گلدی آزاده قدم قویدی چو ایرانه بوگون
بلیل شیدا گلوب قوندی گلستانه بوگون
یاغدی رحمت یاغوشی دشت و دمن لاله آچوب
آلدی آغوشه گلی بلبل مستانه بوگون
گلدی آزاده، منیم قلبیمی روشن ائلدی
نورباراندی گینه خانه و کاشانه بوگون
خیر مقدم دئیروخ بیزگلن آزاده لره
مرحبا سیزلره هم سیزده کی ایمانه بوگون
گل کناریمده اؤتی بوسه ائدیم قولاریوا
خط پایان یازیلا دفتر هجرانه بوگون
عاشق دین و وطن محبس دشمنده قالان
گلدی معشوقه یئتوب عاشق دیوانه بوگون
یوسفین آیرلیقی یعقوبی چوخ پیر ائلدی
یعقوبون یئدی الی یوسف کنعانه بوگون
شمع دین سالدی ایشیق کل جهان اوسته بوگون
گلدی شمعون دولانا باشینه پروانه بوگون
چوخلی مدتی قالوب یولدا گؤزوم حسرتیلن
گلماقون سپدی سرین سو دل سوزانه بوگون
سیز حسین مکتبونون عاشق و دیوانه سی سؤز
چون حسین بن علی جنگیده مردانه بوگون
استقامت ائله دوز محبس دشمنده ولی
تحسین ائیلر هامولار خدمت شایانه بوگون
پیشواز روح شهید ائیلیری هم سنگرینی
چونکه زوار اولاجاق قبر شهیدانه بوگون
سربلند دو جهان دشمنه پیروز اولاجاق
پای بند هر کس اولا مكتب قرآنه بوگون
گر اولا دست خدا شمشیره قان پیروز اولار
چشم عبرتله باخون پیروز اولان قانه بوگون
ظالمی ظالمه درگیر ائلیر الله الی
دوسلاری دؤندی اولوب صداما بیگانه بوگون
سگیز ائل جنگ ائلیوب دشمنه باش ایمه مشوق
دنیا احسن دئییری ملت ایرانه بوگون
هدفه چاتمادی دشمن متجاوز سایلوب
هامی ریشخند ائلیری دشمن نادانه بوگون
حاصل جنگ اولوب صداما چوخ مایه ننگ
چاره سی یوخدی بوگون جان وئره جانانه بوگون
قفسین میله لرین کسدی حقیقت اره سی
گلدیلر شیر بالالار بیشه شیرانه بوگون
حیف اولا روح خدا گئدی خدا خدمتینه
رحلتی نسگیل اولوب جمله عزیزانه بوگون
ای خمینی باشوی قوزاگلان ائیله نظر
التماس دشمن ائدیر گورنه ذلیلانه بوگون
دشمنین سندی بلی دست خدائیله بوگون
حافظ الله دی اؤزی لشکر یزدانه بوگون
چون شریک آل صباح اولدولا مظلوم قانینا
دوستی صدام یئتریب عمرونی پایانه بوگون
ظلم ائدن مهمانا آخیرده گرفتار اولاجاق
چوخ ستم ائدی فهد مکه ده مهمانه بوگون
مظلومون آهی گئدیب بارگه حقه چاتار
گئدیری موج بلا چوخ عربستانه بوگون
خاک وحی اؤسته گلوب اردو قوروب دشمن دین
گله نفرین خدا بیر بله سلطانه بوگون
آدی اسلامدی ولی کافره خادم اولوری
مایه ننگ اولوب خلق مسلمانه بوگون
گوشزد ائدی امام شاهلارا دائم بو سؤزی
سیز کمک ائیلمویون لشکر شیطانه بوگون
گر خلاص صدام اولا موذی اولار سیزلره چوخ
آفرین دنیا دییر پیر جمارانه بوگون
الله ون لطفی بیزیم حالمیزه شامل اولوب
حمد بی پایان اولا خالق سبحانه بوگون
گؤزلرین آیدین اولا ملت قرآن مبین
تهنیت عرض ائدیروخ چشم درخشانه برگون
بیز مبارک گونی چوخ دولته تبریک دئیروخ
چشم وشن دئیروخ رهبر دورانه بوگون
اعلمی حقی توتوب حق سؤزوی یازگلا سن
حق ثابت اؤلوری صبریله انسانه بوگون
