دینه توهین ایلین بی دین و بی ایمان اولار
تانوماز الله و دین پیرو او شیطان اولار
پیرو شیطان اولان الله دا توهین ادر
اونا انسان دیمه سن بدتر از او حیوان اولار
حیوانون وار ادبی صاحبینه ایلر ادب
چوخلی حیوانلار اولار یاخشی تر از انسان اولار
یوخ حیا اوتانمری توهین ادیر پیامبره
قانموری آنّاموری چوخلی اورکلر قان اولار
لعنت و نفرین اولا اسلاما توهین ادنه
اسلاما توهین ادن حتمیدی بی وجدان اولار
صهیونیسم توهین ادیب اسلام اچون چوخ یکه سین
مشمول قهر و غضب رب جلیل منان اولار
ملک و جن و بشر الله اوزی دییر سلام
اونا توهین ایله ماق دشمن دین هاردان اولار
سن نه جرئت ایلیوب دینمه توهین ایلدون
دینه توهین ایلین منفور هر دوران اولار
دینیمون رهبری دی ختم رسول نایب حق
اونا امداد ایلین خالق دین سبحان اولار
عالمه رحمت اولان صاحب فضلیله کرم
اونا توهین ایلین دشمن دین عدوان اولار
ایسته سه الله اگر دشمن اوزون خوار ایلسون
اونی رسوا ایلین مکتب دین قرآن اولار
فیلم توهین بشری دنیا دا بیدار ایلدی
گدیری دین خدا عالم اوچون سلطان اولار
مسلمین هوشیار اولوب توهینی قبول ایلمز
دشمنین توطئه سی خنثی اولوب ویران اولار
مسلمین لازمه دور دنیا دا با هم اولا لار
منزوی دشمن دین، دنیا اونا زندان اولار
دنیانی بنده چکوب شیطان و شیطان صفتان
دنیانی اصلاح ادن دین مسلمانان اولار
بو فیلیم باعث رسوائی آمریکادی یقین
ثبت تاریخ جهان دفتریلن اذهان اولار
عمروون آخردی نابود اولار سان بو زمان
سنی نابود ایلین صاحب دین یزدان اولار
عقلی اولسا بشرین اوزگلره ورمز عذاب
بو ایشه اقدام ادن حتم و یقیی نادان اولار
یکه بیر داش قویویاسالسا دلی نادان اونا
مین آغلّی یغیشا چیخماقی لا امکان اولار
فیلم توهین یازانی اوینویانی آنّامادی
خشم مسلم یارانار دنیا اوچون طوفان اولار
ظالمان جهانی الله اوزی محو ایلسون
اون دادی روی زمین باغ جنان رضوان اولار
بو دینه قربان اولان چوخلی شهید دنیادا وار
خطر اولسا دینه گر اهل دینی قربان اولار
بو عمل باعث اولوب دین خدا اولدی قوی
هوشیار ملت اوچون حجت من برهان اولار
اسلاما اوز چووروب ملت دنیا گلری
دشمن احساس ایلیوب دشمن اوچون نقصان اولار
دینوون قدرینی بول عالم اوچون رهبر اولار
دینوون اجراسینا دنیادا بیر میدان اولار
طوفان دین خدا دشمنی نابود ایلیر
عالم هستی اوچون دین خدا ارکان اولار
دینه توهین ایلین دنیادا نابود اولاجاق
فیلم توهین ده یازان داخل اوت نیران اولار
مضمحل ستمگران توهین ادنلر اولاجاق
جانشین دین خدا، عدل و سخا احسان اولار
الله عالمدی اوزی صبری ولی چوخدی انون
او اراده ایلیه ظلم و ستم پایان اولار
اسلامون حفظی بیزه لازمه دور هوشیار اولاق
غافل اولساق بیز اگر تولکی صفت اصلان اولار
اسلام امداد ایله دشمنه بیز پیروز اولاخ
پیروز اسلام گر اولا نور خدا تابان اولار
نور حق روشن اولار دنیا تاپار صلح و صفا
گر صفا تاپسا جهان دین خدا روشن اولار
ظلم گر حدّن آشا عالمی ظلمت توتاجاق
دین اسلام او زمان حتم و یقین کتمان اولار
شیشه دینی بوگون سیندرا گر ظلم داشی
تیزتر شیشه اولار ظلمی کسوب برّان اولار
سعی ادیر دشمن دین دین خدا تضعیف اولا
او غلط فکر ادیری سعی اونون حرمان اولار
فتنه جویان جهان اسلام اوچون فتنه ادیر
فتنه نی سرکوب اده اسلاما چوخ آسان اولار
باعث خلقت اولان شخص شریف دو جهان
بو مقام صاحبینه بد دیمه سن بهتان اولار
مشرکین ایسته دیلر اسلامی سرکوب ایلسین
اسلامی زنده ادن عالم آرا ایران اولار
دین اگر اجرا اولا دنیا گلستان اولاجاق
غم یمه اعلمی سن ددلر اوچون درمان اولار
