طالبانون عملی رهبره آزار ائلدی
شیطانی شاد ائلیوب ملتی غم خوار ائلدی
رهبریم وردی پیام خلق مسلمانه بوگون
هامی لبیک دئدی رهبر دورانه بوگون
گله نفرین خدا او یکه شیطانه بوگون
چوخ جنایت بو جهان ایچره جهان خوار ائلدی
طالبان ائیلدی چوخ مردم افغانه ستم
ائلیری پیر و جوان کودک و نسوانه ستم
چورخ جسارت ائلیوب ائلدی مهمانه ستم
خانه امنی بوگون قانیله خون بار ائلدی
غیر مسلمدی گریب لیک ولی دین دونونا
پولی آمریکا وئریر، اسلحه پاکستان اونا
مردم بی دفاعنی بس که چکیر خاک و خونا
حامیان منطقه ده مزدوری خون خوار ائلدی
شیطانون فکری بودی قرآنی منکوب ائلسین
آتش جنگی سالوب مردمی مرعوب ائلسین
توطنه چوخ یارادوب ایرانی سرکوب ائلسین
بیر پیام وئردی امام ملتی بیدار ائلدی
عالمه ظلمی اؤنون روشن اولوب همچو یزید
تقصیری بس نه ائدی دیپلماتون، ائدی شهید؟
انتقامون آلاجاق ملت رزمنده رشید
انتقام آلماقونی مزدور را اخطار ائلدی
نوطئه چیده ائدیر ایرانا شیطان بزرگ
لیک خنثی ائدیری ملت قرآن بزرگ
سربلند دو جهان ملت ایران بزرگ
دشمنین توطئه سی ملتی هوشیار ائلدی
امر ادیب حمله ائله صدام دیوانیه او
تا که تبدیل ائلسون ایرانی ویرانیه او
گه حمایت ائلیری مزدور بیگانیه او
ناتوان طالبانی عقرب جرار ائلدی
فکری وار حمله ائده ایرانا نمرود زمان
بیر بله حملیه اقدام ائلمز عقلی اولان
حمله گر ائدسه یقین عمری اولار بؤلکه خزان
ایشی چوخ مشکلدی مشکلی دشوار ائلدی
یاتمیوب رهبریمیز هر گجه گوندوز دی اویاخ
ملت آزاد اولان انقلابا اولسا دایاخ
غیر ممکندی عدوی وطنه بیرده قویاخ
جنگه آماده ائدن بیزلری اشرار ائلدی
ورمشوق انقلابا چوخلی شهید الدن عدو
ساخلاروق انقلابی باشیله جان دئلدن عدو
سن حساب ائدگله چوخ لرزه آخان سلدن عدو
انقلاب مردمی چوخ دینه فداکار ائلدی
ملتون رهبری وار ملتی ارشاد ائلیری
ظالمه دشمن اولوب مظلومی دلشاد ائلیری
شیعنین وار امامی غیبده امداد ائلیری
بیزه امداد ائلیوب بیزلری احرار ائلدی
بله دستور وئریب ابن سعود طالبانا
قتل عام ایله گلن ورمه امان شیعیانا
نسل کشلوک ائله سن شیعه لرین قلبی یانا
بو طریقیله اؤزون دنیادا چوخ خوار ائلدی
تولکولر شیری گؤروب خارجیه جمله قاچوب
شیعنین پیر خمینی شیعه لر ایراندا ساچوب
گلش حجت یزدانیده گؤل لر گؤل آچوب
انقلاب قدرتیدی گلشنی بی خار ائلدی
شیعه دی سطح جهان اوسته گئدیر راه حسین
شیعنین رهبری دی کرب و بلا شاه حسین
اؤزی خورشید هدا قارداشدی ماه حسین
دنیادا عاشقینی قبرینه زوار ائلدی
زنده ائدی نبوی دینینی سلطان شهید
عهدینه ائدی وفا تا قالا قرآن مجید
بوغازونان قان آخوب ملت اولا تا که سعید
استی آزاد ائدن ناردن او ثار ائلدی
شب عاشورا کچوب حق یولا لبیک دیدی
حق یول اوستونده گئدیب آللها لبیک دیدی
ضربه دیدیکجه حسینه داها لبیک دیدی
یارالی حالتینن خالقه دیدار ائلدی
آللها باغلا امید مردم ایران یاشا سن
افتخارن تاجنی دنیادا بس قوی باشا سن
اعلمی ائیله کمک دینده اولان قارداشا سن
گؤر نئجه ملتیمیز جنگده ایثار ائلدی
