آشکار اولوب جهانه قدرت نماز جمعه
وحشت سالوب جهانی وحدت نمازجمعه
شرق و غرب حساب گدیلر بو نماز جمعه اوسته
دشمنه شکست وریبدی کثرت نماز جمعه
هر قدر فساد و فتنه چیده ایلیه منافق
ایلیری جهانه افشا صحبت نماز جمعه
داخل اول صف نمازه دشمنین بلین خم ایله
دشمنین گوزون کور ایلیر شرکت نماز جمعه
شهیدون قانی توکولدی محرابی خون آلود ادی
توکولن قان اولدی یارب زینت نماز جمعه
گر سنه هدف خدا دی شرکت ایله سن نمازه
آیری سالماسون خدا دن زحمت نماز جمعه
صف لری فشرده ایله مثل جبهه مقدم
پیروز ایله سین عدویه نهضت نماز جمعه
سن منافق و لعین سن باطنین خبیث گر اولسا
حالوه اصابت ایلر لعنت نماز جمعه
اعتراض خدایه یوخدی روز حشرده یقین بول
تقصیرن کفایت ایلر حجت نماز جمعه
تدریس ایلیری سعادت سنه درسینی جهاندا
دوز یولا هدایت ایلیر مکتب نماز جمعه
اطلاع ویروب قرآندا خالق جهان خلقت
افتخار بو بشردی امت نماز جمعه
قرآنا عمل گر ادسه امت قرآن یقینا
عالمی قویار چوخ حیران حکمت نماز جمعه
خردا سایماسن جهاندا نقشینی نمازون ای دوست
اسلاما نقدر وار گر خدمت نماز جمعه
دست به دامن خدا اول اعلمی بونی یقین بول
عالمه صفا باغشلار رحمت نماز جمعه
