرین ائلیر اهل خدا
وره جک حشرده الله اونا دا چوخلی جزاء
ائده جک دعوت اونی دوزخه چون شمر دغا
یاندیرار اودا اونی آتش یزدان یاشاسون
جنگ حق عبرت اولار عالمه اچون صدامیلان
آشنا دنیا اولار دین مبین اسلامیلان
اعلمی استه خدادن سحر و آخشامیلان
انقلاب صادر اولا مکتب قرآن یاشاسون
