بێیی کو هێستره‌ک ژ چاڤێن وێ بکه‌ڤه خوارێ
هولستیا* و
به‌رێ خوه دا جهێ کنجان،
کراسێ خوه هلانی* و چوو.
تو دکی* ده‌ستێ خوه درێژ کربه و
هه‌یڤ ژ ئاسمانێ هاڤینێ هلانیبه.
مێرکی باوه‌ر نه‌دکر
ژ خه‌فه‌تان خه‌و نه‌که‌ته چاڤان؛
نه وێ شه‌ڤێ
نه شه‌ڤا دن
نه ژی شه‌ڤترا دن.
پشتی دو هه‌فته‌یان هه‌یڤ ڤه‌گه‌ریا
لێ؛ ژنک؟
مێرکی فام کر کو ئه‌وێ ئێدی نه‌یێ
ڤێجا؛ ژ شوونا خوه هولستیا
چوو به‌ر هیلیێ* و ل ڕوویێ خوه ته‌ماشه کر
مینا کو ژ په‌نجه‌ره‌یه‌کی نیڤ‌ڤه‌کری
ئاسمانێ بێ‌هه‌یڤ دیتبه.
پاشێ؛
هات بیرێ کو ژنێ کراسێ خوه بریه!
یانیس ڕیتسۆس
ژ پرتووکا «ب زمانه‌کی دن»
وه‌رگه‌را به‌رات قه‌وی‌ئه‌ندام
پاییزا ۲۰۲۰ی
*هولستیان: ڕابوون، هلانین: ڕاکرن، تو دکی: دبێ قه‌ی، هیلی: نه‌ینک
