چوخ لعنت و نفرین گله صدام یزیده
مزدور اولوب کارتر جانی پلیده
اسلام آدیله اسلامی سرکوب ایلیر بو
ظلم و ستمینده گینه برتردی یزیده
بو حیله و نیرنگیله ایستیر گینه دشمن
اوز نفعی اوچون ال ورا نیرنگ جدیده
هر نقشه و نیرنگ ادیری اولموری مطلوب
چون سرباز خدا ال آپارر حمله شدیده
رسوا اولوری هم اولاجاق کل جهاندا
چون تولوری هم تولانیری وعده وعیده
گل بیر نظر ادت اهل شقاوت بو زماندا
ای کوردلان قیل نظر آثار شهیده
آخدوخجا قانی هر شهیدون روی زمین ده
آمریکانی سرکوب ایلیوبدی بو پدیده
اسلامی ییخاماز نقدر کفر اولور اولسون
هیچ لطمه ورانماز داها قرآن مجیده
اجرا اولاجاق حکم خدا روی زمینده
با قلب یقین روشن ایله دل بو امیده
دنیا ولاجاق عدل خدائیله یقینا
اخبار و احادیث واریمز چوخ بو نویده
بو نهضتی سن خردا سایوب اولما مخالف
ظلام جهانی چکری راه سعیده
دنیانی سالوب حیرنه بو انقلابون بول
وار بو قیامون چوخ اثری توتما ندیده
اول اثرون درک ایله ای فاسق فاجر
بدکاره مزین اولوب اخلاق حمیده
مدفون اولاجاق اهل جفا زیر زمینده
حکم ایلیه جک عالمه اسلام سزیده
دنیا چوورب اوزگلری اسلامه بوگونده
با روح خدا تاپدلار تغییر عقیده
دنیانی ساتوب آلدیلار چون دار بقانی
غبطه اولاجاق روز قیامت بو خریده
ظالم همیشه عادله مغلوب اولاجاقدور
بو مرحلده باخگیلا کفار فریده
کفار جهان اولدولا صدامه طرفدار
با دست خدا چکدیله صدامه کشیده
درمانده قالوب هر طرفه ال اوزادور بو
بیچاره اولوب دنیادا چون مار گزیده
با شوق و علاقه یازیوب ماه آباندا
افکار حقیر اعلمی با لحن قصیده
