چخدی قیش گلدی بهار موسم دیدار اولدی
گل و بلبل جمع اولوب مجلس گفتار اولدی
ارغوان گؤل لر آچوب عطری جهانی بورویوب
سبز پالتار گینه ده بر تن اشجار اولدی
شب یلدا چیچیلیب، قیسا گونوزلر اوزانوب
معتدل اولدی هوا گلشن و گلزار اولدی
ذوب اولوب قار اثر تابش نور گونولن
جریان تابدی سولار داخل جوبار اولدی
اسدی چون باد بهاری جهانا وئردی صفا
یاغدی باران بهار موجب انهار اولدی
چشمه لر جوشه گلوب اولدی سرازیر گینه ده
جمع اولوب هامی سولار وارد ابحار اولدی
گؤوریب یردن علف اولدی شکوفا چو درخت
نیش ووران گؤل لر گلشنده گینه خار اولدی
فصل آزادی گلوب زایل اولوب جور و ستم
نور حق ظاهر اولوب شمس تک اظهار اولدی
نور دین سالدی ایشق خاک وطنن جهانا
کشور شیعه نشین صاحب انوار اولدی
انقلاب پرده لری ووردی کناره بوگونی
صهیونیسم چهره سینی وئردی نشان رسوا جهانخوار اولدی
نقشه لر چکموشودی ملت مستضعف اوجون
سرنگون اولدی هد ف دنیادا چوخ خوار اولدی
انقلاب قطع ائلدی دست جنایت اثری
دولانوب مثل گئجه گؤندوز اونا تار اولدی
بیر بیوک ضربه وروب نهضت خونبار اونا
جون گؤروب چوخلی شکست بیر یارالی مار اولدی
چوخ تلاش ایلدی تا انقلابی سرکوب ائده
چوخ جنایت لری ائدیب موجب آراز اولدی
ایستدی سد ایلیه انقلابی داخلده
صدامی تحریک ائدیب صداما چون یار اولدی
هر قدر حیله ائدیب مردمی اغفال اولسون
چوخ ترولار ایلیوب منفور افکار اولدی
ایستدی خاموش ائده نور خدانی او خبیث
اونا امداد ایلین مرتجع اقمار اولدی
وردیلر اسلحه پول تانگلا توپ نیرو اونا
فکر ائدیب نهضت دین فرسوده مهار اولدی
هر قدر توطئه و نقشه پیاده ائلیری یوخ اثری
چونکه بو ملتمیز حیلیه هوشیار اولدی
او تصور ائلدی حیله موفق اولاجاق
بولموری مغلوب اولان دهر ده مکار اولدی
خام خیالیلن دیری اسلحه دی پیروز اولان
بولموری پیروز اولان جنگده ایثار اولدی
وئردی دستور بیزه رهبریمیز عازم اولون
سوتکین آخدی قوشون جبهه ده پیکار اولدی
عاشق عشق خدا باغلادی همت کمرین
عهدنه ائدی وفا مرد فداکار اولدی
عشق و شور شهدا باشدا شهادت هوسی
جام عشقی ایچوب او غوطه در ثار اولدی
اولدولار دین فدا پاره لنن پیکرلن
روحی پرواز ائلدی رو به سوی یار اولدی
چوخلی باشلار داغلوب پیکری چوخ پاره لنوب
چوخلی فقولار کسلوب چوخلی طلبکار اولدی
ایچدیلر جام شهادت گینه محراب عبادتده بوگون
بویانوب قانلارینا حیدر کرار اولدی
شرق و غرب لشکرینه صدمه وروب لشکر دین
چونکه دین لشکرینه صاحب دین یار اولدی
اولدی پاشیده بوگون جیش ابوسفیان تک
کفری نابود ائلین احمد مختار اولدی
چون هدف دین خدا مکتب قرآندی بیزه
موجب فتح و ظفر خالق دادار اولدی
لیک بیر عده هله قانمری قانماز گینه ده
طالب دنیا اولوب بی شرف و عا اولدی
هر طرفدن سویوری ملتی چون مثل زالو
قان وئرن وئردی قانین لیک بو خونخوار اولدی
عمرسی گئدی اونون هم دالسی هم قاباقی
انقلاب پیکرینه دشمن غدار اولدی
هار داسان جمع ائدسن ثروت دنیا یقسان
جمع اولان مال و منال چوخلارینا نار اولدی
دنیادا بهره سینی گؤرمدی هیچ کدی وقتی
حاصل دولت او ناچیز اولوب ندار اولدی
ساخلا سن بئش بالاوى قویما گئده جبهه لر
بو عمل باعث اولوب چوخلاری بیزار اولدی
گیرمسن میدانا سن قدرتیلن ای داداشم
امتحان وقتی گلوب سنجش معیار اولدی
روسیه اولدی زغال اولدی زمستان سپری
دؤزدی داش ایسیه اما اریین قار اولدی
چنگ پایانه یتر پیروز اولار لشکریمیز
شهدا نامیلری دنیا بویی وار اولدی
دائما سسلدلر بیزلری حق جبهه سینه
شنوا اولمادی گوشین بو سؤزه چون کار اولدی
بولمدی انقلابون مقصد و آرمانی نئدی
هدف و مقصد اونا درهم و دینار اولدی
چیخمیوب چیخمیوجاق باشداکی طاغوت روشی
بو روش باعث اولوب عده ای بی عار اولدی
کشتی ده اؤدی ولی کشتینی سوراخ ایلدی
ایستدی غرق ایلیه خاطی جبار اولدی
اسلاما قربان اولوم عفویله اغماز واردی
عدلیلن سرکوب اولان لشکر اشرار اولدی
حق گینه روشن اولوب نوری تلألوء ایلدی
محو و نابود گینه باطل و کفار اولدی
چوخلاری ایستدیلر دین خدا زائل اولا
دینی ارسال ائلین دینه نگهدار اولدی
انقلاب دستگاهینا خائن اولان وارد اولوب
مزدوران جای نشین مسند احرار اولدی
اعلمی سویله گلن حق سؤزووی قوخما گیلن
خلقی بیدار ایلین شاعر و اشعار اولدی
