گلوبدی ماه رجب لیل چون نهار اولدی
منور عالم اولوب مثل ماهوار اولدی
خزان اولوب سپری موسم بهار اولدی
دونوب صفای طبیعت بهشت وار اولدی
نزول ادیبدی یر رحمت خدای جهان
چمنده گل لر آچوب دشت لاله زار اولدی
گلوبدی جو شه گینه چشمه سار اولوب جاری
طراوت گله باعث او چشمه سار اولدی
اسیپدی باد صبا وروب جهانه صفا
ایشقلانوبدی جهان لیل چون نهار اولدی
گلوبدی مرغ سحر سرود عشق اوخوری
صفای گلشن و گل، خوش صدا هزار اولدی
گوردی یردن علف دشت و کوه گلدی چیچک
صفای روح و روانه او سبزه زار اولدی
آچوبدی گل، گل سرخ محمدی خوشبو
بهار طبیعت دوباره مشکبار اولدی
رسالتون با غونون نهالی چون گل آچوب
وروب شکونه نهال، درخت میوه دار اولدی
ایچوبدی آب زلال چشمه حقیقتدن
اودور که میوه لری چوخ دا آبدار اولدی
گلوبدی ماه رجب بعثت محمد دور
رسالتون گونی گویده بس آشکار اولدی
اولوبدی عازم اوگون نبی حراء داغوما
به عشق دیدن یار کوهه رهسپار اولدی
گدیب چاتوبدی غارا بس اوگون حبیب خدا
قدم قویبدی داغا داخل او غار اولدی
گلوب یر عالمینه چون اوگون فرشته وحی
گتوردی مژده وصل لطف کردگار اولدی
وروب جرقه اوگون نور حق یزدانی
ایشق جهان او نوردان او کوهسار اولدی
سروش غیب دیوب سن اوخی به نام خدا
ایشیدی بو سوزی او چوخدا بی قرار اولدی
بویوردی یوخدی سوادم بس که من اوخویام
ددی اوخی سنه چون پرودگار یار اولدی
اوخودی اقرء بسمه نی او به لحن فصیح
گدوبدی اضطراب اودم چوخدا کامکار اولدی
خدا کلامی ادیب قلبینی بسی پر نور
اورکده نور خدا داها پدیدار اولدی
ادیبدی قصد گله چیخوب دوشوبدی یولا
گوروبدی تعظیم ادن گل و گیاه و خار اولدی
دیبدی تبریک اونا دشت و کوه و درخت
سلام دین اونا بی جان و جاندار اولدی
گلوبدی منزله او اورکده فکر عظیم
دوشوبدی لرزیه چوچ چوخدا دلفکار اوادی
مصمم اولدی اده اجرا حکم یزدانی
اونا کمک ایلین علی نامدار اولدی
علی دین اوسته ادیب چوخلی مشرکی نابود
ادن جهنمه واصل او ذوالفقار اولدی
ادیبدی دعوت اوگون جهانی حق یولونا
ولی بو یولدا بیوک مشکله دچار اولدی
سالوب نجات گمیسین بحر عشقه اوگون
نجات طلب ایلین کشتی سوار اولدی
سعادتون گمیسی مردمه وریبدی نجات
خدای کشتی اوگون نبی جانثار اولدی
عدالتوں گونی چیخدی جهان روشن اولوب
وجود ظلم و ستم دفن در مزار اولدی
سالوبدی نور جهانه چون حقیقتوں نوری
جهان باطل اوگوں چوخ قرا و تار اولدی
خواب باطلده اوگون کل جهان یاتمیشدی
حق سوون بیدار اولوب یوخلویان، اغیار اولدی
چوخلارون دعوت ادیب حق و حقیقت یولونا
حقی قبول ایلین چوخدا فداکار اولدی
قبول دین ایلین جهاندا اولدی سعید
قبول ایلیمین داخل جهیم و نار اولدی
جهانی خوشبو ادیب گلشن نبی خدا
او گلشنه باغبان رسول با وقار اولدی
چاتوبدی رشده اوگون درخت فضل و کرم
وریبدی میوه شیرین چوخدا عطردار اولدی
صداقتون آغاجی جهانه سایه سالوب
او سایه ده یاشییان چوخ درستکار اولدی
سعید اولوبدی بشر بو دنیا و عقباده
سعادته یتیشن چوخدا رستگار اولدی
گتوردی صلح و صفا جهانه ختم رسول
گدن اونون یولونی چوخدا نیک کار اولدی
آچوبدی علم و ادب گلشنینده چوخ گل لر
فساد و جهل کولی یاندی خاکسار اولدی
نبی اولوب جهانا پیشوا و پیغمبر
بیر آجا وقت گچوب صاحب اقتدار اولدی
ادیبدی بت لاری چوخ جهاندا فانی نبی
جهان هستی اوچون بیرجه شاهکار اولدی
زنان عالمه عزت چوخ یارادی نبی
نجات قیزلار اوچون لطف بی شمار اولدی
جهانی دین مبین چوخ اولوب اوگون داشاد
جهانی شاد ایلین رسول گلعذار اولدی
گلوب تلاطمه دریای دین ختم رسول
وروبدی موج احد شرک تار و مار اولدی
مقام و ثروت و رنگ امتیازی لغو اولدی
مقام انسان اوچون تقوا بس عیار اولدی
هدایتون گونی چیخدی منور اولدی جهان
او نور دنیا بویی دنیادا قالار اولدی
چراغ دین خدا گون به گون ایشقلاندی
جهانه سالدی ایشیق همچو ماه وار اولدی
بو فکره دوشدی چوخی او نوری خاموش اده
اولوبدی خاموش اوزی چوخدا شرمسار اولدی
ادیبدی چوخای اذیت اوگون اونا کفار
ولیک دعوت ادیب چوخدا استوار اولدی
مخالفين نقدر ایستیوبدی اولمویا دین
ولی دایاندی نبی چوخدا پشتکار اولدی
توکوبله اوت باشینا ایاقی آتدا تکان
ولیک صبر ایلیوب چوخدا بردبار اولدی
رسوله اولدی مزاحم ابوجهل لعین
ولی تحمل ادیب دینیه پاسدار اولدی
دییوبله تهمت و بهتان شهید ادیبله دیشون
به جای شکوه خدایه سپاسگزار اولدی
دین اوسته چوخلی مصیبت گوروبدی ختم نبی
به ویژه تحریم ادن وقته چوخ فشار اولدی
نقدر تهدید ادیب تطمیع ایله دیلر
مصمم اولدی ولی چوخدا پافشار اولدی
جهان هستی اوچون تنها فرد اکملدی
جهان خلقته او بیرجه افتخار اولدی
مقام و رتبه ده اول کس اولدی عالمده
بجای کبر فروتن بیر بزرگوار اولدی
خدا شناسلقی او جهانه عرضه ادیب
مروج حق معرف پروردگار اولدی
سخا و رحمت و احسان و بذل و بخششی
زبانزد ارض و سما و هر دیار اولدی
گتوردی عالمه او دین ختم ربانی
اودور که دین نبی دین روزگار اولدی
طهارت و بهداشتی چون گدی عالمه او
خببث لری تحریم ادیب خبیث مهار اولدی
اولو بدی عالمه رحمت رئوف چوخ امت
شفیع روز جزا حساب اختیار اولدی
گلوبدی رحمت یزدان چوخ یر عالمینه
او رحمته باعث، او تاجدار اولدی
ادیبدی تعریف اونون حسن خلقنی خالق
رواج دینده او اخلاق بس ابتکار اولدی
اوقدر مهر و محبت واردی انسانه
مخالفينه اوگون حتی غمگسار اولدی
محمد اولماسایدی اگر جهان اولمازدی
به عشق ختم نبی جهان پدیدار اولدی
ادیبدی تعین اوگون خط مشی اسلامی
بویوردی عترت و قرآن دینه یادگار اولدی
عمل قرآنه ادن مطیع آل رسول
بهشته عزتیلن روحی همجوار اولدی
مخالفین عترت و قرآن اولان افراد
اولوبدی داخل دوزخ هم نشین نار اولدی
اونور خاموش اولمویاجان بگفته قرآن
به روز حشر جهاندا او پایدار اولدی
اونور گلدی چاتوب سرزمین ایرانه
منور ایران اولوب اوردا ماندگار اولدی
انوری ساخلاماقا لایق اولدی او یر
او دور که ملت ایران حسینی وار اولدی
بدست ملت شیعه نور دین نبی
بو کشور صاحب زماندا انفجار اولدی
اودور که دین اسلام ناب محمدی
بو ملک حضرت قائمده برقرار اولدی
به لطف حضرت قائم جهان اسلامه
قیام نهضت دین دینه اعتبار اولدی
گدیر جهاندا چاتا بدست مهدی قیام
بو مطلبه چوخ شیعه لر امیدوار اولدی
امید اولوبدی بوکشور جهان ایمانه
اودور که دشمن دینه چوخ آه و زار اولدی
مبارک اولسون عالم اوچون بو عید سعید
تمام عیدلر مبداء و شعار اولدی
گلمیوب راحت اله دین خدا بیزلر اوچون
گورنجه ظلمه دوزوب مورد آزار اولدی
اعلمی دینوی سن ساخلاگلان عزتیله
کج باخان دینوه بول هر دو جهان خوار اولدی
