هر حیله و نیرنگ ائده سن ای یکه شیطان
خنثی ائده جک نقشه لرین آیه قرآن
گر زور دییوب حمله ائده سن صدام الینن
پاسخ وئره جک حمله وه بول دینیلن ایمان
بیر توطئه دی طرح فهد نهضت دینه
صادر اولاجاق نهضتیمیز بولگلن ریگان
بو نهضتیمیز منطقیه زلزله سالدی
مزدورلاری ترسان ایلیوب ملت ایران
امریکا وئروب نقشه لری مکتبی ازسون
هشدار وئروب منطقیه رهبر خوبان
فریاد ائلروق طرح فهد دینه مخالف
اسلامه برازنده دگول نقشه دونان
اسرائیله گر امداد ادیر یکسره کافر
نابود اولاجاق چونکه دیوب ختم رسولان
قبول ایلمز ذلتی بو ملت قرآن
چون تعیین ائدیب یولارونی راه شهیدان
مولای حسین زور و زرین آلتونا گدمز
هر قدر وره زور و فشار اولارا عدوان
شاگرد حسینوخ اوزوموز عاشق الله
حاضر دی بو ملت اولالار دینینه قربان
زوریله تصرف ایلیوب قدسی بو کافر
ایستیر او ییره صاحب اولا باغلیا پیمان
هیهات یتیشه مقصدینه دولت غاصب
صاحب اولاجاق ییر لرینه خلق مسلمان
آرزو ادیرم قدسده من دورام نمازا
پشت سر رهبر ده ادم سپاس یزدان
ملتلر اگر با هم اولوب متحد اولسا
هیچ سلطه گرین سلطه سی یتمز بیز هر آن
راضی اولا هر کس فهدین طرحینه والله
اسلامه خیانت ایلیوبدی اودی نادان
گر دوز دییرسن صلح اولا عالمده یقینا
سن چک ایاقون قدسدان ای ظالم دوران
راضی اولاجاق منطقه ده مزدور اولانلار
امضا وئره جک غافل اولان رهبر و شاهان
گر تائید اولا طرح فهد ارزشی یوخدی
طراح حقیقی اؤزودی خالق سبحان
ای اعلمی سن خاطریوی جمع و جور ایله
دنیا اولا دشمن ، گینه پاینده دی قرآن
