خزان اولوب بهارون دیگر بهار ایلمه
عیالون اولسه اگر همسر اختیار ایلمه
مینوب هوس آتونا نفسی سن رها اتمه
خانم آلوب تزدن بوینوا سوار ایلمه
یاتاندا آل یانوا بالونجی مثل عیال
خانم حساب ایلیوب اونی کنار ایلمه
یاتاندا آت باشوی راحت استراحت ایله
زیارت ائت یوخودا هوای یار ایلمه
هوای صاف و مصفای منزلوی
یالان سؤزیله غلط آرامش غبار ایلمه
اؤزون عذاب سالوب فکروی خراب ایتمه
مریض ائدوب اؤزوی چوخدا آه و زار ایلمه
تاپاندا یاغلی یاوان یئ عشقلن سن اونی
شامون زهر ناهارون زهرمار ایلمه
قاباقدان اولسا اوشاق مصیبتون چوخدی
مصیبتون بیرد سن اونی هزار ایلمه
حیاسی اولماسا گر خدای ناکرده
ساتار سنی، ناموسن وارد بازار ایلمه
او کی ییر اوت ورانا شعله سی زبانه چکر
یانار وجودن اولونجه تماس نار ایلمه
چیپالا باشوا چوخ اوشاقلارین هر گون
بو نحویلن اؤزویذلیل و خوار ایلمه
فشار گلنده دایان فشاره دؤز هر آن
مقاوم اول فشارا فکر انتحار ایلمه
گزر ایشکیده مارال تک، گؤلر گولنده کهلیک تک
ولیک ائوده اولا ایت تک افتخار ایلمه
ایلان کیمی یوموشاق خط و خالی خوش دی ولی
جمال حسنینه سن آغزون آبدار ایلمه
اگر ایاقلیاسان قوریوقون چالار سنی بول
مواظب اول اونی سن چوخدا زخمدار ایلمه
اگر یارا گؤره او کینه توز اولاجاق
سن احتیاط ایلیوب چوخدا اعتبار ایلمه
گئجه گؤنوز چالیشار اختیاری سنن آلا
اماندی سن اونی چوخ صاحب اختیار ایلمه
یاتاماسان گئجه لر خیال راحتیلن
گؤنوز چو اهل نئشه اوغول گؤزلرین خمار ایلمه
پولون گر اولسا سنین بوگونلره قالمیسان
جانین یوخوندی پولون مرگه هموار ایلمه
خبر حالون آلالار سویله یاخشدور حالیم
شماتت عالمی دور دردین آشکار ایلمه
سفیه سؤزی دانوشسا دییر که حق دئیرم
ولیک حقی دئسن دئیلر دادار دادار ایلمه
یییوب ایچیب گئزيب دولان کیف ایلئگیلن
غریق غصه اولوب شادلقی مهار ایلمه
عیالدی آتدی اوغول قیز وفالری یوخدی
اولاردان اوتوری اؤزون چوخدا بیقرار ایلمه
اماندی اعلمی سن سؤیلمه چوخ مصیبتوی
واریمدی وردیم اوغول سنده بی شمار ایلمه
