چون گلدی ایش اوسته الکی شریف امامی
معلومی دی اوّلدن اونون کثیف مرامی
با حیله و مکریله اولوب وارد میدان
با اسلحه و فریب و تزویر فراوان
وقتی ک قیام ایلدی چون مردم ایران
او شاه خبیث وردی اونا بیوک مقامی
تدبیر و تفکر ایلدی هر شب و هر روز
بولدی اولاجاق ملت اوگون دولته پیروز
بو ملت مظلومه ادیب حمله جانسوز
دستور ویرب اجرا اولا حکم نظامی
چون ملت ایران هاموسی دوردی قیامه
تشخیص وریب دولت شاه یئدی تمامه
او تاج زرافشان ییرینه گلدی عمامه
چوخ نقشه چکیب حفظ ایلیه بلکه نظامی
اون یدی شهریور آیی گلدی آرایه
اولکده وحدت سسی قوزاندی هوایه
توپ تانکلا دولت اوزنی سالدی بلایه
چون ایستدی سرکوب ایلیه حقلی کلامی
ملت هاموسی اشیه چیخوب اولدی مصصم
آزواد کیشی کاسب و روحانی معمم
چون کرب و بلا صحنه سی تک اولدی مجسم
دولت دوشونوب گوردی داخی یوخدی دوامی
ناچار اولوب ملتینن بلشلادی جنگین
با خون شهیدان یری چوخ ایلدی رنگین
بو ظلمله ثبت ایلدی تاریخیده ننگین
چون ملته وردی شهدا یاخشی پیامی
چوخ پیر و جوان اولدی شهید غلی او گونده
دژخیم زمان روز جمعه گولّه توکنده
تهدید ایلیوب ملتی تکبیر چکنده
چوخ چکدی شهید باشه اوگون شربت جامی
توپ تانک گلوب میدانا مردم آرالاندی
مینلرجه بشر اولدی بیر عده یارالاندی
شاه سویلدی بولار هامی سی کذب و یالاندی
بولار کمونیسم خائن بی دیندی تمامی
چوخلار قانینی مجروح اوچون ایلدی اهدا
چوخ سعی ایلیوب چوخ آدامی ادلر احیا
چوخلار بویانوب قانه دییر بیر آنا اما
من دینه فدا ایلمیشم بیرجه بالامی
بو ملت آزاد اوگونی ایلدی ایثار
مردان و زنان دکتر و نرسیله پرستار
روحانی و بازاری و هامی اولدی فداکار
احساس وظیفه ایلیوب ملت تمامی
بیر عده بهش زهرا اوچون اعزام اولوندی
تا اینه قرا جمعه گچیب آخشام اولوندی
یایلاندی بو سوز عالمه چون اعلام اولوندی
افسرده ادیب ملتی، پاریس ده امامی
چون بولدی امام دولته نفرین ایلیوبدی
پیروزلوقی دشمن لره یقین ایلیوبدی
پاریس دن اوگون تکلیفی تعیین ایلیوبدی
دستور وریب تعقیب ادین سیز بو قیامی
بو انقلابی تحریف ادیب خردا سایانلار
بو تحریف اوچون خارجه دن الهام آلانلار
ایمانیله دین یوخ وطنی خصمه ساتلانلار
نهضتده اوگون شهیدلرین چوخدی سهامی
ای دین آغاجون قانلی سیراب ایلینلر
ای اهل دینی دنیادا کامیاب ایلینلر
بو اعلمی نی، ملتی شاداب ایلینر
سیز باعث اولوب ملت اله گدی مقامی
