https://virgool.io/feed/@mahdiyehpaydar fa 2026-06-17 07:37:39 https://static.virgool.io/images/default-avatar.jpg https://virgool.io/@mahdiyehpaydar https://virgool.io/@mahdiyehpaydar/%D9%85%D9%84%DA%A9%D9%88%D8%AA-%D8%A8%D9%87%D8%B1%D8%A7%D9%85-%D8%B5%D8%A7%D8%AF%D9%82%DB%8C-pzrxaa33wb8l #ملکوت#بهرام_صادقیکتاب آلتی بولوم ایدی. و خداوند زمین را در شش رو بیافرید آنیمساندی.بیرینجی بولوم ایله سونجونون راوی‌سی دانای کل ایدی. آما اورتادا اولان بولوم‌لر اول شخص ایدی. سانکی بیر آدامین خیال‌لاری دی.(کتابین آخیرلاریندا مودت دئییر سیز دئینلری آخی من ائشیتمه‌دیم).یازار چوخ دقتله چوخلو نکته‌لر ایشله‌دیب هامیسینی یازیب بلکه ده هئچ سئزه بیلمه‌رم. آنجاق دولودو تمثیل ایله استعاره‌له.ناغیل سورپرایز خبرله باشلاییب آردیجا تعلیق‌لر گلیرلر.#مودت آدلی بیر کیشی‌نین قارنینا جن گیریب! یولداشلاری بونو آپاریرلار دکتر یانینا.یولداشلارین بیری #ناشناس دی بیری #منشی بیری ده #چاق.دکتر یاری جاوان یاری قوجادی! بو دکتر جکیل ایله مستر هایدی منه آنیمساتدی.#دکتر_حاتم جنی چیخاریب بوراخیر. ناشناس آدلینی قیراغا چکیب دئییر من شاییرد لاریمی اولدوروب اونلاردان صابون جورله‌رم! بورالاردا حیکایه چوخ سوررئال اولورسا دا سونرالار آزالیر. بلکه ده یازار بیله بیله بئله یازیب. بهرامین باشقا کتابی سنگر و قمقمه‌های خالی دا دا گونده گوردویوموز ساده آدام‌لار فرقیلی فضا یارادیرلار. (منجه رضا جولایی دا سوء قصد به ذات همایونی دا بونو ایسته‌ییب گوسترسین، بو اوزدن فضا وهم ایله واقعیت آراسیندا قالمیش فرقیلی بیر فضا اولوب اوخوجویا چوخ ائتگی بوراخا بیلیر.) اویاندان دا بیر م.ل. آدلی کیشی تاپیلیب گلیب دکتره دئییر منیم ساغ قولومو قیر! بو کیشی بوندان اونجه قیچلاریلا قولونو کسیب الکلدا ساخلاییر. سانکی مازوخیسمی وار.سونرا دئییر منیم اوغلومو بو دکتر حاتم یولدان ائله‌میشدی. بو اوزدن اوغلومو اولدوردوم! سونرا گوردوم #شوکو آدلی نوکریم گوردو توتوب دیلینی کسدیم. کتابین بورالاریندا حالیم خراب اولوردو. بیراز دا ادگار آلن پو یازان حیکایه‌لرین فضاسی منه آنیمسانیردی.مودت بی‌هوش دی. هم چوخ چاخیر ایچیب هم جن گیریب قارنینا چیخیب هم دکتر دئییر دانیشما. دکترله منشی دانیشیرلار. ایکیسی‌نین ده حایات‌یولداشلاری‌نین آدی ملکوت ایدی. بو ایکی‌لیک بیر آن سه‌قطره خونو منه آنیمساتدی. اوردا دا هر زاد ایکی ایدی. دکتر حایات یولداشینا اونو ملکوتا یئتیرمکدن دئییر. منشی ده ملکوتدان سئوگی‌دن، ساده‌لیکدن، صفادان دئییر(بو ایکی ملکوتون آنلاملاریندا یئردن گویه فرق وار). دونن اوخودوغوم همسر اول کتابیندا راوی ایکی نفرین خیانتینی آچیقلایاندان سونرا دئییر ایندی او ایکیسی چوخ بختوردیلر آما هر یئرده سئوگی وار، تن وار، ایلان دا وار. سانکی وسوسه گلیب آدامی بهشتدن یئره چکیر. آدام روحدان جسمه هبوط ائله‌ییر(منشی ایله چاق دا وسوسه‌لره یئنینلرین نمادی اولا بیلرلر).بوردا دکتر دئییر منیم حایات یولداشلاریم اولوب ایتیب خیانت ائله‌ییب بوشانیرلار. بو دا ریش آبی‌نی آنیمساتدی. منشی جوان دئییر من تازا ائولنمیشم بیکار واختلاریم خانیملا اولارام. سانکی بو منشی ایلا او پوتا کیشی دونیا کئفلرینه باغلی اولانلارین نمادی دیلار. دکتر ناشناسا دئییب من هامیا ایینه وورموشام دئمیشم جاوانلاشاجاقسیز اما یالان دئمیشم هامی اوله‌جک. صاباحدا بوردان گئدیرم(کتابین اولینده یازار بیر هفته سوزونو ایشله‌دیب. هر فصلین باشلانیشدا دا مولوی‌دن انجیلدن یازیلیب. آدامین یارانیشی آنیمسانیر) ناشناس دا دینمیر.م.ل. دئییر من پشیمان اولدوم ایسته‌میرم وار یوخ قولومو کسه‌سن. حاتم گئدیر #ساقی آدلی حایات‌یولداشی‌نین یانینا. بیر آن گورور او نم‌نه گیزلتدی. اونونلا یاخینلاشیب یالاندان محبت گوستریب اونا شاد ائله‌مک اوچون سوز وئریر آما نئچه لحظه کئفدن سونرا اونو بوغوب اولدورور. ال آتیر قادینین سینه‌سینده گیزله‌نن کاغاذی آچیب گورور شوکو لا ساقی‌نین گیزلی ایلگی‌لری وار ایمیش.شوکو م.ل. آدلی اربابینا چوخ وفالی دی. بو چوخ قورخونج، چوخ آجی دی.دکتر ساقی‌نی اولدورنده گورور شوکو گوردو. گلیر م.ل. ایله دانیشیر. م.ل. دئییر بونون آتا آناسی بیزیم قصرده ایشله‌یرمیشلر. بو دونیایا گوز آچاندان سونرا باغبان بوینونا آلیر اوشاق اونداندی. شوکو منه چوخ وفالیدی او جاوانلیق ایینه‌لریندن بونا دا وور. دکتر دئمیر شوکولا ساقی‌نین خیانتی‌نی بیلیب. اونا جاوانلیق(اولوم) ایینه‌سی وورمور. ایسته‌ییر شوکو اربابی‌نین اولومونو گورسون اونا وفالی قالیب عذاب چکسین.آخیرلاردا مودتین حالی توختاییر یولداشلاری بونو گوتوروب یئنه کئفدالیسیجا باغا گئدیرلر. دکترلا م.ل ایله شوکو دا سونرادان اونلارا قوشولوب دانیشیرلار. دکتر دئییر او ایینه‌لر یاشام یوخ، اصلینده اولوم ایینه‌سی ایدیلر. بونلار قورخورلار. فلسفی دانیشیرلار: خودکشی، ترس، دلیل زندگی، معنای زندگی و...#مهدیه_پایدار @elmanpaydar13 Mahdiyehpaydar Mahdiyehpaydar Fri, 25 Aug 2023 02:43:04 +0330 https://virgool.io/@mahdiyehpaydar/%D9%87%D9%85%D8%B3%D8%B1-%D8%A7%D9%88%D9%84-%D9%81%D8%B1%D8%A7%D9%86%D8%B3%D9%88%D8%A7%D8%B2-%D8%B4%D8%A7%D9%86%D8%AF%D8%B1%D9%86%D8%A7%DA%AF%D9%88%D8%B1-meyfrwzurqaq #همسر_اول#فرانسواز_شاندرناگور "سئوگیم نفرتیمه اوستون گلسین دئیه یازدیم"فرانسوا لا جان بیر قالب اولورام. هر زاد واختیندا قشنگدی. هر زاددان چوخ آدم‌لار. دیلده وارام دئییب آما اولمایاندا یئرینی هئچ نه دولدورماییر. بونو آچیب آغلارتماق اولمور. خیانتدن باغیشلاماق‌لا کئچمک اولمور. یاندیریر کول ائله‌ییر. دانیشا بیلمه‌دن ال آتیرام کاغاذا. سیغینیرام یازماغا. یازیلاریملا خیانتین قارشیسیندا خیانت ائله‌ییرم. اونا دوشونمک یئرینه بیر کتاب یازماغا دوشونورم. یازیرام بلکه سئوگیم نفرتیمه اوستون گله. یازماق دیری قالماق اوچون تکجه ندن. لحظه‌لر، ثانیه‌لر، دقیقه‌لر، ساعات‌لار، گون‌لر، هفته‌لر، آی‌لار، ایللر... سونوندا وارلیغیم رای وئریر اوتانازیا. من اولمه‌لییم. روحوم، آنی‌لاریم، دویغولاریم، رویالاریم... داها کئچمیشده اولان آدام اولا بیلمه‌رم. اونونلا گئدن یئرلره گئده بیلمه‌رم. اونونلا گوروب اونونلا دانیشدیغیم آدام‌لار بیربیر منی آتیب اونا هاپی دورورلار. اورییمین دریسی سویولور. دریسینی سویانلاری آلقیشلاییرلار. خودافیظلشمه‌یه مجال وئرمیرلر. نئجه اینانیم داها سنین آنان آنا سسله‌یه بیلمه‌به‌جیم؟! اوتانازی جواب وئریر. اونجه اولدوغوم آدامی قویلاییرام. اینانیرام اونلار بیرلیکده چوخ بختور اولتجاقلار. او یازیق من سئویب خوشبخت ائله‌یه بیلمه‌دیییم آدامی مندن چوخ سئویب اونون اوچون اوزوندن کئچه‌جک. رویالاریندان، اوزگورلویوندن، هر زادیندان. من کئچه‌مه‌ین زادلاردان. بو اوزدن هله هله آغلامالییام. آما باشقا تهر. بو دونه سئوگیمه سوگوارلیق ائله‌یه‌جیم. آغلاییب گوله‌جیم. خیالیمدا مین‌لرجه قوجاقلاشاجاغام. بیرلشدیییمیز لحظه‌لرده ترومالاریمیزین بیرلشمه‌لرینی گوره‌جیم. منیم تنیمدن سنین تنن، سنین تنیندن منیم تنیمه جالانان آنلاری ذهنیمده دونه‌لرجه گوشه‌یه‌جیم. یادیما دوشنده تنین گیزلی سیررلارینی ایلک اونجه من تاپمیشدیم الیمی اورییمه قویوب آغلایاجاغام. کیسمه‌یه دئییب ایناندیرماغا سوزوم اولمایاجاق. او دا منی بیر گون سئویردی دئییب اونو گوسترمه‌یه الیمده هئچ نه اولمایاجاق. سانکی یازارام یاشامادیغیم خیاللاری یازیرام دئیه اورک یاندیریب سوز بزه‌یه‌جکلر. یازماق ضرریمه اولسا دا یازاجاغام. بو سوگوارلیق اوجون منیم تکجه باجاردیغیمدی. تکجه وارلیغیما سیغینیب اونون اوچون قیراغا چکیله‌جیم. سئوگیمیزی قورومایاجاغام. آرتیق قیراغا قویولدوغومو بوینوما آلاجاغام. تنیم اونون تنی‌مین حسرتیندن هر آی کئچمیش آیدان آرتیق قان آخدیرامدا اوزومو قوجاقلاییب داها تک قالاجاقسان دئیه‌جیم. تنیم بیر داها داغدا داشدا اونون تنیله بیر اولا بیلمه‌یه‌جیی‌مین اینانماغینا بویون وئرنده استحاله‌یه سیغیناجاغیق. داها منیمله او یوخ. منیمله من قالیریق. من داها بیری‌نین یاشامیندا ایلک قادین دئییلم. من آرتیق اولموشم. ایلانلار چالان آجیلارا دوشونمه‌سم دریمی دییشه بیله‌رم. اسکی دریدن چیخیب یئنی آدام اولا بیله‌رم. ایچیمده آغلایان اوشاقلیقلا تانیدیغیم قیزجیغازلا بیر داها یاخین اولا بیله‌رم. اونا سیغیناجاق اولا بیله‌رم. بلکه سئودیییم آدامین ایچینده یاشایان اوشاقلا یولداش اولدوق. هر نه اولورسا اونون گنجلییی، یئنی‌یئتمه‌لییی، اوشاقلیغی بئله منیم گنجلیییمله، یئنی‌یئتمه‌لییمله، اوشاقلیغیملا بویا باشا چاتمیشدی. آرتیق اونون قوجالیغی باشقاسی‌نین دی. منیم قوجالیغیم اوزوموندو.#مهدیه_پایدارhttps://t.me/elmanpaydar13 Mahdiyehpaydar Mahdiyehpaydar Fri, 25 Aug 2023 02:39:55 +0330 https://virgool.io/@mahdiyehpaydar/%DA%A9%D8%B1%DB%8C%D8%B3%D8%AA%DB%8C%D9%86-%D9%88-%DA%A9%DB%8C%D8%AF-dk7kv6ii97vj #کریستین_و_کید#هوشنگ_گلشیری "داستان خداوندگاری است که به گناه مخلوقاتش آلوده می‌شود."دونن‌دن آغلاییرام هوشنگ. نئجه بو ناغیلی آغلاییب یازمیسان؟ گؤره‌سن تانری دا بیزی یاراداندا سئوگینین یوکسکلیییندن آغلاییب؟ آغلاماسا ایدی بو قدر گؤزل یاراتمازدی. من هله ده سوچ‌لاریمی سئویرم هوشنگ. هئچ بیر قوتسال آتانین اؤنونده اعتراف ائتمک ایسته‌میرم... پدر مقدسین اوریی دولسا اعترافینی دینله‌ین بیریسی وار هوشنگ؟ من هله ده سئویشیب سونوندا سئوگی یوکونون آغیرلیغی آلتیندا آغلاماغی سئویرم هوشنگ. هله ده بئینیمده گونده مین نفر یارادیرام بلکه بیری من دئین اولا، من سئون اولا منی سئون اولا. اونلارین یئرینه آغلاییب گولوب سئویشیب اؤلورم. داها او ناغیلدا او قالیبده او جاندا او گووده‌ده دیریلمیرم آما گئجه گوندوز ایچیمده آغلاییرام. نییه سئودیییم دونیانی هله یارادا بیلمیرم؟ سئودیییم ناغیلی یازا بیلمیرم؟ بلکه آز آغلاییرام هوشنگ؟ یوخ؟ کور اولسام داها یازا بیلمه‌سم... بیلیرم کور اولسام دا یازاجاغام. یازا یازا دا، یازمامیشدان اؤنجه یازاندان سونرا دا آغلایاجاغام هوشنگ. منیم ده کور گؤزلریمدن بیر ناغیل یازارسان اوندا؟ منیم باخیشیمدان باخیب منیم یوخ سئوگیلیمی سئوه بیلرسن هوشنگ؟ نه قدر ده چیرکین اولورسا؟ یوخ کیپریک‌لرینه وورولوب سئوگیدن احیا گئجه‌‌لری اویاق قالیب آغلایارسان؟ تانرییا یالوارارسان کور اولسان دا او یاراتماغی بیرینی سنه باغیشلاییب آغلادیغین ناغیل‌لاردا سنین سئوگیلینی سئوگیلیسینه یئتیریب اونلاری خوشبخت ائله‌سین؟ سنین گؤز یاشلاران باخمایاراق اونو قارغیماسین؟ عؤمرونو غصه‌ كدرله دولدورماسین؟ یارانمامیش سئوگیلین سنه مین یول خیانت ائتسه ده؟"گفت: تو چی؟ تو هم با هر کس بخواهی بخوابی می‌گویی: دوستت دارم.""وقتی می‌خواستم صورتت را نوازش کنم یک دفعه خشکت زد. پشیمان شدی حتما که چرا گذاشته‌ای به اینجاها بکشد. شاید هم قبلا فکر نمی‌کردی که این‌قدر آسان بشود با یکی بازی کرد."#مهدیه_پایدار Mahdiyehpaydar Mahdiyehpaydar Wed, 26 Apr 2023 13:13:01 +0330 https://virgool.io/@mahdiyehpaydar/%DB%8C%D9%88%D8%B2%D9%BE%D9%84%D9%86%DA%AF%D8%A7%D9%86%DB%8C-%DA%A9%D9%87-%D8%A8%D8%A7-%D9%85%D9%86-%D8%AF%D9%88%DB%8C%D8%AF%D9%87-%D8%A7%D9%86%D8%AF-dwglx25r5uw1 #یوزپلنگانی_که_با_من_دویده_اند#بیژن_نجدی نئجه آغلاماق باجارمایان منین آغلاتماغینی باجاریرسان؟ سنینله قاچان قافلان‌لار نه اولدولار اوغلان؟ کیمه ارث قالدیلار؟ اونلارا قویدوغون ارث کیمه قالدی؟ قافلان‌لاری رام ائدیب سوزجوکلری رقصه چکن یازار، ندن ایندییه‌دک گلیب منه چاتمامیشدین؟ داها قاچما! بیر دایان! منیم دامارلاریمدا جالان. منیمله دانیشما... گل اورییمده یووا قور، سوموک‌لریمه قفل ووروب جومجولاق سو، ایسلانمیش سه‌شنبه‌ده منی یو...دایان بیر نفس آل. هئچ خبرین اولدو سونونجو قافلان نئجه اولدو؟ بوتون عکس‌لرینی گوشومدا جیریب سنین ناغیل‌لاریندا یاشاییب اولن ملیحه‌لر ایله طاهرلر ایله مرتضی‌لارین پالتولاری‌نین جیب‌لرینه توکورم. سن ده شعرلرینی منیم شئح چکمیش خاطره‌لریمه یاغدیر. دایان کیمسه‌یه دئمه‌دیییم بایرام آییندان سنه دئییم بیژن. کیمسه اولمادان، منیمله اوزومون بورالاردان چیخیب قاچیب شاخدادان دونموش آلما آغاج‌لارینین، یومولموش گوزلری‌نین اونونده، چیلپاق اولموش بوداق‌لاری‌نین آلتیندا چیلپاق اولماغیمیزدان. نفس‌لریمیزین ایستیسیندن بخارلانیب، دالی شیشه‌ده سنی سئویرم یازیلاریمیزین شئح چکمه‌سیندن... شیشه‌نین آغلاماغیندان... سونوندا...‌ چوخ سونرالاردا دامجی دامجی گوز یاشی توکوب گئت بورالاردان دئمه‌ییمیزدن...ناغیل‌لارین شاعیری منیمله دانیش. بیر داها دایان سوزلریم قورتاران دئییل بیژن. چییینلریمدن یاشامین یوکو گوتورولن دئییل. حیکایه‌لرینده اوریی یارا آت منم. سوزجوکلره اورک باغلاییب یارالاریمی اونلارا تاپشیران نقاش دا، نقاشی دا منم. کیشنه‌ییب آغلاییرام. دیزلریم یئره چوکولور. علی دئمیشکن فیکیرلر بئینیمی سؤکور. آبا گلیر گؤزومون قاباغینا. سؤکولورم.#مهدیه_پایدار Mahdiyehpaydar Mahdiyehpaydar Wed, 26 Apr 2023 13:05:26 +0330