شورا سئچیلیب شهریمیزه افتخار اولسون
تا فصل زمستان قوتا روب نوبهار اولسون
گلشنده گؤل آچسون چمنی باصفا ائدسون
مرغان خوش الحان یتیشوب تا نوا ائدسون
بو گؤل ستانون چهره سینی خوش نما ائدسون
آرزوم بودی بو شهر مرند لاله زار اولسون
بو اهل مرند شورالارون بس که سئچیپلر
شورا نهالون شهرده تا اینکه اکیپلر
گؤز شورالارون ایشلرینه چوخدا تیکیبلر
تا مرکب پیروزیه شورا سوار اولسون
تا شهرین اموراتنا اولار اولا صاحب
چوخ مشکلات شهرده اولار اولا غالب
بیر طرح تؤکوب طرحیلری تا اولا جالب
دشمنلریمیز دنیادا چوخ شرمسار اولسون
مردم سؤوری شورالاری خوش قدم اولسون
بو نحویله تا مشکلاتی چوخدا کم اولسون
بو ملته شادی یتیشوب رفع غم اولسون
بو ملت اوچون چهره سی بیر خوش نگار اولسون
خالق ائلیه لطف اولارا تا وئره قدرت
او قدرتیلن تا تاپا لار سؤیملی وحدت
بو شهریمیز تا ائدلر بیر یکه خدمت
خدمتلری دنیا بؤیی تا ماندگار اولسون
بو شهری گؤروم بیرجه گلستان ائله سونلر
آباد ائلیوب تاج زرافشان ائله سونلر
بو مردمی چوخ شاد و خرامان ائله سونلر
خدمت ائلسه دهر ده والاتبار اولسون
شورادی بیزی شادیله غمگین ائده جکدی
شورا هامونی دولته خوش بین ائده جکدی
دؤز ائدسه عمل تلخیمی شیرین ائده جکدی
لطف ائله خدا مفتخر بو دیار اولسون
سن گؤزلگلن اؤلکنی آباد ائده جکدور
بو شهرده چوخ طرحلر ایجاد ائده جکدور
مثبت ایشیلن مردمی دلشاد ائده جکدور
لازمدی گرگ شورا دا چوخ اعتبار اولسون
جق سؤزلری اولار داها ایجاب ايله سؤنلر
غم غصه داشون شهرده پرتاب ائله سؤنلر
بو شهره باخوب ملتی شاداب ائله سونلر
بو شرطیله که ایشلرینده پشتکار اولسون
بو شورالارون ایشلری سنگین اولاجاقدور
چوخلار شاد اؤلوب عده ای غمگین اولاجاقدور
دوز اولماسا ایش شامل نفرین اولاجاقدور
لازمدی اولار چوخدا متین بارقار اولسون
شورا ددیقون دریادی چوخ عمقی دریندی
بیر جمع ائدی او ملت اوچون چوخدا امین دی
انفاسیلری ایشلرینه بس که رهین دی
شوراده گرگ لازمه دور بردبار اولسون
شورایه امید اولدی بو ملت بو سفر ده
بیز منتظروق روز و شب شام و سحر ده
بیر ایشلره اقدام ائده لر تا بو شهر ده
بو نحویله تا دشمنیمیز چوخدا خوار اولسون
سن فکر ایلمه اؤز باشینا شورا من اولدوم
تعیین ائلیوب شورا سنی ملت مظلوم
بو ملتون حقین ائلمه سن داحی معدوم
تا خشنود اولا مخلوقلان کردگار اولسون
بو ملت چوخ نقشه چکوب دشمن نهضت
خنثی ائلیوب نقشه لرین باوفا ملت
هر مرحله ده خالق ائدیب بیزلره نصرت
یزدان بیزینن شورالارا چوخدا یار السون
آل سن نظره شهری اؤزون بیر یکه منزل
ناحق ایشی سن اهل ائوه ایلمه تحمیل
دنیا گدیری رد اولوری دنیادا محمل
اهدافلریز عقلیله چوخ سازگار اولسون
بو شهر کهن مردمی چوخ اهل یقیندور
بو شهره نظارت ایلماق چوخدا چتیندور
اغفال ایلین شورانی ابلیس لعیندور
شورانی گؤروم و سوسه سینن کنار اولسون
شورالر اوچون قدرت ایمان گرک اولسون
حق سوزلرینی سویلماقا شیر اؤرک اولسون
بیر بئیله اولان شورویا لله کمک اولسون
حق اوسته گئدن شورا گؤروم رستگار اولسون
شورانون اگر قدرت ایمانی اولا کم
اوندا وؤرجک ملته چوخ ضربه محکم
لازمدی توتوسون او یئرین اهلنه ماتم
ناحق گئدنین شغلی گؤروم آه و زار اولسون
شورا اولا گر شهرینه هم مردمه دلسوز
کوشش ائده جک شهرینه او هر شب و هر روز
اوندا اولوری شهر ده هر مشکله پیروز
بو نحو اولان شورا گرک پایدار اولسون
شورا سچیلوب شهره علیزداه، کسائی
پورکاوسیلن عافیت و بیرده بابایی
ششم دی رسولی و حجازیدی نهائی
ای اعلمی یاز سن بو شعری یادگار اولسون
