شهيد اولدی منیم بالام
منن اونا اولا سلام
شهید اولدون منیم اوغلوم
سنین خطین منیم یولوم
او یولدا من شهید اولدوم
دعا ایله سحر اخشام
شهید اولدون ایا فرزند
یتیشدون مقصده دلبند
آنان اولدی سنه خرسند
گلوب چاتدی منه پیام
شهید جوش و خروش اولدی
شهادت جامی نوش اولدی
آنالار قاره پوش اولدی
تاپوب وحدت بئله قیام
شهید یولاندی چون قبره
شهید تشییع اولوب گلیر
پیام گؤندردی چون رهبر
دعا ایلیر سیزی مدام
شهیدون چوخ جلالی وار
پیامی وار مقالی وار
خدائیلن وصالی وار
نصیب اولدی سیزه مقام
عزا تودی سیزه ملت
آنان اولدی بوگون راحت
مکان اولدی سیزه جنت
ائدر غبطه سیزه امام
شهید اولدون ره صدقه
دئدون لبیک سن حقه
اؤزوم قربان گوزل نطقه
نطقین متین ترین کلام
شهید دین و ایمانسان
شهید راه جانانسان
عزیز اهل قرآنسان
مرامون ایلدون اعلام
حلال اولسون سوتوم سنه
زینت اولدون بوگون منه
شهید اولدون سن وطنه
راضی اولدوم سنن بالام
سن اسلامه شهید اولدون
ضعیفانه امید اولدون
سن الله مرید اولدون
سنین یولون ره اسلام
گئدون راه سن استادی
فد وئردون سن هر زادی
گلوب ایرانه آزادی
عدل خدا تابدی نظام
شهید مکتب اولدون سن
ایشقلی کوکب اولدون سن
چراغ مذهب اولدون سن
یاتوبسان لیک چوخ آرام
تبریک منه ائل لر دییر
احسن سنه رهبر دییر
صد آفرین مادر دییر
سؤور سنی خاصیله عام
شهید راه دین اولدون
قتیل قوم کین اولدون
گؤل تازه نه تئز سولدون
آچیر گؤللر ایندی تمام
آچار قبرینده چوخ لاله
آنان ائدمز داخی ناله
دییر تبریک بو اجلاله
جلالیوه نظر سالام
سن اسماعیل آنان هاجر
سنه قربان اولا مادر
منه ذیحج اولوب آذر
منا اولدی منه ایلام
ره دینه شهید وئردوم
سنی رویاده من گؤردوم
فراقیوه اوغول دؤزدوم
مزارونان عطرین آلام
گلزار اولدی دشت و دمن
گؤلندی گلزار و چمن
یولداشیوی گؤرنده من
سنی اوغلوم یادا سالام
