لبیک دیین عشقله جانانه بسیجی
تقدیم ائلیین جانینی قرآنه بسیجی
ای قافله ظلمی ووران دنیادا لنگه
تن ورمیین عالمده بوگون ذلت و ننگه
دین اوسته گئدیب عازم اولان جبهه جنگه
من قربان اولوم سیزدکی ایمانه بسیجی
همت کمرین باغلامیسان حق یولون اوسته
حق اوسته گئدن اولمویاجاق دنیادا خسته
دنیاده اوزون ائیلمیسن قلبیوی شسته
شربتدی شهادت سنه مستانه بسیجی
ای نعره تکبیری اولان دشمنه وحشت
سنگرده ائدن خالقینن هر گئجه خلوت
ای حمله سی میداندا اولان دشمنه ذلت
چون شیرخدا رزمیده مردانه بسیجی
سیز بیعت ادیب رهبره چون بوذر و سلمان
لبیک ده دیز رهبر هر وقتیله هر آن
بیر الده سلاح دست دیگر آیه قرآن
ای حمله ائدن دشمن یزدانه بسیجی
ای پایه ایمانی اولان عالمه روشن
ای پنجه شیرینده اسیر لشکر دشمن
ایثار ائلییب ایلموسوز ایرانی گلشن
سرمشق دی عالمده مسلمانه بسیجی
ای حقی آلیب باطلی دنیاده ساتانلار
حق اوسته گدیب هر زادینی گوزدن آتانلار
پاک قانلارینی خاکله سنگرده قاتلانلار
سیز فخر و امید اولموسوز ایرانه بسیجی
دنیانی سالان وحشته ای قانلی قیامی
بیدار ائلین مردمی ای اودلی پیامی
آزاد ائلین انسانی ای عالی مرامی
روشن ائلییب عالمی فرزانه بسیجی
ای پیرو خط شهدا عاشق الله
سیز مطلبی درک ایلموسوز با دل آگاه
سیراب ائله دوز دین آغاجون قانیله آنگاه
قیمت وره جاق صاحب قان، قانه بسیجی
هرکس ده اولا جنگده گر سیزده کی ایمان
تاب ائلیه بولمز، قاچاجاق لشکر عدوان
سرگیجه دوشوبدی دوشه جک او یکه شیطان
پیروز دی یقین لشکر شیطانه بسیجی
ای خصمه ووران ضربه کاری گئجه گوندوز
ای انقلاب و مکتبینه حامی و دلسوز
ای قدرت دینیله اولان دشمنه پیروز
پاشیده ائدن سو، دل سوزانه بسیجی
دین اوسته اولان پیکری صدپاره بسیجی
ای قانی آخان گلشن و گلزاره بسیجی
ای روحی گدن مهمان اولا یاره بسیجی
خادمدی ملائک بله مهمانه بسیجی
ای بوسه ائدن قولارینی نهضته رهبر
بو بسه سینه رهبر اوزی افتخار ائیلر
قدرتلی ائده قولاریزی خالق داور
سیز متکی سیز خالق رحمانه بسیجی
سیز سیز یارادان جبهه ده عاشور و قیامت
سیز معدن ایثار و وفا کان شجاعت
آسان دی سیزه بهر خدا قانلی شهادت
ارزش وریسیز راه شهیدانه بسیجی
ای عرضه ائدن مکتبیوی سطح جهانه
ای عامل اولان دنیادا احکام قرآنه
دین درسی وریرسیز عملا پیر و جوانه
ای زاهد شب، رزمده شیرانه بسیجی
حیرتده قویوب عالمی ایثار بسیجی
ارشاد ائلیری مردمی گفتار بسیجی
دائم قالاجاق دنیادا آثار بسیجی
وار مزد و ثواب خدمت شایانه بسیجی
پابند اولان اسلاما ای معتقد انسان
ای روح خدا لشکرینه ماه درخشان
جانباز وطن، حامی دین مکتب قرآن
ای شمع دین و نهضته پروانه بسیجی
ای عامل اولان علمینه فهمیده بسیجی
ای ضربه ووران دشمنه ورزیده بسیجی
ای نامی حسین شهرتی فهمیده بسیجی
سن رهبریدین رهبر دورانه بسیجی
ای نهضتی قبول ائلین با دل باور
ای دینه اولان دنیادا چوخ حامی و یاور
ای انقلابا بیرجه اولان خورشید خاور
نوروز یتیشیب دنیادا هریانه بسیجی
صدپاره اولوب گؤل بدنیز بس که مین اوسته
گئدوز بو یولی با دل آگاه یقین اوسته
قربان ائله دوز جانلاریزی راه دین اوسته
جانلار اولا قربان بئله قربانه بسیجی
یاوردی سیزه چون همیشه حضرت قائم
پیروز ائده جک خالق سبحان سیزی دائم
آخر اولاجاق قوم ضعیف عالمه حاکم
رونق وئره جک مکتب قرآنه بسیجی
اؤلگی گرگ اولسون بیزه رفتار بسیجی
یول تعیین ائدر بیزلر افکار بسیجی
ای اعلمی یاز ثبت اولا اشعار بسیجی
تا زینت اولا دفتر ودیوانه بسیجی
