سیز اولون آگاه بوگون بو مطلبه ای دوستان
وردی رأی اسلامه ملت اولدولار چوخ شادمان
بیز بوگون رأی ورمشوق اجرا اولا حکم قرآن
حکم قرآنان بوگون ترسان اولوب چوخ دشمنان
توطئه، نیرنگ و حیله دائما ایجاد ادیر
تا که قدرت تابویا بو ملت مستضعفان
یاخشی احساس ایلیوب خونخوار و جباران بونی
گر اولا صادر بوگون بو نهضت ایرانیان
زیر بار سلطیه گتمز داخی سایر ملل
گر پیاده ایلیه اسلامی بو اسلامیان
گه اوزی حمله ادیر گاهی سالیر بو اختلاف
حمله ور گاهی اولور مزدور اولان صدامیان
لیک هیچ بیر ایش گورنمز هر قدر نیرنگ اده
حافظ بو انقلاب الله دی هم صاحب زمان
بیز گرگ عامل اولاخ دستور قرآنه بوگون
تا اولا ملتلره اولکی جهاندا مؤمنان
سیز به فرمان خمینی متحد باهم اولون
ایلییمز سیزلر اوندا نفوذ بو خائنان
دشمنان ایستیر سالا چون اختلاف و تفرقه
بلکه ایرانه اولا صاحب گینه بو ظالمان
قان وریب زنده ادیب اسلام نهالین مسلمین
ایستیری خشک ایلیه دینینآغاجین کافران
غیر ممکن دی قویا ملت دینه صدمه دیه
چوخ گوروب صدمه، وریب کشته دینه بو محرومان
وردی قربان دینه جانین چوخ شهیدان وطن
چوخ وریب اعضاسین الدن عضو ناقص مجروحان
ورموشوق مینلر فدا بو انقلابه بیز بوگون
قویماروق تضعیف اولا بو انقلاب ای جاهلان
خط سیرین انقلاب چوخدان تابوب سیز یاتموسوز
انقلابون مکتبین درک ایلینمز غافلان
مکتب اللهی تنها رهبر یکتا بو ملت
انقلاب ساخلیار با قلب پاک مجریان
علموه عامل اولوب تبلیغ مکتب ایله سن
زنده ساخلار مکتبی مسؤولاولان روحانیان
سودجو اولما سن الله رحم ایله بو ملته
لطمه ورما نهضته با اعتقاد بازاریان
کار و کوشش ایله سن ای کارگر ای برزگر
خودکفا ایلر بیزی صنعتگر و زحمتکشان
کودک بو انقلابه قیل نظر آموزگار
انقلابون رشدنه باعث اولان فرهنگیان
تربیت ایله بیزه دکتر مهندس مکتبی
تا اولا خدمتگزار ملت مظلومیان
عشقی وار بیر عده نین تولید دستگاه ایلسون
سعی و کوشش ایلیون تشویق اولا بو عاشقان
گوی دوشه مغز بو ملت گردشه، فعال اولا
بی نیاز اولسون بو کشور زجر چکسون مشرکان
فکرینی سالسون ایشه تا بهره توتسون مؤمنان
بهره ور اولسون بو ملت مفتخر صاحب دلان
درس اوخی ای دانش آموز ملته اد خدمتین
فکر ور درسه، آلار فکرین سنین لامذهبان
عده ای وار مردمه تبلیغ منفی ایلیری
اضطراب و وحشته دعوت ادیر چون بزدلان
اتحاد و اتفاقه ملتی تشویق ایله ای اعلمی
ور امید آیندیه خوشبخت اولار یزدانیان
