ارتباط بشر و خالق سبحان دی نماز
روحی امراضه اولان ددلره درمان دی نماز
ایسته سن خالقه سن دردیوی اظهار اده سن
تلفن آختارما اوغول رابط یزدان دی نماز
ایسته سن بنده صادق اولاسان الله سن
نمازون ایله ادا شاهد ایمان دی نماز
امر ادیب خالق اوزی تا قیلاسان سنده نماز
بو سوزون امری اوچون تاکید قران دی نماز
مرتبط الله نان، شیطانا بلی دیمز او
زنده ایمانی ادیب قاتل شیطان دی نماز
ساخلار انسانی نماز منکر و بد کاردان او
راهنمادی بشره چون ره رضوان دی نماز
قبول اولسا نمازون واردی سعادت سنه چوخ
دین اسلامه ستون، عزت انسان دی نماز
نمازی ایله ادا با دل و اخلاص سن اوغول
ایمانی حفظ ایلیر دینیوه ارکان دی نماز
سهل سانما نمازی امر خداوند اولوری
چونکه او سوء عمله بیرجه نگهبان دی نماز
نمازا قدام ایله اول وقت ای گوزلیم
چون صفای دل اولور راحت تن جان دی نماز
هر کسی قیلسا نماز چهره سی رخشان اولاجاق
چونکه اسلامه اولان خورشید تابان دی نماز
نمازی ترک ایلین آخری خوش اولماز انون
چونکه فرمان قرآن دستور جانان دی نماز
نمازون ارزشنی صاحب دین لمس ایلیر
قان ویریب سن قالاسان شاه شهیدان دی نماز
ترک ادیب جنگی قیلا تا که نماز احیا اولا
ظهر عاشورا اوگون قانینه غلطان دی نماز
بنده لر قیلسا نماز دین خدا زنده قالار
جان دین رشد ایلیر پیکرینه قان دی نماز
ایسته ساق شکر ایلیاق نعمت یزدان اگر
عرض ادب ایلماقا بیر یکه میدان دی نماز
سوروشالار نمازی عقبادا اوّلده بالا
قبول اولسا اگر او تارک نیران دی نماز
هر کیمی قیلسا نماز عمر اونا طولانی اولار
جان ورن وقته اونا موجب آسان دی نماز
شرطی وار صوم و صلاتون اولا قبول گوزلیم
حب مولا علی دور او شه مردان دی نماز
نمازون ساخلاما سن آخر وقته مارالیم
شیطانا اولما غلام مکتب عرفان دی نماز
خالقه سجده اده مخلوقی لازمدی گرگ
فیضی خالقدن آلا فیض فراوان دی نماز
دینی قبول ایلین حکمونی قبول ایلیر
دینون اجراسی اوچون حجت و برهان دی نماز
نمازون دنیاسونی گورسه اگر دیده و دل
مؤمنه گلشن و گل کافره زندان دی نماز
نمازا لازمه دور پاک تن و پاک لباس
ییری غصب اولسا اگر باطل و بی جان دی نماز
نمازون فلسفه سین فاقد دین درک ایلمز
جاده توحید اوچون شمع فروزان دی نماز
گلشن دینده آچان گل لره عاشق دی بشر
گلش دینه اولان بلبل خوشخوان دی نماز
قدرت دین خدا اولدی جماعت نمازی
دشمنون گوزلرینه خار مغیلان دی نماز
عالمی بد بو ادیب فسق و فجور هم ده فساد
دنیانی خوشبو ادن تنها گلستان دی نماز
تارک زشتی، نماز منشاء تقوا اولوری
پاکی روح و روان راحت وجدان دی نماز
اسلامون پرچمینی دنیادا افراسته ادن
ملت اسلام اوچون بیر یکه آرمان دی نماز
کشتی ظلم و ستم دنیادا طغیان ایلسه
اونی نابود ایلین موجله طوفان دی نماز
قدرت ایرانا باخ عالمی حیرتده قویوت
جهانا روشن اولوب قدرت ایران دی نماز
جنگیده پیروز اولان دشمن غدّاره بوگون
لشکر دینه اولان حامی دوران دی نماز
بار تعالی نمازی واجب ادیب بیز بشره
بیر ستایش دی گوزل زینت ادیان دی نماز
گونده بش وقت سنه صحبت اولور خالقلن
بو ملاقات بشره واقعا احسان دی نماز
نمازون ذکر ی اولور تجلیل و تعریف خدا
گر خدا قبول اده موجب غفران دی نماز
نمازا زینت اولور بس که خضوع ایله خشوع
اولماسا بولار اگر باعث نقصان دی نماز
بیزه لازمدی اداخ دنیادا احیا نمازی
بین الله و بشر دائمی پیمان دی نماز
نمازون قدرینی بول وقت سحر تز اویادور
خیره سن تز چاتوسان خیر ایشه عنوان دی نماز
گلشن دین خدا گل لری شاداب اولار
گلشنی سیراب ادن باران نیسان دی نماز
ابر رحمت یاغشی جمله خبیث ایشلر اوچون
عالمی پاک ایلین سیل خروشان دی نماز
ریشه کن ایلماقا زوریله ناحق آغاجون
اونی نابود ایلین بادیله طوفان دی نماز
ریشه کبر و غرور نخوتی یاندرماق اوچون
یاندورب کول ایلین آتش سوزان دی نماز
ایسته ساق راه خدا، راه حقیقتده گداخ
کنترل ایلماقا اعمالا میزان دی نماز
کافران ایستری تا نور دینی خاموش اده
اسلامون دنیاسینا ماه درخشان دی نماز
مشرکین ایستیری بحر دینی خشک السون
بحر دین لبریز اولار رحمت باران دی نمار
دین اکمل جهانا دین محمد اولوری
او دینی ترویج ادن درس دبستان دی نماز
اعلمی اولدی نماز پرچم آیین خدا
اسلامی تانودران رونق قرآن دی نماز
گر فسادون آغاجون ایستیاق عالمده کساق
اونی قطع ایلماقا ارّه بران دی نماز
