الخوارزمی | Al-Xorazmiy
"الخوارزمی" اسلام‌نینگ ییریک و بویوک بیلیمدانی و یېتوک و اتاقلی سیمالریمیزدن بیری...!
تۉلیق آتی ابوعبدالله محمد بن موسی الخوارزمی، ۷۸۰م ییلده اۉزبېکستان‌نینگ خوارزم (خیوه) شهریده کۉز آچیب، ۸۵۰م ییلده عراق‌نینگ بغداد شهریده کۉز یومگن، ریاضیدان، آسترونوم، جغرافیدان، فیلسوف و اتاقلی اسلام تاریخچیسی‌دیر.
"الخوارزمی الگوریتم‌نینگ یره‌تووچیسی، صفر (0) سانی و (x) افاده‌سی‌نینگ بیرینچی مرته ریاضی ساحه‌سیده ایشلَتگن همده الجبر و تریگونومیتر نینگ ایلک اساسچیسی دېب سنه‌له‌دی. اوشبو الگوریتم مدرن بېلگی‌سیار (کامپیوتر)لر رواجلنشی‌گه تمَل بۉلدی و صفر سانینی کشفیدن سۉنگره اۉنلب، یوزلب، مینگلب و هکذا حسابلشنی آسانلشتیریب، کاینات حقیده‌گی توشونچه منطقینی اۉزگرتیردی؛ چونکی صفر سانی سۉنگ‌سیزلیکنی افاده‌له‌یدی.
موسی خوارزمی کۉپراق ریاضیده‌گی، اینیقسه الجبرده‌گی یوتوقلری ایله تانیلگن. "الجبر والمقابله" آتلی کتابی، چیزیقلی و ایکّی درجه‌لی تېنگلمه‌لرنی یېچیش یۉریقلرینی اۉزی‌گه آلگن، عرب تیلیده یازگن ایلک کتابی اېدی. بو کتاب اۉرته چاغلرده لاتینچه‌گه ترجمه بۉلیب و الجبر بیلیمی‌نی اروپاگه یېتکزیشده اۉنملی بیر رول اۉینه‌دی.
خوارزمی‌نینگ آتی بوکون‌گچه اروپا تیللریده "الگوریتم" و "الجبر" سۉزلریده قالگن‌دیر. "الگوریتم" الخوارزمی‌نینگ لاتینچه‌سیدن (Algoritmi) و "الجبر" اونینگ (الجبر والمقابله) آتلی کتابیدن آلینگن.
الخوارزمی شبهه‌سیز، اېنگ بویوک تورك - مسلمان بیلگه‌لریدن همده دنیاده‌گی بیلیم تاریخیده‌گی اېنگ اۉنملی سیمالریدن بیر‌ی‌دیر. اونینگ علمی میراثی بوکون‌گچه سقله‌نیب کېلیب، عالِملر و بیلیمدانلر تامانیدن قوللَّنیلماقده.
توغیلگن گونی قوتلوغ، اېسی منگو و اۉرنی جنت‌ده بۉلسین!
سایگی ایله
انیس ییلماز مدنی
محمد بن موسی الخوارزمی | الخوارزمی | ریاضی | حساب | الگوریتم | الجبر | الجبر والمقابله | معادلات دو درجه‌یی | صفر 0 | اوزبیک و تورک بیلیمدانلری | دانشمندان ترک و ازبک | ریاضیدان | ستاره شناس | آسترونوم
Muhammad ibni Muso Al-Xorazmiy | Muhammed Ibni Musa Al-Harezmiy | Xorazm | Algoritm | Al-jabr | Sıfır | Sifir | Uzbek | Türk | Oʻzbek Bilimdonlari
