مکّه ده آل سعود ادی جفا صاحب زمان
ایلدی چوخلی جنایت اشقیا صاحب زمان
توکدولر توپراقلار اوسته بی گناه انسانلاری
بارگاه امنده جاری اولوب پاک قانلاری
زنده ادی تاریخی عبدالوهاب اوغلانلاری
قانیلن رنگین اولوب بیت خدا صاحب زمان
چون اولوبدی روبرو جانباز و عورت، پیرلن
چوخلی زواری چکیب خاک و خونا تزویرلن
قان مقابل رزم میداندا اولوب شمشیرلن
قان اولوب پیروز اوگون چون کربلا صاحب زمان
سئولویوب تکبیر، برائت ایلسون کفاردن
چون اوجالدی گویلر تکبیر سسی زواردن
وحشیانه تیرلن گول دردیلر گلزاردن
صحنه کرب و بلا اولدی نما صاحب زمان
چوخ شهید اولدی اوگون چوخلار اسیر خاک اولوب
آتشین گله دگوب پاک سینه لر چوخ چاک اولوب
بو مصیبت اوزوروب قلب امام غمناک اولوب
دردمندان دردینه ایله دوا صاحب زمان
هتک حرمت ایلدی اسلامه چوخ آل سعود
بو جنایتدن اولوب چوخ شادمان قوم یهود
ریشه کن ایلر یقی دشمنلری اهل سجود
قیل نظر اسلامه سن ایله عطا صاحب زمان
دعوت ادمیشدین خدا حجاجی سن اوز خانوه
یاخشی خوش گلدون دیوب آل سعود مهمانیوه
بیز قسم ویروخ سنی اوز دینوه، قرآنیوه
ور اجازه عهدینه ادسون وفا صاحب زمان
یوخ لیاقت مکّیه صاحب اولا شاه حجاز
کعبه حقده اوگون دشمن الی اولدی دراز
اتحاد و اتفاق مسلمینه وار چوخلی نیاز
دست شیطانان رها اولسون منا صاحب زمان
حاکمان مکّیه دستور ورن شیطان اولوب
حقلین دورسون مقابل عازم میدان اولوب
ظاهرا سرکوب ادیب اسلامی چوخ خندان اولوب
ظلم ادیب همچون یزید، اولسون فنا صاحب زمان
بیر جنایت سال دوخسان دوده اولدی آشکار
بو جنایتدن اولوب جمله مسلمان بی قرار
مونس اولدی حجاجا دشت منا ده آه و زار
وردی حجاج تشنه جان چون کربلا صاحب زمان
یولاری بسته ادیب زوار تاپوب چوخ اضطراب
ایسیدن زوار اولوب او دشتده مثل کباب
زوارا چوخ ظلم ادیب آل سعود خانه خراب
محو اولا آل سعود ایله دعا، صاحب زمان
اسلامی بدنام ادیب آل سعود دنیاده چوخ
اهل اسلامی گتیردی ناله و فریاده چوخ
چوخ کمک ایلوب جهاندا داعش و جلاده چوخ
دنیادا داعش اولوب شمر دغا، صاحب زمان
مکّیه صاحب اولوب چوخ دعوی اسلام ایلیر
شیعه نی کافر بولوب چوخ قتلین اقدام ایلیر
لیک شیعه قدرتون عالملره اعلام ایلیر
امداد ایله شیعه، اول رهنما، صاحب زمان
اسلامی سرکوب ادیر اسلام آدیله چون وهاب
شیعه نی اولدورماقا سؤیلردلر وار چوخ ثواب
شیعه نین قانون توکه، ایلر جهاندا چوخ شتاب
گل آقا ایله بیزی غمنن رها صاحب زمان
بیز قیام دین ادیب آماده اولسون گلماقون
انتظار شیعه چکر، اللهدان سنین اذن آلماقون
نور اسلاملا جهانی نورباران ادماقون
گل جنایت آخره چاتسون، آقا صاحب زمان
مکّه شهرین ای خدا سن ادمسن امن و امان
مکّده آسوده دی انسان اوچون روح و روان
مکده الموب بله بیر حادثه هیچ بیر زمان
ایلیوب ال سعود چوخ پیس بلا صاحب زمان
یولّاری اولسایدی باز حجاج عذاب گورمزدیلر
سو وریلسیدی اگر زوار یقین اولمزدیلر
دشمنان دین اخوب اسلامه چوخ گولمزدیلر
اولدی اسلامه خیانت برملا صاحب زمان
بو جنایت سوزلرین من سئولرم تا وار سسیم
تا یتیرسین عالمه بو مطلبی باد نسیم
ثبت اولوب آل سعود تاریخنه ننگ عظیم
تا اولا دنیا بو ظلمه آشنا صاحب زمان
ادمیوب حجّاجه امداد مکّده آی سعود
چوخ فشار زواره وردی مکّده قوم عنود
بو حقیقت مطلبه دنیاده وار چوخلی شهود
لیک یوخ وجوان، شرافت هم حیا صاحب زمان
آلموشام بو مطلبی دنیاده من اخباردن
بو جنایتده اولوب مجروح اوگون زواردن
بو جنایت مثلنی گورموب حاجی کفاردن
ایسترم مجروحلارا چوخلی شفا صاحب زمان
سال آتموش التی دا ایرانلی گدی مکّیه
عمل حجی ادا ادسون یتیشدی مکّیه
دنیادان بهر طواف حجاج گلدی مکّیه
مکّده محرم اولوب تاپدی صفا صاحب زمان
بو جنایت مثلنی تاریخ جهاندا یازمویوب
قتل عام اولسون حاجی هیچ بیر زماندا یازمویوب
راویان و ناقلان مقتل یازاندا یازمویوب
نظمه چکدی اعلمی ادسون ندا صاحب زمان
