بو حسین کیمدی خدا عالمی حیران ائلدی
رستگار امت اولا اصغری قربان ائلدی
اکبری وردی فدا دین خدا زنده قالا
حکم قرآن خدا دنیادا پاینده قالا
نور اسلام همیشه دنیادا تابنده قالا
وار یوخون بهر خدا تقدیم جانان ائلدی
گؤردی که پرتو دین دنیادا خاموش اولاجاق
احکام دین خدا جمله فراموش اولاجاق
نام اسلام گئدیری باطله سرپوش اولاجاق
حقی روشن ایلین جاری اولان قان ائلدی
عباسون قولارینی وئردی دین اوستونده فدا
تا که پاینده قالا دنیا بویی دین خدا
کربلا صحنه سی دی دین خدا تابدی صفا
بو طریقتله حسین عشقینی اعلان ائلدی
انصارین وئردی فدا در ره دین شاه شهید
تا که پاینده قالا مکتب قرآن مجید
امت ختم رسل تا گئده لر رااه سعید
باطلی سرکوب ائدیب دینی درخشان ائلدی
دست بیعت یزیده ورمدی او دینه امید
ذلتی رد ائلیوب عالی مقام ائدی خرید
جاویدان قالدی حسین نابود اولوب قوم یزید
دین یزدانه حسین خدمت شایان ائلدی
زیر بار ستمه گئدمدی او حامی دین
حکم فرما اولا تا عالمه قرآن مبین
سر بلند دو جهان تا که اولا اهل يقين
شیعنین مرامی نی عالمه سلطان ائلدی
قان وئریب دینه حسین عالمی ارشاد ائلدی
دین یزدانه حسین قانیله امداد ائلدی
گؤردی ظلمیله فساد دنیادا یی داد ائلدی
کاخ ظلمی داغودوب عدلی نمایان ائلدی
دشمنه حاکم اولوب دنیادا چو کبر و غرور
حکم فریادی اونا قدرت همان جبریله زور
دشمنین یوخدی فقط منطقیله عقل و شعور
دشمنی رسوا ائدن منطق و برهان ائلدی
دشمن دین خدا دنیادا چرخ حیله ائلیر
بی دفاع ملتی سرکوب ائلیه حمله ائلیر
مظلومون قانلارینی جاری ائدیب دجله ائلیر
دشمنی غافل ائدن دنیادا شیطان ائلدی
اکبره وئردی کفن لیلی نالان اوگونی
تللره شانه وروب ائیلدی افغان اوگونی
جنگه اعزام ائلیوب چوخدا لب عطشان اوگونی
چوخ جنایت اولارا لشکر نادان ائلدی
شبه پیغمبری ائلیوبدی شهید لشکر دون
قویدی آغلار آنانی عمر بویی قوم زبون
هر جوان گؤردی آنا یاده دوشوب اوغلی اونون
گئجه گؤندوز آناسی لعن به دونان ائلدی
دینه تقدیم ائلدی جانلاری اولاد حسن
گیدیلر روز بلا تن لرینه قانلی کفن
قالدی میدان آراسندا یارالی چوخلی بدن
او حالی گؤردی عمو حمله به عدوان ائلدی
جنگ اولوبدی او زمان بین امامیله عدو
دشمنی وردی کناره او گؤزل محبوب عمو
گؤردی قاسم بدنین اولدی زیاده غم او
آتلارون دیرناقدی پیکری القان ائلدی
گؤردی عباس علینی سوز عطشدن یانری
آنانون یوخدی سوتی اشکی گؤزون آخری
گؤردی اصفرده آنا سینه سنه چوخ باخری
غملی صحنه عمونی عازم میدان ائلدی
گئدی عباس او دم تا گتیره اصغره سو
مشکی دولدوردی چیخوب سو یتیره خیمیه او
قاباقون کسدی اونون لشکر لامذهب عدو
اوخ گلوب مشکی دلوب قلبینی سوزان ائلدی
بالالار قالدی سوسوز اولدی ابوالفضل خجیل
آل طاها دا سوسوزلوقدان اولوب چوخدا کسیل
دشمن دین خدا دنیابوئی اولدی ذلیل
حقی روشن ایلین چوخدا او دوران ائلدی
آلدی آغوشه علی اصغرینی گدی امام
تا که کفاره ائده حجتنی بلکه تمام
ائدی فرمایش امام چوخ لب عطشاندی بالام
ورمه دی حرمله سو قانینه غلطان ائلدی
اوجونا توتدی قانی آتدی گؤیه شاه غریب
عرشی تزیین ائلدی عرشه گئدن قان نجیب
عشقين اظهار ائلدی خالقه عاشقله حبیب
مظلومون قانی گئدیب عرشی ده گریان ائلدی
دشمنین ظلملری طوفان ائدیب عالم آرا
ظلم دشمن ائلدی عالمی چون لیل قرا
زلزله عرشه سالوبدی اوگونی شمر دغا
امامی ائدی شهید ظلمده طغیان ائلدی
دشمن دین خدا ائیله دیلر ظلم کثیر
اوت وروب خیمه لره اهل و عیال اولدی اسیر
او جلالتده شاها اولدی کفنن پاره حصیر
بوقدر ظلمی روا فاقد ایمان ائلدی
اسرانی گتوروب قتلگه تا گؤره لر
دشمنین جنایتون، ظلملرین تا بوللر
یارالی سینه لر اوسته بالاني تا دویه لر
بو طریقتله عدو ظلمده طغيان ائلدی
باشلاری ذبح ائلیوب وردولا نیزه باشینا
باخدی زینب باجيسی مظلوم اولان قارداشینا
باخدی قارداش باجونون گؤزدن آخان قان یاشونا
بو باخیشلار اوگونی عدوانی نالان ائلدی
آتانون نعشینی گؤردی بالاسی زین العباد
گؤردی بی جنایت ائلیوب قوم عناد
بالانون گؤزلرینین اشکی روان اولدی زیاد
بو جنایت بالانون صبرینی ویران ائلدی
گؤردی زینب بالانون آز قالیری جانی چیخا
ددی قارداش بالاسی سن سن امید اسرا
صبر ائله قویماگلان صبر ائونی ظلم یخا
بو حالون زینب غم خواری پریشان ائلدی
پروش تابوشدی باش حسین عزتیله
او باشی شمیر کسیب دالدان اوگون ضربتیله
آپاروب خولی اونی کوفیه چوخ سرعتیله
کوللر اوستونده حسین باشونی مهمان ائلدی
یارالی باش او گئجه عالمی روشن ائلدی
او گئجه گلدی آنا اوغلونی دیدن ائلدی
باغرونا باسدی باشی ناله و شیون ائلدی
او گؤزل باش او گئجه مطبخی رضوان ائلدی
مرکبه اولدی سوار گؤردی رقیه بالاسی
قاشدی کسدی قاباقون نازلی رقیه بالاسی
قدمین قویدی یره اولدی پیاده آتاسی
بالویا نوازشین مثل یتیمان ائلدی
یولداشی آیری سالوب چرخ فلک یولداشیلان
باجی قارداشدا یانوب دلده اولان آتشیلان
قول بویون اولدی او دم چونکه باجی قارداشیلان
بو قوجاخلاشماق همان دلری بریان ائلدی
قاردارشون چون بوغازین بوسه باجی ائدی او دم
گؤردی قارداش باجیا وردی فشار غصه و غم
قلبینه قویدی الین صاحب او لطف کرم
قلبی آرام اولوب غملری پایان ائلدی
باجی قارداش بوغازون بوسه ائدیب سالدی یولا
ددی اجرا ائلدیم امریوی من مظلوم آنا
لیک خنجر قویاجاق شمر بداندیش بوغازا
بدرقه ائدی باجی گؤزلری گریان ائلدی
اسلامی پیروز ائدن عشقه ایثار ائلیوب
اسلامی مظلوم ائدن ظالم و کفار ائلیوب
اودی کی عمر بوئی شیعه نی غم خوار ائلیوب
اعلمی یازدی شعرین دلده او افغان ائلدی
