Me bi dil nêrgizên xasse divên
Semen û yasemînê taze divên
Nazik û neyşekerên tuhfe divên
Sosinên nazik û terwende divên
Dilberên dêmdur û durdane divên
Kewkebên şewq û şefeq zuhre divên
Naz-i perwerde û şehzade divên
Sayeperwerde me bêperde divên
Serwiqed dêmgul û lebxunçe divên
Ayetu l-lahî şerîf-nusxe divên
Lê bi i`rab û xet û cezme divên
Dilrubayan ne tinê xemze divên
Bi mesîhasifetê `işwe divên
Samirî sihrisifet şêwe divên
Senemên sur ji semed her me divên
Ji me eswedheceran secde divên
Bi ziyaret me ji wan bûse divên
Turreya şeng-i dil-aşûfte divên
Mihridarên xwe di pijmurde divên
Pêşkişa te me dused nafe divên
Sed hezar etles û hem xare divên
Her li bo zînet û xemla te divên
Textebend û sifetên qeyseriyê
Dînberê horîmisalê zeriyê
Nazikê neyşekerê surperiyê
#Melayê_Cizîrî
#Kurmancî #Kurmanji #Kurdish #Helbest #Wêje #Kurdî #Edebiyat
#کرمانجی #کورمانجی #ادبیات #ملای_جزیری #شعر #کوردی #هەلبەست #کوردی
