تعیین ائلیوب قدس گونون رهبر اسلام
فتح ائلیه جاق قدسی یقین لشکر اسلام
دستور وئریب جمعه آخر رمضانی
تکبیر سسی دولدورا عالمده فضانی
تسخیر ائلیاق قدسی، دییاق اوردا اذانی
تا قدس اولا پایگه سنگر اسلام
اجرا ائلیاق قدسده احکام قرآنی
تا پیکر کفری ائلیاق دینله فانی
بیز پیکر اسلامه وراق روحله جانی
قدین ائلیه راست بوگون پیکر اسلام
چون سلطه سالر عالمه چوخ لشکر کافر
حقین قاباقون سد ائلیوب زوریله هم زر
تاریک ائلیوب ظلم و ستم عالمی یکسر
روشن ائوه جک تیره شبی اختر اسلام
وار قدرت دین مسلم و اسلام و قرآندا
سرکوب ائده جک دشمن اسلامی جهاندا
فانی اولاجاق قوم یهود چون بو زماندا
فرمایش ائدیب بو سوزی پیغمبر اسلام
دنیانی توتوب آتش خون کفر به کفار
مستضعفی سرکوب ائلیری دشمن عذار
گر لطف ائلیه اسلاما او قادر و قهار
آتش ووراجاق کفره یقین اخگر اسلام
اسلامه گرگ تقدیم ائداق چوخلی شهیدان
تا حاکم اولا عالم اوچون مکتب قرآن
آماده اولا گلماقا تا حجت یزدان
انسانلار اوچون روشن اولا اظهر اسلام
گر رخصت اولا حجت یزدان اولا ظاهر
دنیانون اوزی عدل اولاجاق طیب طاهر
عالمده تاپولماز او گونی فاسق و فاجر
فسق و فجوری پاک ائلیر اطهر اسلام
ای کرب و بلا عشقنه سنگر ده یانلار
از بهر خدا هر زاردونی گوز دن آتانلار
سنگر ده اونا تیر دییوب قانه باتانلار
گلشن ده اولان لاله کیمی پرپر اسلام
آخدوقجا قانوز اسلامی پاینده ائدورسوز
سیز جان وئریسوز لیک دینی زنده ائدورسوز
وردوقجا شهید نهضتی توفنده ائدورسوز
سیر مکتبه امداد ائلین یاور اسلام
صدامی گرگ محو ائلیاق روی زمینن
آزاد ائلیاق بیز عراقی حزب بعثینن
قدسی سورا آزاد ائلیاق دست بگینن
تا حکم ائلیه حقه بوگون داور اسلام
بیز کری و بلا عاشقی یوخ مظهر یزدان
بو دلده قالوب عشق حسین سرور خوبان
بو نسگلی قبر آپاروب چوخلی شهیدان
گلدی باشی اوسته شهیدون سرور اسلام
عشق اوسته گلوب نطق گوهر باریم آچلدی
چون عشق حسین بو دل عشاقه ساجیلدی
بو اعلمی نون دردی اوچون چاره تاپولیدی
نورانی ائده عالمی گر انور اسلام
