ای رهبر ایران زمین، ای حامی مستضعفین
ترک ائیلدون بو عالمی دولدوردی دنیانی غمین
آغلار سنه روح الامین
ای رهبر عالی مقام، بیزدن سنه اولسون سلام
بهر رضای ذوالجلال، دنیاده سن ائدون قیام
بو نهضتوں قالدی مدام
ای رهبر صوم و صلات، وئردین بیزی اؤتان نجات
امرین اطاعت ایلروق، سن با دل آسوده یات
اسلامه سن وئردین حیات
ای رهبر شیرین کلام، دور سن ایاقه وئر پیام
قانه دؤنوبدی قلبلر، بو فرقت یوخدی دوام
عطرون سنین هاردان آلام
بیز امته سن سن امام، خطون بیزه اولدی مرام
اهداف و مقصودون سنین، تعقیب ائدر امت تمام
آمالوی هر صبح و شام
خطون گئده گر مسلمین، نابود اولالار مشرکین
ظلم و ستم مظلوم لارا گؤرمز روا مستکبرین
بو مطلیه واردی یعقین
دنیانی توتدی صولتین، اولدی سرافراز ملتون
سالدی جهانه زلزله، حکم و بیان و صحبتون
الگو جهانه نهضتون
ای رهبر دین و قرآن، ای مرشد روح و روان
آزادلقن درسین آلوب، سنن بوگون کل جهان
ای نائب صاحب زمان
مظلوملارا رهبر اولان، بی کسلره یولداش اولان
ای قلب پاکی عشقلن، شوق خدائیله دولان
طاغوتلاری تختن سالان
دور بیر ایاقه رهبریم، قان یاش توکور بو گوزلریم
یاسه باتوب اسلامیان، ماتم توتوبدی ایلریم
سولدی چمنده گلریم
ای رهبر جانان من، ای حامی قرآن من
سن بت لاری سیندرمسان، بت شکن دوران من
ای منجی ایران من
دور قبردن ایله نظر، سال خاک ایرانه گذر
گودال قبرون توپراقون، پیرو لارون باشه سپر
او مرقد پاکون اوپر
ای رهبر آزادگان، ای مرجع اسلامیان
آزاد ائدن بو ملتی، قدرین بولر ایرانیان
تحسین ادللر قدسیان
ای رهبر با اکتفا، اؤلدون بیزه سن رهنما
سن سن مدرس بیزلره، وئردون بیزه درس خدا
دین مبین تابدی صفا
سن سن گوزل گلدن امام، عشقون گئتمز دلدن امام
ملت سؤیلور یانا یانا، افسوس گئدون الدن امام
آیری دوشدون ائلدن امام
من عاشقم رخساریوه، قربان اؤلوم ایثاریوه
احسن سنه، بو امته، احسن گل و گلزاریوه
بو امت بیداریوه
سن موجب وحدت امام، ائدون نه تئز رحلت امام
دشمنلری خوار ایلدون، وئردون بیزه عزت امام
سن سن بیزه حجت امام
ای رهبر روح خدا، ای عاشق دین خدا
ارشاد ائدن بیزلری، ای رهبر و میر هدا
اولون سنه ملت فدا
گؤزدن اولار اشکم روان، ماتم توتوب کل جهان
بو رحلته یوخدی دوام، عالملری گریان قویان
ای اعلمی صبر ائد، دایان
ای رهبر دینه دایاق، ملتلری ائدون اویاق
گئدون حضور یاره سن، اؤلدون خداونده قوناق
اؤلدون نه تئز بیزدن اوزاق
