شهید اولدوم من ای آنا
بلشمیشم قزل شانا
سنین اوغلون باتوب قانا
منیم آرزوم گلوب اله
شهید اولدوم گوله گوله
پرپر بدن بنزر گؤله
قالدون آنا یانا یانا
یتیشدیم من مراموما
قولاق وئرین پیاموما
مطیع اولون اماموما
شهیدم من ره اوندا
قلبیم منیم دارالوبدی
رنگیم منیم سارالوبدی
مرگم منیم آزالوبدی
منم دلتنگ در این دنیا
اولن وقت ده سنی تاری
حلال ایله من زاری
ره حق دینه آری
اولام ملحق ره جانا
اجل گلدی سراغیمه
جانم یتوب دوداقیمه
سن آغلاما فراقیمه
شهید اولام من اسلاما
گلوب آزادی ایرانه
دونوب ایران گلستانه
شهیدم من چو مستانه
شهید اولدوم من ایرانا
منه ائتمه دیگر ناله
مزاریمده بیتر لاله
دوشر عالم دگر حاله
ورر تغییر شهید اونا
شهیدم من ره قرآن
فدایم من به مظلومان
شهید ائدی منی دونان
بو غمده صبر ایله تنها
ره حقه اولاق سائل
سن اول هاجر من اسماعیل
شهیدم من سن اول مایل
ایا مادر سن آز آغلا
آنا سن بول شهید اؤلمز
بالان گئدی داخی گلمز
شهیدین مادری گولمز
گؤزون قویما قالا یولودا
شهیدم من شهید حق
آنا وئر سن رضا مطلق
بو مورده سن اول ذیحق
آنالوق حقینی ائد ایفا
دل شادیله من اولّم
گئجه خوابیوه من گلم
اورکده دردیوی بولم
غمین زایل ائدر یکتا
