دفن ائدماقا شهیدلری عصرین امامی گل گیلن
تقدیم اداق الله بیز والا مقامی گل گیلن
ای وارث ختم رسل ای صاحب خون شهید
اجرا اولا بو دهرده الله نظامی گل گیلن
بو انقلابین گؤل لری دینن ساری پرپر اولوب
تا برقرار اولماقلیقا الله کلامی گل گیلن
ای حجت یزدانیمیز ای مجری قرآنمیز
از بهر ریشه کن آقا فاسد ظلامی گل گیلن
دینه فدا بیز ورموشوق چوخلی یارالی هم شهید
ائله خلاص بو امتی غمنن امامی گل گیلن
ای معدن عدل خدا ای صاحب صلح و صفا
محو اولماقا صدام، بگین ، طاغوت مرامی گل گیلن
ای صاحب عصر و زمان وار منتظر چوخ دوستا
گورسون جمال مهدی نی ورسین سلام گل گیلن
ایسته خدادن سن اوزون بو انقلاب برپا قالا
حفظ ایلسون الله اوزی تا بو قیامی گل گیلن
ايله طلب الله دن ایستر ظهورون شیعیان
عرض خدایه قیل بیان سن بو پیامی گل گیلن
ای حامی مستضعفان ای قاتل مستکبران
بو غیبته بو امتون یوخدی دوامی گل گیلن
طاغوتیان ائیلیر جفا بو امت توحیده چوخ
سرکش لره وورماقلقا بند و لجامی گل گیلن
دین محمد چولقاسین اقصی نقاط عالمی
یایلانماقا عالملره اسلام نامی گل گیلن
دشمنلری خوار ادماقا حقی نمایان ادماقا
تا سربلند اولماقلقا آیات عظامی گل گیلن
ایستر خدادن اعلمی درک ائلسون گؤل محضرین
قیل بیر نظر دلشاد ائله چاکر غلامی گل گيلن
