انقلاب پیروز اولوب عالمه یایلاندی سوزی
نور سلام بورویوب داغ، دره ، دشتیله دوزی
انقلاب صاحبدی حفظ ائلیر الله اوزی
نقدر حیله و نیرنگ ائلیه دشمن دین
پایمال اولمویاجاق دنیادا بو اهل یقین
انقلاب پیروز اولوب دشمن اونا چوخ واردی
خصم اونا نقشه چکیب لیک امام هوشیاردی
انقلاب محکمدی الله اونا چون یاردی
دشمن دین و وطن ادیلر نیرنگ بیزه
ایرانا حمله ادیب تحمیل اولوب جنگ بیزه
بو سوزی من دییرم ائیله گلن سنده قبول
اتکا آلله اد اولما گلان چوخدا عجول
پشتیبانون دی سنین آلله اوزی اولما ملول
قالمیوب قالمویاجاق دنیادا بول اهل ستم
بونی تحریره چکر تاریخینه اهل قلم
الىّ دوقوز یتیشوب نیمه سال اولدی تمام
شیطانا صدام اوگون حلقه بگوش اولدی غلام
ایرانا حمله ادیب امر ایلیوب اوندا امام
نیرو اعزام اولا تا عرصه میدانه اوگون
دگمیه لطمه دینه مکتب قرآنه اوگون
مردمه اذن دفاع وردی اوگون رهبریمیز
ملت اذعان ایلیوب دینه فدا پیکریمیز
جبهه اعزام اولوب حافظ دین لشکریمیز
هامی آماده اولوب خرد، بیوک پیر و جوان
قدرت دینی بوله تا که بوگون اهل جهان
غفلتاً حمله اديب داخل اولوبدی وطنه
ورمیوب فرصت امان ملتیمز اهریمنه
متکی لشکریمز حجت الابن الحسنة
بولمدی جنگل آرا بیشه ده شیران واریمش
اسلاما قربان اولان ملت ایران واریمش
دشمنین نیرولاری گلدی یتیشدی شهره
چوخلی انسانون اوگون جانی دوشوبدی خطره
جانثار امت ادیب زحمتی گدی هدره
پایمال ایلدی چوخ نیرولاری بخت نگون
آخر الامر اولوب دنیادا چوخ خوار و زبون
رزم گر شهرلری ویران ادیب خاک ایلدی
چوخ شهید بیزدن آلوب ملتی غمناک ایلدی
استقامت یارادوب مردمی بی باک ایلدی
دنیا گر شمشیر اولا ايمانا یوخدی کسری
وسوسه شیطان ائده ملت یوخدی اثری
سگیز ئیل ادی دفاع حق یولونا ملتیمیز
آشکار اولدی جهان ایچره بیزیم قدرتمیز
دشمنه وردی شکست رزمده چوخ وحدتمیز
قان وراق حق یولونا موجب لذت دی بیزه
کفری نابود ایلماق اسلاما عزت دی بیزه
جبهه اعزام اولوب ارتش و پاسدار و بسیج
دشمنی ائدی زبون جبهه ده پیکار بسیج
عالمه معلوم اولوب رزمده ایثار بسیج
دنیا حیرتده قالوب قدرت ایمانه بوگون
آفرین سوئله دلر رهبر دورانه بوگون
نیرولار با هم اولوب حمله ادیب ارتش دین
جان نثار پاسداریمیز پیرو دین اهل یقین
لرزیه اوندا دوشوب صدام و ریگان و بگین
حمله عدوانه ادیب خاک وطنن چیخادوب
حیله گر تولکری دشت و دمنن چیخادوب
سیز خیال ایلمویون قدرت ایمان آز اولار
او قدر قدرتی وار گوردوقی ایش اعجاز اولار
ایمانون قدرتدی طفل طفل صغیر سرباز اولار
تانگین آلتیندا یاتار جانینی قربان ائیلیر
منفجر تانگی ائدیب عالمی حیران ائیلیر
هانچی پروانه دی بو عازم پرواز اواوب
هانچی رهبردی خدا رهبر اونا سرباز اولوب
هانکی عاشقدی دینه عشقده جانبار اولوب
کمیدی بو طفل صغیر رزمده ورزیده دی بو
گوئیا نام حسین شهرتی فهمیده دی بو
سویلویوب صدام اوگون ایرانی تسخیر ادرم
راس کارینده اولان رهبری دستگیر ادرم
اهل اسلامه اوگون ظلممی تکثیر ادرم
چاتمویوب مقصده او نقشه لری باطل اواوب
جنگدن لعنت و نفرین اونا چوخ حاصل اولوب
انقلاب مردمی چوخ دنیادا بیدار ایلدی
دست نشانده دوله ملتی بیزار ایلدی
معترض ملت اولوب دولتی خونخوار ایلدی
جهانه معلوم اولوب قدرت ملت نه ایمش
عالم روشن اولوب مقصد نهضت نه ایمش
اسلامی زنده ادن کرب و بلات شاه حسین
الگو عالمده اولوب شیعه لره راه حسین
شیعه نی پیروز ائدیب دنیادا الله حسین
درس ایثار و وفا وردی بیزه شاه شهید
راه حق راه حسین اولدی بیزه راه سعید
مرحبا سیزلره ای ملت هوشیار و شجاع
وطن و ناموس و دینن ائلدوز یاخشی دفاع
دشمنه وردی عجب سیلی محکم بو نزاع
دشمنی سرکوب ائدیب روشن اولوب حق جهانا
مطلبی درک ائلیه دشمن دین بلکه قانا
شیعیه اولدی امید دنیادا درگاه شهید
عالمی چولقالویوب غیرتلن جاه شهید
ظالمی ادی ذلیل دنیادا چوخ آه شهید
جنگده پیروز اولان صاحب ایمان اولاجاق
اونا امداد ائلین خالق سبحان اولاجاق
جنگ پایانه یتوب دین و وطن اولدی رها
سر بلند دو جهان پیرو دین اهل وفا
ایکی دنیاده اوزی قاره اولان قوم دغا
نه قدر داش سالالار اعلمی حقون یولونا
نور دین سونمیاجاق تا که قیامت اولونا
