ظلمیلن توکولوب چوخلی شهید قانی بوگون
داغدار ائیله دیلر ملت ایرانی بوگون
توکولن قانلار اولوب نهضت اسلامه سبب
قویدی حیرتده بو نهضت هامی دنیانی بوگون
پوزولان دین آغاجین قانیله سیراب ائله دی
قطره قطره توکولن چوخلی شهید قانی بوگون
دستگیر ائله دیلر نهضته رهبر اولانی
تا که سرکوب ائدلر نهضت قرآنی بوگون
جانیان ایستدیلر ملتی باشیز قویالار
تا که تبعید ائدلر وارث زهرانی بوگون
چوخ چکوب نقشه و حیله، ائدلر نابود اونی
اولمیوب، حافظ اونا قدرت یزدانی بوگون
عیش و نوش ائیله دیلر دار فناده نچه گون
آتش و خونه چکوب گلشن ایمانی بوگون
توکدولر برگ خزان تک یئره چوخ لاله لری
لاله گون ائیله دیلر چوخلی مسلمانی بوگون
توکدولر چوخلی جوان قانی یئره حرمله۸ تک
لاله تک قرمز ائدیب سطح خیابانی بوگون
خون حق جوش ائلییب ظالمی سرکوب ائله دی
درکه داخل ائدیب زورگو سلطانی بوگون
شکر ائله اللها سن اعلمی هر دور و زمان
حفظ ائده الله اوزی نهضت ایرانی بوگون
