باشلاندی بو نهضت ایله کی بهمن آیندا
جوشه گتوروب خون رگی بهمن آیندا
دنیانی سالوب زلزلیه ملت ایران
تا اینکه پیلده اولونا مکتب قرآن
بو نهضت اسلامی قویوب هامّونی حیران
مبهوت قویوبدی فلکی بهمن آیندا
چون متحد و لا هم اولوب تابدیلا وحدت
طاغوت زمان محوینه چون ادیلر همت
تا اینکه گلوب بو وطنه رهبر امت
نورانی ادیب اون ایکی بهمن آیندا
بو انقلابون رشدنه چوخلار نگراندی
چون صادر اولا سطه گر چوخلی زیاندی
ایثار بو ملت هامی یا ورد زباندی
تحسینه گتوردی ملکی بهمن آیندا
چوخ حیله و نیرنگ ایلدی دولت ظالم
بو ملت مظلومه اولا جبرله حاکم
دستور وریب حکم نظامی اولا دائم
افشا اولونوب چون کلکی بهمن آیندا
دستور وریب ملته چون رهبر ایران
ملت اشییه گلدی ولوب کوچه، خیابان
بو نحویله خنثی اولونوب حیله شیطان
شاپوردا قاچوب بیست و یک بهمن آیندا
چوخ سعی اولونوب بلکه قالا دولت غاصب
اغفال بو ملت وریلوب وعده کاذب
با رهبر و ملت چکلوب نقشه جالب
رسوا الیبلر او سگی بهمن آیندا
چوخ قان توکولوب مردم اولوب بلکه قالا شاه
بو مطلبه مردم هامولار اولدولار آگاه
آماده جنگ اولدولا چون کفریله آنگاه
عزل ایلدیلر او دبکی بهمن آیندا
تعیین ایلیوب دولتی چون رهبر امت
تأیید ایلیوب دولتینی یکسره ملت
او بختیارین دولتینه قالدی چو ذلت
چون باخدی امام بیر چپکی بهمن آیندا
با دست خدا ظلم اوی چون ویران اولوندی
جمهوری اوگون عالمه چون اعلان اولوندی
اجرا اولونان اولکمیزه قرآن اولوندی
چوخ شاددی ملت اورگی بهمن آیندا
چوخ سعی و تلاش ایلدیلر اولدولار آزاد
بو دولت اسلامه خدا ایلدی امداد
تا دشمنی سرکوب ایلیوب اولدولا دلشاد
چون آخره چاتدی خفگی بهمن آیندا
بو انقلابون چوخ اثری واردی جهاندا
اسراری اونون وار هله آشکار و نهاندا
آثار بو نهضت بولونر آیری زماندا
چون اولدی اونون یاشی ایکی بهمن آیندا
بو نهضتوی خارجه ده درک ایلین وار
بول رهبریون امرینه لبیک دین وار
انوار دینی داخله ده لنگ ایلین وار
چون روشن اولوب مردمه کی بهمن آیندا
بو انقلابی تهدید ادیب چوخلی خطرلر
اشعار قویوب انقلابا چوخلی اثرلر
بو انقلابا شعر دیوب چوخلی بشرلر
اشعار ایلیوب چوخ کمکی بهمن آیندا
شاهین رژیمی نقش بر آب اولدی گدیبدی
نام و نشانی مزبله ده بس که ایتیبدی
اسلام رویشی اولکمیزده چون که یتیبدی
نهضت گتوروب بیرلیکی بهمن آیندا
آیین بیزه چون مکتب قرآن و دین اولدی
بو نهضتیله خوار و ذلیل مشرکین اولدی
بو انقلابون میوه لری چوخ شیرین اولدی
شیرین کام ادیب بال پتکی بهمن آیندا
عنقا قوشی پروازه گلوب بال و پر آچدی
صبرین کاساسی لبریز اولوبدی گینه داشدی
قالموبدی گینه تاب و توان شاه گینه قاشدی
سالدی ایشیگه او کوپگی بهمن آیندا
بو ملتی ادموشدی غلام سلطه گر دون
ظلم و ستم شاه ایلدی مردمی یورقون
ایلیبدی قیام مردم اوگون با دل پرخون
نهضتله سنوب دی کورکی بهمن آیندا
بس که آپاروب نفعنی چون دشمن غدار
بو نهضتینن مردم دین اولدولار بیدار
چوخ ظلم و ستم اهل دینه ایلدی خونخوار
قطع اولدی اونون چون چورگی بهمن آیندا
بو ملتدن اوگون عده ای آج شامسوز یاتاردی
بیر عده ی کم، کج یولونان ثروت تاپاردی
بیت المال غارت ایلیوب شاهدا آپاردی
چون هار آپاروب چوخ سوموکی بهمن آیندا
بند ستمی پاره ادیب مزبله آتدوخ
چوخ سعی ایلیوب مفقود اولان حقه نی تابدوخ
ب نهضتیله شکر خدا مقصده چاتوخ
اما که یدوخ چوخ کوتگی بهمن آیندا
بیداد گدوب عدل الکی مستقر اولدی
بو نهضتیله اهل وطن مفتخر اولدی
اشعارین اگر بس که سنین مختصر اولدی
ای اعلمی سالدون نمکی بهمن آیندا
