سرگوونکریه‌کم
ل ڕۆژهلاتێ هه‌ری دوور
ژ جوغرافیایا هه‌ستان؛
قایل ب قه‌ده‌را خوه.
داوین زندانیێ ئه‌فووکری مه
بێ زنجیر و بێ ده‌ستبه‌ند
ل به‌ر ده‌ریێ زیندانه‌که ڤه‌کری و
بێ زیندانڤان
ل چۆلستانه‌که دوور ژ هه‌ر باژاری
لێ؛ دل ناکم ژێ ده‌رکه‌ڤم.
?
تاکه‌شه‌لپه‌کی زه‌رم
ل سه‌ر چقلا هه‌ری بلند
ژ داره‌که به‌ر باویشکێن داویا پاییزێ و
د به‌ره‌به‌رێ زڤستانێ دا
لێ؛ ناخوازم ته‌رکێ بکم.
ئه‌زێ ببم؛
گوهارا دارێ
ڤێ بووکا بسک و گولیبڕی!
ئه‌زێ ببم؛
نۆبه‌دارێ خه‌وا دارستانێ
ل ناڤ به‌رف و بارانێ
ل ناڤ مژ و دوومانێ
ل چه‌ڵه و چاخوونێ.
ئه‌زێ ببم؛
بیسه‌رێ کورته‌پستێن ئه‌ڤینا چڤیکان
بینه‌رێ هه‌ڤشابوونا دلبه‌ر و دلداران
ته‌مبوورا ده‌ستێ شه‌مالێ
مازووڤانێ کوڵیێن به‌رفێ و
مێڤانێ شه‌ڤێن چیکساهی.
*به‌رات قه‌وی ئه‌ندام
#مینا_هه‌لبه‌ستێ
