ای اولان پابند دین حامی قرآن کارگر
ای اولان تابع خدایه صاحب ایمان کارگر
ای چکن زحمت جهاندا مردمی راحت ائدن
سعی و کوشش ائله سن از بهر یزدان کارگر
دست رنجین موجب آسایش ملت اولور
اقتصاد کشوره محکم ستونسان کارگر
کارگر تأمین ائدر چونکه جهاندا ثروتی
گردش دنیانی ایلر چوخلی آسان کارگر
افتخار بو بشر سن قدرتون چوخدی سنین
اعتصابونان اولوب سرکوب شاهان کارگر
سن چکن زحمتلر اوسته بو بشر سیر ایلدی
گؤیلره اولدوزلارا یول تابدی انسان کارگر
گر توقف ایلیه کارینده بو زحمتکشان
ایلیر دولتلری ترسان و لرزان کارگر
هر قدر دستگاه کوچک یا عظیم واردی بوگون
ایلیوب عرضه جهانه پینه دستان کارگر
گؤیلره پرواز ائدیر طیاره لر ای کارگر
دست رنجیندی سنین گؤیلرده پران کارگر
چوخ آغور یوکلر چکیر دریاده کشتی لر بوگون
قدرت بازون سنین اوندا نمایان کارگر
ای تلاش چوخ ایلین کده شهرده دائما
کند و شهری ایلدون آباد و عمران کارگر
مشکلاته صبر ادیب هر زحمته سن سن دوزن
دشت خارستانی سن ائدون گلستان کارگر
هر ایشه باخسان اگر هر زادا قیلسان نظر
ایشلرین گون تک سنین هر یاندا تابان کارگر
بیر بله کوشا جهاندا خادم ملت اولان
ارزش کاری جهاندا چوخلی ارزان کارگر
قیل نظر سیر ایله سن ملتلره ای کارگر
سال نظر دولتلره با چشم بینان کارگر
ایله تطبیق مکتب اسلامیلن سایرلری
درک ایلرسن مطلبی هر آن مسلمان کارگر
یازمیوب تاریخ اؤپه رهبر به جز پیغمرین
پینه بسته اللرین تمجید گویان کارگر
او دوداقلار که اؤپوبدی اللرین بوسه ائدیب
صورت اهل شباب باغ رضوان کارگر
وار شرافت اللرینده چون اؤپوب ختم رسول
لبلره بوسه ائدیب شاه شهیدان کارگر
رهبرین مولا علی مرد توانا دور سنین
جمله اصحابی اونو مقداد و سلمان کارگر
اؤز الینن باغ اکیب کشت و زراعت ائیلدی
سو چیخادوب زحمتیلن ائدی احسان کارگر
هانسی ملت بیر بئله رهبر گؤروب سیز سویلویون
تائید ایلیر دشمنان همچون محبان کارگر
نوری روشندی بوگون ایراندا ای ایرانیان
تعقیب ایلیر مکتبون چون اهل ایران کارگر
اولگلان پابند دین بو مکتبی ایله
ائتمیه اغفال سنی تا اینکه دونان کارگر
اؤز ایشینده محکم اول تولیده سن وئر چوخ فکیر
تا سنه یول تاپماسون افکار شیطان کارگر
قدرت مغزیله فکری سال ایشه ای دوستان
بی نیاز اولسون بو ملت، راضی سبحان کارگر
سال نظر سن مكتب لامذهب و بی دینلره
دائماً ایللر بویی ائشلیر او نالان کارگر
دست رنجین دائما کاخدا اولانار خرج ائدیر
لیک بیچاره اولان بدبخت عربان کارگر
گر ائده تعطیل یئیمز جیره سین سهمیه سین
واردی اجبار ایشلسین لازمدی هر آن کارگر
دائما دولتلری سؤیلور جهاندا بو سوزی
سوسیال مکتبلرینده وضعی خوبان کارگر
سؤزلری کلا یالاندی صحتی یوخدی انون
چوخ چتین ائیلر معاش بیچاره کوشان کارگر
لیک ایراندا بوملت اولدی آزاد قویدولار
دشمنان مکتب اسلامی حیران کارگر
هامی آزادی بوگون در سایه لطف خدا
چه مهندس دکتر و کاسبله دهقان کارگر
لیک چوخ حساس اولوب بو مطلبه سایر دول
ایستری سرکوب ائده با دستیاران کارگر
سیز گرگ هوشیار اولوب توولانمویون بو سؤزلره
تا که اغفال ائدمسین با نام خواهان کارگر
گر تسلط ائلیه سایر عقیده سیزلره
بهره سیزلردن چکر مثل غلامان کارگر
بیر فقظ اسلامدور حقدن دفاع ائلیر بوگون
تا أله گلسون بوگون حق ضعیفان کارگر
سیز ورون أل دامن اسلامه ای زحمتکشان
تا که پیروز ائیله عالمده جانان کارگر
چون وئریب وعده خدا قرآنیده ای مسلمین
صاحب روی زمین آخر فقیران کارگر
بؤل بو دینون قدرنی فکر عدویه باخما سن
حفظ ائله بو مکتبی اول سن نگهبان کارگر
حقینی اظهار ائله ای اعلمی زحمتکشين
کار و کوشش ائلیه با حکم قرآن کارگر
